Акафист георгию победоносцу текст с ударениями

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 06 мая (23 апреля ст. ст.); 16 ноября (03 ноября ст. ст.); 23 ноября (10 ноября ст. ст.); 09 декабря (26 ноября ст. ст.)

Возбра́нному воево́де и Победоно́сцу Гео́ргию соста́вим похвалу́, я́ко хода́таю на́шему и ско́рому помо́щнику: ты́ же, святы́й великому́чениче, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́:

Ра́дуйся, Гео́ргие, вели́кий Победоно́сче.

А́нгелов Творе́ц и всея́ тва́ри Соде́тель, яви́вый тя́ Це́ркви Своея́ ве́ры побо́рника и за ве́ру непобеди́маго страстоте́рпца, внуша́ет на́м за по́двиги страда́ний твои́х восхваля́ти тя́, свя́те Гео́ргие, си́це:

Ра́дуйся, до конца́ Иису́са Сы́на Бо́жия возлюби́вый; ра́дуйся, за и́мя Его́ с любо́вию ду́шу свою́ положи́вый.

Ра́дуйся, испове́дниче, от Бо́га призва́нный; ра́дуйся, подви́жниче, Бо́жиею благода́тию просла́вленный.

Ра́дуйся, А́нгелов сожи́телю; ра́дуйся, проро́ков равностоя́телю.

Ра́дуйся, Гео́ргие, вели́кий Победоно́сче.

Ви́дя гоне́ние нечести́вых на христиа́ны, не убоя́лся еси́ ко́зни и́х и мучи́тельства, богому́дре, но я́ко до́брый во́ин Христо́в, вся́ своя́ ни́щим разда́в, во́лею поте́кл еси́ на сове́т и́х непра́ведный, Христу́ вождю́ и Бо́гу своему́ поя́: Аллилу́иа.

Разу́мно уразуме́в Еди́наго Бо́га, в Трие́х Ипоста́сех боголе́пно покланя́емаго, тве́рдым умо́м испове́дал еси́ Его́ на собо́рищи нечести́вых и та́ко обличи́л еси́ безу́мнаго царя́ безу́мное поклоне́ние тва́ри. Сего́ ра́ди за твое́ высо́кое любому́дрие приими́ от на́с, Гео́ргие, усе́рдныя похвалы́:

Ра́дуйся, Еди́наго и́стиннаго Бо́га пропове́дниче; ра́дуйся, Пресвяты́я Тро́ицы ве́рный защи́тниче.

Ра́дуйся, ве́лию правосла́внаго испове́дания та́йну неве́рным показа́вый; ра́дуйся, и́дольскаго служе́ния пре́лесть обличи́вый.

Ра́дуйся, ри́торе Бо́жий; ра́дуйся, вети́е, прему́дрости испо́лненный.

Ра́дуйся, Гео́ргие, вели́кий Победоно́сче.

Си́ла Бо́жия, просвеща́ющая вся́каго челове́ка, гряду́щаго в ми́р, и в темни́це тя́ стра́ждущаго посети́ла е́сть, смиренному́дре Гео́ргие: поне́же ты́ вся́ жития́ сего́ тле́нная, я́ко уме́ты презре́в, еди́ному Христу́ прилепи́лся еси́, да за и́мя Его́ до́бре во́инствовав, сподо́бишися Тому́ со А́нгелы ве́чно воспева́ти: Аллилу́иа.

Име́я у́м и се́рдце, Ду́хом Святы́м озаре́нныя, ты́ по внуше́нию Его́ поревнова́л еси́ подвиза́тися за и́мя Христо́во, до кро́ве стоя́ бо му́жественно в ве́ре, обличи́л еси́ вознесе́нную нечести́ваго собо́рища горды́ню. Сего́ ра́ди хва́лим тя́, всему́дре Гео́ргие, си́це:

Ра́дуйся, щи́те, воздви́гнутый на охране́ние благоче́стия; ра́дуйся, мечу́, подъя́тый на посече́ние нече́стия.

Ра́дуйся, сто́лпе ве́ры; ра́дуйся, стено́ и утвержде́ние Христо́вы Це́ркви.

Ра́дуйся, ве́рных удобре́ние; ра́дуйся, неве́рных стра́х и посрамле́ние.

Ра́дуйся, Гео́ргие, вели́кий Победоно́сче.

Безу́мный мучи́тель, ды́шащий на тя́ уби́йством, страстоте́рпче Гео́ргие, жа́ждал бо кро́ве твоея́, я́ко пе́с а́лчный, повелева́я распя́ти на колесе́ те́ло твое́ и зле́йшим му́кам преда́ти; ты́ же, возмога́я о Го́споде, с тве́рдым упова́нием к Бо́гу взыва́л еси́: Аллилу́иа.

Слы́шавше от тебе́ Диоклетиа́н и жрецы́ и́дольстии словеса́ прему́дрости, распыха́хуся на тя́ зло́бою, па́че же егда́ ре́кл еси́: «О царю́ мучи́телю! Почто́ мя́ всу́е истязу́еши? Мне́ бо е́же жи́ти, Христо́с, и е́же умре́ти, приобре́тение. Тру́дно ти́ е́сть проти́ву рожна́ пра́ти». Сего́ ра́ди мы́ взыва́ем ти́, великоимени́те Гео́ргие, си́це:

Ра́дуйся, за му́жественное испове́дание ве́ры на колесе́ кро́вь свою́ пролия́вый; ра́дуйся, кро́вию свое́ю торжество́ ве́ры возвели́чивый.

Ра́дуйся, Апо́столов соревни́телю; ра́дуйся, во́льным Христо́вым Страсте́м подража́телю.

Ра́дуйся, побо́рниче ве́ры непоколеби́мый; ра́дуйся, страстоте́рпче, адама́нта тверде́йший.

Ра́дуйся, Гео́ргие, вели́кий Победоно́сче.

Боготе́чней звезде́ подо́бен бы́л еси́ Гео́ргие, чуде́сным бо от А́нгела исцеле́нием и ви́димым от колеса́ отреше́нием научи́л еси́ неве́рных ве́ровати в Тро́ицу Единосу́щную и То́й ку́пно с тобо́ю воспева́ти: Аллилу́иа.

Ви́деша наро́ди чудеса́ си́лы Бо́жией, я́ве на тебе́ быва́емыя, с кро́тостию уче́ние Христо́во от тебе́ прия́ша и возопи́ша, глаго́люще: «Вои́стину вели́к Бо́г христиа́нский!» Сего́ ра́ди и мы́, восхваля́я тя́, достосла́вне Гео́ргие, взыва́ем си́це:

Ра́дуйся, светоно́сным спасе́ния сло́вом тьму́ неве́рия разгна́вый; ра́дуйся, му́ченическим ве́ры испове́данием неве́рныя ко Христу́ обрати́вый.

Ра́дуйся, легио́ны во́инов земны́х в небе́сное во́инство предводя́й; ра́дуйся, я́ко во́ин Христо́в с небе́сными во́и пребыва́яй.

Ра́дуйся, ратобо́рцев сла́во; ра́дуйся, пресве́тлаго му́ченическаго ли́ка красото́.

Ра́дуйся, Гео́ргие, вели́кий Победоно́сче.

Пропове́дником и́стины, духоно́сным Апо́столом поревнова́в, кресто́м ми́ру распя́лся еси́, страстоте́рпче; се́ бо, я́ко Ио́на во чре́во ки́тово, в пе́щь нерастворе́нныя и́звести стремгла́в вве́ржен бы́л еси́, да просла́вится тебе́ ра́ди ди́вный во святы́х Госпо́дь, Ему́же ты́ и в ро́ве и́звестнем, я́ко во хра́ме сла́вы, у́мно взыва́л еси́: Аллилу́иа.

Возсия́вый в тридне́внем Свое́м от гро́ба воста́нии всеси́льный а́да и сме́рти Победи́тель Иису́с спасе́ тя́ от а́дова истле́ния, страстоте́рпче Гео́ргие: по трие́х бо дне́х обрето́ша тя́ в и́звести жи́ва и в воздея́нии ру́к пою́ща Бо́га; сего́ ра́ди вельми́ пристра́шни бы́ша и ужасо́шася. Мы́ же, ра́дующеся, воспису́ем ти́ побе́дную пе́снь:

Ра́дуйся, позо́рным в и́звестный ро́в низверже́нием, вознесе́нную диа́вола горды́ню низложи́вый; ра́дуйся, ди́вным от Бо́га спасе́нием зве́рство мучи́телей победи́вый.

Ра́дуйся, я́ко незло́бив сы́й, за твори́вших ти́ напа́сть моли́лся еси́, я́ко за благотво́рцев; ра́дуйся, я́ко о обраще́нии и́х, я́ко же Па́вел о евре́ех, боле́зновал еси́.

Ра́дуйся, му́жу жела́ний; ра́дуйся, сосу́де избра́нный.

Ра́дуйся, Гео́ргие, вели́кий Победоно́сче.

Хотя́й вся́чески улови́ти се́рдце твое́ к пре́лести и́дол, нечести́вый мучи́тель умышля́ет прельсти́ти тя́ волше́бными чарова́нии; ты́ же, богоизбра́нне, с Дави́дом восклица́я: «О Бо́зе спасе́ние мое́ и сла́ва моя́», ве́рно Тому́ пе́л еси́: Аллилу́иа.

Но́вое показа́ зло́ лука́вый о́ный сатаны́ служи́тель Диоклетиа́н, егда́ в безу́мной свое́й ко и́долом ре́вности повеле́ напои́ти тя́, Гео́ргие, я́дом; ты́ же испо́лнен сы́й ве́ры и упова́ния, а́ще и сме́ртное испи́л, оба́че без вре́да пребы́л еси́, богохва́льне, те́мже и мы́ вопие́м ти́:

Ра́дуйся, я́ко во упова́нии на Бо́га Жи́ва не посрами́лся еси́; ра́дуйся, я́ко мучи́теля нивочто́же вмени́л еси́.

Ра́дуйся, бесо́в отгна́телю; ра́дуйся, волше́бныя ко́зни разруши́телю.

Ра́дуйся, я́ко тобо́ю ди́вен Бо́г во святы́х Свои́х явля́ется; ра́дуйся, я́ко тобо́ю благоче́стно и́мя Христо́во прославля́ется.

Ра́дуйся, Гео́ргие, вели́кий Победоно́сче.

Стра́нный и стра́шный сове́т бы́сть от не́коего волхва́ нечести́вому царю́, да повели́т ти́, в доказа́тельство пра́вости ве́ры Христо́вой, сло́вом воскреси́ти ме́ртваго; ты́ же, Гео́ргие, ничто́же сумня́ся, воспева́л еси́ Тому́, И́же не́сть Бо́г ме́ртвых, но Бо́г живы́х: Аллилу́иа.

Всежела́нный и Сладча́йший Иису́с, Его́же ты́ все́ю душе́ю и все́м се́рдцем возлюби́л еси́, всеблаже́нне Гео́ргие, слы́ша те́плое ве́ры твоея́ моле́ние, вско́ре повеле́ по сло́ву твоему́ воскре́снути ме́ртвому, прославле́ния ра́ди И́мени Своего́ и ве́рных утвержде́ния, неве́рным же и ослепле́нным на удивле́ние и богопозна́ние. Сего́ ра́ди по до́лгу вопие́м ти́:

Ра́дуйся, я́ко Госпо́дь си́л ди́вная на тебе́ яви́л е́сть; ра́дуйся, я́ко тобо́ю ме́ртваго от гро́ба воскреси́л е́сть.

Ра́дуйся, ослепле́нному волхву́ у́мное ве́ры прозре́ние дарова́вый; ра́дуйся, мно́гим, Христа́ ра́ди пострада́вшим, во свята́я святы́х пу́ть показа́вый.

Ра́дуйся, Ри́ма удивле́ние; ра́дуйся, христиа́нскаго ро́да возвыше́ние.

Ра́дуйся, Гео́ргие, вели́кий Победоно́сче.

Вси́ А́нгели восхвали́ша Бо́га, дарова́вшаго ти́ таково́е му́жество, Гео́ргие, я́ко и в темни́чном заточе́нии не престава́л еси́ моли́твенно бо́дрствовати. Сего́ ра́ди, я́ко вели́кий таи́нник Бо́жия благода́ти, удосто́ился еси́ ви́дети в виде́нии Го́спода, венце́м нетле́ния главу́ твою́ венча́юща, да и мы́ с тобо́ю вопие́м: Аллилу́иа.

Вети́и многовеща́ннии ри́торскими свои́ми язы́ки не возмо́гут изрещи́ тебе́ досто́йныя хвалы́, Гео́ргие, мно́гих ра́ди твои́х подвиго́в и боле́зней, и́хже за Христа́ и Це́рковь подъя́л еси́ во́лею. Сего́ ра́ди и мы́, недоуме́я восхваля́ти тя́ по достоя́нию, воспева́ем си́це:

Ра́дуйся, во́льным за Христа́ и Це́рковь страда́нием ве́тхаго в себе́ Ада́ма распя́вый; ра́дуйся, за до́блестное страда́ние вене́ц пра́вды от руки́ Госпо́дней прия́вый.

Ра́дуйся, пра́вило ре́вности благочести́выя; ра́дуйся, о́бразе нищеты́ духо́вныя.

Ра́дуйся, я́ко не себе́, но Еди́ному Бо́гу до́бре угоди́л еси́; ра́дуйся, я́ко за Христа́ на многообра́зныя сме́рти гото́в бы́л еси́.

Ра́дуйся, Гео́ргие, вели́кий Победоно́сче.

Спасти́ хотя́ ду́ши во тьме́ идолослуже́ния погиба́ющих, боголю́бче Гео́ргие, ты́, ревну́я, поревнова́л еси́, я́ко Илия́ по Бо́зе: вше́д бо во хра́м и́дольский, си́лою Бо́жиею разгна́л еси́ бе́сы, сокруши́л и́долы, посрами́л жрецы́ и, я́ко победи́тель, не с челове́ки, но со А́нгелы пе́л еси́ Бо́гу: Аллилу́иа.

Стены́ безчу́вственнее окамене́нный се́рдцем мучи́тель тво́й, Гео́ргие, не уразуме́ Бо́га, я́ве тобо́ю чудоде́йствующа, но до конца́ пребы́л еси́, я́ко а́спид, затыка́яй у́ши свои́. Сего́ ра́ди повеле́ усещи́ тя́ на позо́рищи во главу́, я́ко злоде́я; ты́ же, боле́знуя о поги́бели души́ его́, ра́достно прия́л еси́ кончи́ну, за ню́же мы́ тя́ ублажа́ем любо́вию си́це:

Ра́дуйся, ве́ру, наде́жду и любы́ до конца́ сохрани́вый; ра́дуйся, во успе́нии твое́м мно́гия и вели́кия чудеса́ сотвори́вый.

Ра́дуйся, ору́жием благоволе́ния Бо́жия венча́нный на земли́; ра́дуйся, сла́вою и велеле́пием украше́нный на Небеси́.

Ра́дуйся, челове́че Бо́жий; ра́дуйся, до́брый во́ине Христо́в.

Ра́дуйся, Гео́ргие, вели́кий Победоно́сче.

Пе́ние Пресвяте́й Тро́ице па́че ины́х возда́л еси́, святы́й великому́чениче Гео́ргие, не сло́вом то́чию и умо́м, но живы́м всего́ себя́ в же́ртву принесе́нием: подража́я бо распя́тому за ны́ непоро́чному А́гнцу Христу́, положи́л еси́ ду́шу свою́ за дру́ги своя́ во́лею. Те́мже у́бо а́ще и недово́льни есмы́ к похвале́нию таковы́я твоея́ до́блести, бо́льше бо сея́ любве́ никто́же и́мать, оба́че благода́рни су́ще, пое́м Ди́вному во святы́х Бо́гу: Аллилу́иа.

Светоприе́мный свети́льник и́стиннаго Све́та су́щим на земли́ явля́ешися, богоизбра́нне Гео́ргие, просвеща́еши бо сердца́ ве́рных и к ра́зуму Боже́ственному вся́ наставля́еши, поуча́я и на́с ве́село взыва́ти:

Ра́дуйся, я́ко в пресве́тлых а́нгельских черто́зех вселя́ешися; ра́дуйся, я́ко не в гада́нии, но лице́м к лицу́, Невече́рняго Тро́ическаго Све́та причаща́ешися.

Ра́дуйся, ни́щих пита́телю и оби́димых защи́тниче; ра́дуйся, немощны́х врачу́ и царе́й побо́рниче.

Ра́дуйся, правосла́вным во́ином во бра́нех спобо́рниче; ра́дуйся, о спасе́нии гре́шников те́плый хода́таю.

Ра́дуйся, Гео́ргие, вели́кий Победоно́сче.

Благода́ть, да́нную ти́ от Бо́га, ве́дуще, па́мять твою́ пра́зднуем, великому́чениче Гео́ргие, и с усе́рдным моле́нием к чудотво́рному о́бразу твоему́ притека́юще, твое́ю всеси́льною о Го́споде по́мощию, я́ко необори́мою стено́ю, огражда́емся. Сего́ ра́ди восхваля́я тя́, усе́рдно зове́м Бо́гу: Аллилу́иа.

Сла́вную кончи́ну твою́ пою́ще, е́юже возвели́чился еси́, я́ко до́брый во́ин Христо́в, мо́лим тя́, страстоте́рпче Гео́ргие: бу́ди на́м во все́м ко бла́гу помо́щниче и услы́ши ны́, усе́рдно взыва́ющих ти́:

Ра́дуйся, я́ко тобо́ю Це́рковь ве́рных просвеща́ется; ра́дуйся, я́ко и́мя твое́ и между́ неве́рными прославля́ется.

Ра́дуйся, ди́вная испове́дников сла́во; ра́дуйся, высо́кая му́чеников похвало́.

Ра́дуйся, теле́с на́ших целе́бниче; ра́дуйся, о душа́х на́ших моли́твенниче.

Ра́дуйся, Гео́ргие, вели́кий Победоно́сче.

О всеблаже́нный и святы́й великому́чениче Гео́ргие, приими́ сие́ на́ше хвале́бное пе́ние и изба́ви на́с от вся́каго зла́ твои́м те́плым к Бо́гу хода́тайством, да с тобо́ю воспева́ем: Аллилу́иа.

Этот конда́к читается трижды, затем 1-й и́кос и 1-й конда́к.

А́нгелов Творе́ц и всея́ тва́ри Соде́тель, яви́вый тя́ Це́ркви Своея́ ве́ры побо́рника и за ве́ру непобеди́маго страстоте́рпца, внуша́ет на́м за по́двиги страда́ний твои́х восхваля́ти тя́, свя́те Гео́ргие, си́це:

Ра́дуйся, до конца́ Иису́са Сы́на Бо́жия возлюби́вый; ра́дуйся, за и́мя Его́ с любо́вию ду́шу свою́ положи́вый.

Ра́дуйся, испове́дниче, от Бо́га призва́нный; ра́дуйся, подви́жниче, Бо́жиею благода́тию просла́вленный.

Ра́дуйся, А́нгелов сожи́телю; ра́дуйся, проро́ков равностоя́телю.

Ра́дуйся, Гео́ргие, вели́кий Победоно́сче.

Возбра́нному воево́де и Победоно́сцу Гео́ргию соста́вим похвалу́, я́ко хода́таю на́шему и ско́рому помо́щнику: ты́ же, святы́й великому́чениче, я́ко име́яй дерзнове́ние ко Го́споду, от вся́ких на́с бе́д свободи́, да зове́м ти́:

Ра́дуйся, Гео́ргие, вели́кий Победоно́сче.

Святы́й, сла́вный и всехва́льный великому́чениче Гео́ргие! Собра́ннии в хра́ме твое́м и пред ико́ною твое́ю свято́ю покланя́ющиися лю́дие, мо́лим тя́, изве́стный жела́ния на́шего хода́таю, моли́ с на́ми и о на́с умоля́емаго от Своего́ благоутро́бия Бо́га, да ми́лостивно услы́шит на́с, прося́щих Его́ благосты́ню, и не оста́вит вся́ на́ша ко спасе́нию и житию́ ну́ждная проше́ния, и да́рует стране́ на́шей побе́ду на сопроти́вныя; и па́ки, припа́дающе, мо́лим тя́, святы́й Победоно́сче: укрепи́ да́нною тебе́ благода́тию во бра́нех правосла́вное во́инство, разруши́ си́лы возстаю́щих враго́в, да постыдя́тся и посра́мятся, и де́рзость и́х да сокруши́тся, и да уве́дят, я́ко мы́ име́ем Боже́ственную по́мощь, и все́м, в ско́рби и обстоя́нии су́щим, многомо́щное яви́ свое́ заступле́ние. Умоли́ Го́спода Бо́га, всея́ тва́ри Созда́теля, изба́вити на́с от ве́чнаго муче́ния, да всегда́ прославля́ем Отца́, и Сы́на, и Свята́го Ду́ха и твое́ испове́дуем предста́тельство ны́не, и при́сно, и во ве́ки веко́в. Ами́нь.

О всехва́льный, святы́й великому́чениче и чудотво́рче Гео́ргие! При́зри на ны́ ско́рою твое́ю по́мощию и умоли́ Человеколю́бца Бо́га, да не осу́дит на́с, гре́шных, по беззако́нием на́шим, но да сотвори́т с на́ми по вели́цей Свое́й ми́лости. Не пре́зри моле́ния на́шего, но испроси́ на́м у Христа́ Бо́га на́шего ти́хое и богоуго́дное житие́, здра́вие же душе́вное и теле́сное, земли́ плодоро́дие и во все́м изоби́лие, и да не во зло́ обрати́м да́руемая на́м тобо́ю от Всеще́драго Бо́га, но во сла́ву свята́го И́мени Его́ и в прославле́ние кре́пкаго твоего́ заступле́ния, да пода́ст О́н стране́ на́шей и всему́ боголюби́вому во́инству на супоста́ты одоле́ние и да укрепи́т непременя́емым ми́ром и благослове́нием. Изря́днее же да огради́т на́с святы́х А́нгелов Свои́х ополче́нием, во е́же изба́витися на́м по исхо́де на́шем от жития́ сего́ от ко́зней лука́ваго и тя́жких возду́шных мыта́рств его́ и неосужде́нным предста́ти Престо́лу Го́спода сла́вы. Услы́ши на́с, страстоте́рпче Христо́в Гео́ргие, и моли́ за ны́ непреста́нно Триипоста́снаго Влады́ку все́х Бо́га, да благода́тию Его́ и человеколю́бием, твое́ю же по́мощию и заступле́нием обря́щем ми́лость со А́нгелы и Арха́нгелы и все́ми святы́ми одесну́ю Правосу́днаго Судии́ ста́ти и Того́ вы́ну сла́вити со Отце́м и Святы́м Ду́хом ны́не, и при́сно, и во ве́ки веко́в. Ами́нь.

А҆ка́ѳїстъ ст҃о́мꙋ великомч҃нкꙋ геѡ́ргїю побѣдоно́сцꙋ.

Возбра́нномꙋ воево́дѣ и҆ побѣдоно́сцꙋ геѡ́ргїю соста́вимъ похвалꙋ̀, ꙗ҆́кѡ хода́таю на́шемꙋ и҆ ско́ромꙋ помо́щникꙋ, ты̀ же, ст҃ы́й великомч҃ниче, ꙗ҆́кѡ и҆мѣ́ѧй дерзнове́нїе ко гдⷭ҇ꙋ, ѿ всѧ́кихъ на́съ бѣ́дъ свободѝ, да зове́мъ тѝ:

Ра́дꙋйсѧ, геѡ́ргїе, вели́кїй побѣдоно́сче.

А҆́гг҃лѡвъ творе́цъ и҆ всеѧ̀ тва́ри содѣ́тель, ꙗ҆ви́вый тѧ̀ цр҃кви своеѧ̀ вѣ́ры побо́рника и҆ за вѣ́рꙋ непобѣди́маго страстоте́рпца, внꙋша́етъ на́мъ за по́двиги страда́нїй твои́хъ восхвалѧ́ти тѧ̀, ст҃е геѡ́ргїе, си́це:

Ра́дꙋйсѧ, до конца̀ і҆и҃са, сн҃а бж҃їѧ, возлюби́вый: ра́дꙋйсѧ, за и҆́мѧ є҆гѡ̀ съ любо́вїю дꙋ́шꙋ свою̀ положи́вый.

Ра́дꙋйсѧ, и҆сповѣ́дниче, ѿ бг҃а призва́нный: ра́дꙋйсѧ, подви́жниче, бж҃їею блгⷣтїю просла́вленный.

Ра́дꙋйсѧ, а҆́гг҃лѡвъ сожи́телю: ра́дꙋйсѧ, прⷪ҇ро́кѡвъ равностоѧ́телю.

Ра́дꙋйсѧ, геѡ́ргїе, вели́кїй побѣдоно́сче.

Ви́дѧ гоне́нїе нечести́выхъ на хрⷭ҇тїа́ны, не ᲂу҆боѧ́лсѧ є҆сѝ ко́зни и҆́хъ и҆ мꙋчи́тельства, бг҃омꙋ́дре, но ꙗ҆́кѡ до́брый во́инъ хрⷭ҇то́въ, всѧ̑ своѧ̑ ни́щимъ разда́въ, во́лею поте́клъ є҆сѝ на совѣ́тъ и҆́хъ непра́ведный, хрⷭ҇тꙋ̀, вождю̀ и҆ бг҃ꙋ своемꙋ̀ поѧ̀: А҆ллилꙋ́їа.

Разꙋ́мнѡ ᲂу҆разꙋмѣ́въ є҆ди́нагѡ бг҃а, въ трїе́хъ ѵ҆поста́сѣхъ бг҃олѣ́пнѡ покланѧ́емагѡ, тве́рдымъ ᲂу҆мо́мъ и҆сповѣ́далъ є҆сѝ є҆го̀ на собо́рищи нечести́выхъ и҆ та́кѡ ѡ҆бличи́лъ є҆сѝ безꙋ́мнагѡ царѧ̀ безꙋ́мное поклоне́нїе тва́ри. Сегѡ̀ ра́ди за твоѐ высо́кое любомꙋ́дрїе прїимѝ ѿ на́съ, геѡ́ргїе, ᲂу҆се́рдныѧ похвалы̑:

Ра́дꙋйсѧ, є҆ди́нагѡ и҆́стиннагѡ бг҃а проповѣ́дниче: ра́дꙋйсѧ, прест҃ы́ѧ трⷪ҇цы вѣ́рный защи́тниче.

Ра́дꙋйсѧ, ве́лїю правосла́внагѡ и҆сповѣ́данїѧ та́йнꙋ невѣ́рнымъ показа́вый: ра́дꙋйсѧ, і҆́дѡльскагѡ слꙋже́нїѧ пре́лесть ѡ҆бличи́вый.

Ра́дꙋйсѧ, ри́торе бж҃їй: ра́дꙋйсѧ, вѣті́е, премꙋ́дрости и҆спо́лненный.

Ра́дꙋйсѧ, геѡ́ргїе, вели́кїй побѣдоно́сче.

Си́ла бж҃їѧ, просвѣща́ющаѧ всѧ́кагѡ человѣ́ка, грѧдꙋ́щаго въ мі́ръ, и҆ въ темни́цѣ тѧ̀ стра́ждꙋщагѡ посѣти́ла є҆́сть, смиренномꙋ́дре геѡ́ргїе. Поне́же ты̀ всѧ̑ житїѧ̀ сегѡ̀ тлѣ̑ннаѧ, ꙗ҆́кѡ ᲂу҆ме́ты, презрѣ́въ, є҆ди́номꙋ хрⷭ҇тꙋ̀ прилѣпи́лсѧ є҆сѝ, да за и҆́мѧ є҆гѡ̀ до́брѣ во́инствовавъ, сподо́бишисѧ томꙋ̀ со а҆́гг҃лы вѣ́чнѡ воспѣва́ти: А҆ллилꙋ́їа.

И҆мѣ́ѧ ᲂу҆́мъ и҆ се́рдцѣ, дх҃омъ ст҃ы́мъ ѡ҆заре́нныѧ, ты̀ по внꙋше́нїю є҆го̀ поревнова́лъ є҆сѝ подвиза́тисѧ за и҆́мѧ хрⷭ҇то́во, до кро́ве стоѧ́ бо мꙋ́жественнѡ въ вѣ́рѣ, ѡ҆бличи́лъ є҆сѝ вознесе́ннꙋю нечести́вагѡ собо́рища горды́ню. Сегѡ̀ ра́ди хва́лимъ тѧ̀, всемꙋ́дре геѡ́ргїе, си́це:

Ра́дꙋйсѧ, щи́те, воздви́гнꙋтый на ѡ҆хране́нїе благоче́стїѧ: ра́дꙋйсѧ, мечꙋ̀, под̾ѧ́тый на посѣче́нїе нече́стїѧ.

Ра́дꙋйсѧ, сто́лпе вѣ́ры: ра́дꙋйсѧ, стѣно̀ и҆ ᲂу҆твержде́нїе хрⷭ҇то́вы цр҃кви.

Ра́дꙋйсѧ, вѣ́рныхъ ᲂу҆добре́нїе: ра́дꙋйсѧ, невѣ́рныхъ стра́хъ и҆ посрамле́нїе.

Ра́дꙋйсѧ, геѡ́ргїе, вели́кїй побѣдоно́сче.

Безꙋ́мный мꙋчи́тель, ды́шащїй на тѧ̀ ᲂу҆бі́йствомъ, страстоте́рпче геѡ́ргїе, жа́ждалъ бо кро́ве твоеѧ̀, ꙗ҆́кѡ пе́съ а҆́лчный, повелѣва́ѧ распѧ́ти на колесѐ тѣ́ло твоѐ и҆ ѕлѣ́йшимъ мꙋ́камъ преда́ти: ты́ же, возмога́ѧ ѡ҆ гдⷭ҇ѣ, съ тве́рдымъ ᲂу҆пова́нїемъ къ бг҃ꙋ взыва́лъ є҆сѝ: А҆ллилꙋ́їа.

Слы́шавше ѿ тебє̀ дїоклетїа́нъ и҆ жрецы̀ і҆́дѡльстїи словеса̀ премꙋ́дрости, распыха́хꙋсѧ на тѧ̀ ѕло́бою, па́че же є҆гда̀ рѣ́клъ є҆сѝ: ѽ царю̀ мꙋчи́телю, почто̀ мѧ̀ всꙋ́е и҆стѧзꙋ́еши; мнѣ́ бо є҆́же жи́ти хрⷭ҇то́съ и҆ є҆́же ᲂу҆мре́ти прїѡбрѣ́тенїе, трꙋ́дно тѝ є҆́сть проти́вꙋ рожна̀ пра́ти. Сегѡ̀ ра́ди мы̀ взыва́емъ тѝ, великоимени́те геѡ́ргїе, си́це:

Ра́дꙋйсѧ, за мꙋ́жественное и҆сповѣ́данїе вѣ́ры на колесѐ кро́вь свою̀ пролїѧ́вый: ра́дꙋйсѧ, кро́вїю свое́ю торжество̀ вѣ́ры возвели́чивый.

Ра́дꙋйсѧ, а҆пⷭ҇лѡвъ соревни́телю: ра́дꙋйсѧ, вѡ́льнымъ хрⷭ҇то́вымъ стрⷭ҇тє́мъ подража́телю.

Ра́дꙋйсѧ, побо́рниче вѣ́ры непоколеби́мый: ра́дꙋйсѧ, страстоте́рпче, а҆дама́нта твердѣ́йшїй.

Ра́дꙋйсѧ, геѡ́ргїе, вели́кїй побѣдоно́сче.

Бг҃оте́чнѣй ѕвѣздѣ̀ подо́бенъ бы́лъ є҆сѝ, геѡ́ргїе, чꙋде́снымъ бо ѿ а҆́гг҃ла и҆сцѣле́нїемъ и҆ ви́димымъ ѿ колеса̀ ѿрѣше́нїемъ наꙋчи́лъ є҆сѝ невѣ́рныхъ вѣ́ровати въ трⷪ҇цꙋ є҆диносꙋ́щнꙋю и҆ то́й кꙋ́пнѡ съ тобо́ю воспѣва́ти: А҆ллилꙋ́їа.

Ви́дѣша наро́ди чꙋдеса̀ си́лы бж҃їей, ꙗ҆́вѣ на тебѣ̀ быва́емыѧ, съ кро́тостїю ᲂу҆че́нїе хрⷭ҇то́во ѿ тебє̀ прїѧ́ша и҆ возопи́ша, глаго́люще: вои́стиннꙋ вели́къ бг҃ъ хрⷭ҇тїа́нскїй! Сегѡ̀ ра́ди и҆ мы̀, восхвалѧ́ѧ тѧ̀, достосла́вне геѡ́ргїе, взыва́емъ си́це:

Ра́дꙋйсѧ, свѣтоно́снымъ сп҃се́нїѧ сло́вомъ тьмꙋ̀ невѣ́рїѧ разгна́вый: ра́дꙋйсѧ, мч҃ническимъ вѣ́ры и҆сповѣ́данїемъ невѣ̑рныѧ ко хрⷭ҇тꙋ̀ ѡ҆брати́вый.

Ра́дꙋйсѧ, легїо́ны во́инѡвъ земны́хъ въ нбⷭ҇ное во́инство предводѧ́й: ра́дꙋйсѧ, ꙗ҆́кѡ во́инъ хрⷭ҇то́въ, съ нбⷭ҇ными во́и пребыва́ѧй.

Ра́дꙋйсѧ, ратобо́рцевъ сла́во: ра́дꙋйсѧ, пресвѣ́тлагѡ мч҃ническагѡ ли́ка красото̀. Ра́дꙋйсѧ, геѡ́ргїе, вели́кїй побѣдоно́сче.

Проповѣ́дникомъ и҆́стины, дх҃оно́снымъ а҆пⷭ҇лѡмъ поревнова́въ, крⷭ҇то́мъ мі́рꙋ распѧ́лсѧ є҆сѝ, страстоте́рпче: се́ бо, ꙗ҆́кѡ і҆ѡ́на во чре́во ки́тово, въ пе́щь нерастворе́нныѧ и҆́звести стремгла́въ вве́рженъ бы́лъ є҆сѝ, да просла́витсѧ тебє̀ ра́ди ди́вный во ст҃ы́хъ гдⷭ҇ь, є҆мꙋ́же ты̀ и҆ въ ро́вѣ и҆́звестнемъ, ꙗ҆́кѡ во хра́мѣ сла́вы, ᲂу҆́мнѡ взыва́лъ є҆сѝ: А҆ллилꙋ́їа.

Возсїѧ́вый въ тридне́внѣмъ свое́мъ ѿ гро́ба воста́нїи, всеси́льный а҆́да и҆ сме́рти побѣди́тель і҆и҃съ спасе́ тѧ ѿ а҆́дѡва и҆стлѣ́нїѧ, страстоте́рпче геѡ́ргїе: по трїе́хъ бо дне́хъ ѡ҆брѣто́ша тѧ̀ въ и҆́звести жи́ва и҆ въ воздѣѧ́нїи рꙋ́къ пою́ща бг҃а. Сегѡ̀ ра́ди вельмѝ пристра́шни бы́ша и҆ ᲂу҆жасо́шасѧ. Мы́ же, ра́дꙋющесѧ, восписꙋ́емъ тѝ побѣ́днꙋю пѣ́снь:

Ра́дꙋйсѧ, позо́рнымъ въ и҆́звестный ро́въ низверже́нїемъ вознесе́ннꙋю дїа́вола горды́ню низложи́вый: ра́дꙋйсѧ, ди́внымъ ѿ бг҃а спасе́нїемъ ѕвѣ́рство мꙋчи́телей побѣди́вый.

Ра́дꙋйсѧ, ꙗ҆́кѡ неѕло́бивъ сы́й, за твори́вшыхъ тѝ напа́сть моли́лсѧ є҆сѝ, ꙗ҆́кѡ за бл҃готво́рцєвъ: ра́дꙋйсѧ, ꙗ҆́кѡ ѡ҆ ѡ҆браще́нїи и҆̀хъ, ꙗ҆́кѡ же па́ѵелъ ѡ҆ є҆вре́єхъ, болѣ́зновалъ є҆сѝ.

Ра́дꙋйсѧ, мꙋ́жꙋ жела́нїй: ра́дꙋйсѧ, сосꙋ́де и҆збра́нный.

Ра́дꙋйсѧ, геѡ́ргїе, вели́кїй побѣдоно́сче.

Хотѧ́й всѧ́чески ᲂу҆лови́ти се́рдце твоѐ къ пре́лести і҆́дѡлъ, нечести́вый мꙋчи́тель ᲂу҆мышлѧ́етъ прельсти́ти тѧ̀ волшє́бными чарова̑нїи: ты́ же, бг҃оизбра́нне, съ даві́домъ восклица́ѧ: ѡ҆ бз҃ѣ спⷭ҇е́нїе моѐ и҆ сла́ва моѧ̀, вѣ́рнѡ томꙋ̀ пѣ́лъ є҆сѝ: А҆ллилꙋ́їа.

Но́вое показа̀ ѕло̀ лꙋка́вый ѻ҆́ный сатаны̀ слꙋжи́тель дїоклетїа́нъ, є҆гда̀ въ безꙋ́мной свое́й ко і҆́дѡлѡмъ ре́вности повелѣ̀ напои́ти тѧ̀, геѡ́ргїе, ꙗ҆́домъ: ты́ же и҆спо́лненъ сы́й вѣ́ры и҆ ᲂу҆пова́нїѧ, а҆́ще и҆ сме́ртное и҆спи́лъ, ѡ҆ба́че без̾ вре́да пребы́лъ є҆сѝ, бг҃охва́льне, тѣ́мже и҆ мы̀ вопїе́мъ тѝ:

Ра́дꙋйсѧ, ꙗ҆́кѡ во ᲂу҆пова́нїи на бг҃а жи́ва не посрами́лсѧ є҆сѝ: ра́дꙋйсѧ, ꙗ҆́кѡ мꙋчи́телѧ нивочто́же вмѣни́лъ є҆сѝ.

Ра́дꙋйсѧ, бѣсѡ́въ ѿгна́телю: ра́дꙋйсѧ, волше́бныѧ ко́зни разрꙋши́телю.

Ра́дꙋйсѧ, ꙗ҆́кѡ тобо́ю ди́венъ бг҃ъ во ст҃ы́хъ свои́хъ ꙗ҆влѧ́етсѧ: ра́дꙋйсѧ, ꙗ҆́кѡ тобо́ю бл҃гочⷭ҇тнѡ и҆́мѧ хрⷭ҇то́во прославлѧ́етсѧ.

Ра́дꙋйсѧ, геѡ́ргїе, вели́кїй побѣдоно́сче.

Стра́нный и҆ стра́шный совѣ́тъ бы́сть ѿ нѣ́коегѡ волхва̀ нечести́вомꙋ царю̀, да повели́тъ тѝ, въ доказа́тельство пра́вости вѣ́ры хрⷭ҇то́вой, сло́вомъ воскреси́ти ме́ртваго: ты́ же, геѡ́ргїе, ничто́же сꙋмнѧ́сѧ, воспѣва́лъ є҆сѝ томꙋ̀, и҆́же нѣ́сть бг҃ъ ме́ртвыхъ, но бг҃ъ живы́хъ: А҆ллилꙋ́їа.

Всежела́нный и҆ сладча́йшїй і҆и҃съ, є҆го́же ты̀ все́ю дꙋше́ю и҆ всѣ́мъ се́рдцемъ возлюби́лъ є҆сѝ, всебл҃же́нне геѡ́ргїе, слы́ша те́плое вѣ́ры твоеѧ̀ моле́нїе, вско́рѣ повелѣ̀ по сло́вꙋ твоемꙋ̀ воскре́снꙋти ме́ртвомꙋ, прославле́нїѧ ра́ди и҆́мени своегѡ̀ и҆ вѣ̑рныхъ ᲂу҆твержде́нїѧ, невѣ̑рнымъ же и҆ ѡ҆слѣплє́ннымъ на ᲂу҆дивле́нїе и҆ бг҃опозна́нїе. Сегѡ̀ ра́ди по до́лгꙋ вопїе́мъ тѝ:

Ра́дꙋйсѧ, ꙗ҆́кѡ гдⷭ҇ь си́лъ ди̑внаѧ на тебѣ̀ ꙗ҆ви́лъ є҆́сть: ра́дꙋйсѧ, ꙗ҆́кѡ тобо́ю ме́ртваго ѿ гро́ба воскреси́лъ є҆́сть.

Ра́дꙋйсѧ, ѡ҆слѣпле́нномꙋ волхвꙋ̀ ᲂу҆́мное вѣ́ры прозрѣ́нїе дарова́вый: ра́дꙋйсѧ, мно́гимъ хрⷭ҇та̀ ра́ди пострада́вшимъ во ст҃а́ѧ ст҃ы́хъ пꙋ́ть показа́вый.

Ра́дꙋйсѧ, ри́ма ᲂу҆дивле́нїе: ра́дꙋйсѧ, хрⷭ҇тїа́нскагѡ ро́да возвыше́нїе.

Ра́дꙋйсѧ, геѡ́ргїе, вели́кїй побѣдоно́сче.

Всѝ а҆́гг҃ли восхвали́ша бг҃а, дарова́вшагѡ тѝ таково́е мꙋ́жество, геѡ́ргїе, ꙗ҆́кѡ и҆ въ темни́чномъ заточе́нїи не престава́лъ є҆сѝ моли́твеннѡ бо́дрствовати. Сегѡ̀ ра́ди, ꙗ҆́кѡ вели́кїй таи́нникъ бж҃їѧ блгⷣти, ᲂу҆досто́илсѧ є҆сѝ ви́дѣти въ видѣ́нїи гдⷭ҇а, вѣнце́мъ нетлѣ́нїѧ главꙋ̀ твою̀ вѣнча́юща, да и҆ мы̀ съ тобо́ю вопїе́мъ: А҆ллилꙋ́їа.

Вѣті̑и многовѣща́ннїи ри́торскими свои́ми ѧ҆зы̑ки не возмо́гꙋтъ и҆зрещѝ тебє̀ достѡ́йныѧ хвалы̑, геѡ́ргїе, мно́гихъ ра́ди твои́хъ подвигѡ́въ и҆ болѣ́зней, и҆́хже за хрⷭ҇та̀ и҆ цр҃ковь под̾ѧ́лъ є҆сѝ во́лею. Сегѡ̀ ра́ди и҆ мы̀, недоꙋмѣ́ѧ восхвалѧ́ти тѧ̀ по достоѧ́нїю, воспѣва́емъ си́це:

Ра́дꙋйсѧ, во́льнымъ за хрⷭ҇та̀ и҆ цр҃ковь страда́нїемъ ве́тхагѡ въ себѣ̀ а҆да́ма распѧ́вый: ра́дꙋйсѧ, за до́блестное страда́нїе вѣне́цъ пра́вды ѿ рꙋкѝ гдⷭ҇ней прїѧ́вый.

Ра́дꙋйсѧ, пра́вило ре́вности благочести́выѧ: ра́дꙋйсѧ, ѡ҆́бразе нищеты̀ дꙋхо́вныѧ.

Ра́дꙋйсѧ, ꙗ҆́кѡ не себѣ̀, но є҆ди́номꙋ бг҃ꙋ до́брѣ ᲂу҆годи́лъ є҆сѝ: ра́дꙋйсѧ, ꙗ҆́кѡ за хрⷭ҇та̀ на многоѻбра̑зныѧ смє́рти гото́въ бы́лъ є҆сѝ.

Ра́дꙋйсѧ, геѡ́ргїе, вели́кїй побѣдоно́сче.

Спастѝ хотѧ̀ дꙋ́ши во тьмѣ̀ і҆дѡлослꙋже́нїѧ погиба́ющихъ, бг҃олю́бче геѡ́ргїе, ты̀ ревнꙋ́ѧ поревнова́лъ є҆сѝ, ꙗ҆́кѡ и҆ліа̀ по бз҃ѣ: вше́дъ бо во хра́мъ і҆́дѡльскїй, си́лою бж҃їею разгна́лъ є҆сѝ бѣ̑сы, сокрꙋши́лъ і҆́дѡлы, посрами́лъ жрецы̀, и҆ ꙗ҆́кѡ побѣди́тель, не съ человѣ̑ки, но со а҆́гг҃лы пѣ́лъ є҆сѝ бг҃ꙋ: А҆ллилꙋ́їа.

Стѣны̀ безчꙋ́вственнее ѡ҆камене́нный се́рдцемъ мꙋчи́тель тво́й, геѡ́ргїе, не ᲂу҆разꙋмѣ̀ бг҃а, ꙗ҆́вѣ тобо́ю чꙋдодѣ́йствꙋюща, но до конца̀ пребы́лъ є҆сѝ, ꙗ҆́кѡ а҆́спїдъ, затыка́ѧй ᲂу҆́ши своѝ. Сегѡ̀ ра́ди повелѣ̀ ᲂу҆сѣщѝ тѧ̀ на позо́рищи во главꙋ̀, ꙗ҆́кѡ ѕлодѣ́ѧ: ты́ же, болѣ́знꙋѧ ѡ҆ поги́бели дꙋшѝ є҆гѡ̀, ра́достнѡ прїѧ́лъ є҆сѝ кончи́нꙋ, за ню́же мы̀ тѧ̀ ᲂу҆блажа́емъ любо́вїю си́це:

Ра́дꙋйсѧ, вѣ́рꙋ, наде́ждꙋ и҆ любы̀ до конца̀ сохрани́вый: ра́дꙋйсѧ, во ᲂу҆спе́нїи твое́мъ мнѡ́гїѧ и҆ вели̑кїѧ чꙋдеса̀ сотвори́вый.

Ра́дꙋйсѧ, ѡ҆рꙋ́жїемъ бл҃говоле́нїѧ бж҃їѧ вѣнча́нный на землѝ: ра́дꙋйсѧ, сла́вою и҆ велелѣ́пїемъ ᲂу҆краше́нный на небесѝ.

Ра́дꙋйсѧ, человѣ́че бж҃їй: ра́дꙋйсѧ, до́брый во́ине хрⷭ҇то́въ.

Ра́дꙋйсѧ, геѡ́ргїе, вели́кїй побѣдоно́сче.

Пѣ́нїе прест҃ѣ́й трⷪ҇цѣ па́че и҆ны́хъ возда́лъ є҆сѝ, ст҃ы́й великомч҃ниче геѡ́ргїе, не сло́вомъ то́чїю и҆ ᲂу҆мо́мъ, но живы́мъ всего̀ себѧ̀ въ же́ртвꙋ принесе́нїемъ: подража́ѧ бо распѧ́томꙋ за ны̀ непоро́чномꙋ а҆́гнцꙋ хрⷭ҇тꙋ̀, положи́лъ є҆сѝ дꙋ́шꙋ свою̀ за дрꙋ́ги своѧ̀ во́лею. Тѣ́мже ᲂу҆̀бо а҆́ще и҆ недово́льни є҆смы̀ къ похвале́нїю таковы́ѧ твоеѧ̀ до́блести, бо́льше бо сеѧ̀ любвѐ никто́же и҆́мать, ѡ҆ба́че благода́рни сꙋ́ще, пое́мъ ди́вномꙋ во ст҃ы́хъ бг҃ꙋ: А҆ллилꙋ́їа.

Свѣтопрїе́мный свѣти́льникъ и҆́стиннагѡ свѣ́та сꙋ́щимъ на землѝ ꙗ҆влѧ́ешисѧ, бг҃оизбра́нне геѡ́ргїе, просвѣща́еши бо сердца̀ вѣ́рныхъ и҆ къ ра́зꙋмꙋ бжⷭ҇твенномꙋ всѧ̑ наставлѧ́еши, поꙋча́ѧ и҆ на́съ ве́селѡ взыва́ти:

Ра́дꙋйсѧ, ꙗ҆́кѡ въ пресвѣ́тлыхъ а҆́гг҃льскихъ черто́зѣхъ вселѧ́ешисѧ: ра́дꙋйсѧ, ꙗ҆́кѡ не въ гада́нїи, но лице́мъ къ лицꙋ̀ невече́рнѧгѡ трⷪ҇ческагѡ свѣ́та причаща́ешисѧ.

Ра́дꙋйсѧ, ни́щихъ пита́телю и҆ ѡ҆би́димыхъ защи́тниче: ра́дꙋйсѧ, немощны́хъ врачꙋ̀ и҆ царе́й побо́рниче.

Ра́дꙋйсѧ, правосла̑внымъ во́инѡмъ во бранѣ́хъ спобо́рниче: ра́дꙋйсѧ, ѡ҆ сп҃се́нїи грѣ́шникѡвъ те́плый хода́таю.

Ра́дꙋйсѧ, геѡ́ргїе, вели́кїй побѣдоно́сче.

Блгⷣть, да́ннꙋю тѝ ѿ бг҃а, вѣ́дꙋще, па́мѧть твою̀ пра́зднꙋемъ, великомч҃ниче геѡ́ргїе, и҆ съ ᲂу҆се́рднымъ моле́нїемъ къ чꙋдотво́рномꙋ ѡ҆́бразꙋ твоемꙋ̀ притека́юще, твое́ю всеси́льною ѡ҆ гдⷭ҇ѣ по́мощїю, ꙗ҆́кѡ неѡбори́мою стѣно́ю, ѡ҆гражда́емсѧ. Сегѡ̀ ра́ди восхвалѧ́ѧ тѧ̀, ᲂу҆се́рднѡ зове́мъ бг҃ꙋ: А҆ллилꙋ́їа.

Сла́внꙋю кончи́нꙋ твою̀ пою́ще, є҆́юже возвели́чилсѧ є҆сѝ, ꙗ҆́кѡ до́брый во́инъ хрⷭ҇то́въ, мо́лимъ тѧ̀, страстоте́рпче геѡ́ргїе, бꙋ́ди на́мъ во всѣ̑мъ ко бла́гꙋ помо́щниче и҆ ᲂу҆слы́ши ны̀, ᲂу҆се́рднѡ взыва́ющихъ тѝ:

Ра́дꙋйсѧ, ꙗ҆́кѡ тобо́ю цр҃ковь вѣ̑рныхъ просвѣща́етсѧ: ра́дꙋйсѧ, ꙗ҆́кѡ и҆́мѧ твоѐ и҆ междꙋ̀ невѣ́рными прославлѧ́етсѧ.

Ра́дꙋйсѧ, ди́внаѧ и҆сповѣ́дникѡвъ сла́во: ра́дꙋйсѧ, высо́каѧ мч҃никѡвъ похвало̀.

Ра́дꙋйсѧ, тѣле́съ на́шихъ цѣле́бниче: ра́дꙋйсѧ, ѡ҆ дꙋша́хъ на́шихъ моли́твенниче.

Ра́дꙋйсѧ, геѡ́ргїе, вели́кїй побѣдоно́сче.

Ѽ, всеблаже́нный и҆ ст҃ы́й великомч҃ниче геѡ́ргїе, прїимѝ сїѐ на́ше хвале́бное пѣ́нїе и҆ и҆зба́ви на́съ ѿ всѧ́кагѡ ѕла̀ твои́мъ те́плымъ къ бг҃ꙋ хода́тайствомъ, да съ тобо́ю воспѣва́емъ: А҆ллилꙋ́їа.

Се́й конда́къ глаго́ли три́жды. Та́же і҆́косъ а҃-й и҆ конда́къ а҃-й.

А҆́гг҃лѡвъ творе́цъ и҆ всеѧ̀ тва́ри содѣ́тель, ꙗ҆ви́вый тѧ̀ цр҃кви своеѧ̀ вѣ́ры побо́рника и҆ за вѣ́рꙋ непобѣди́маго страстоте́рпца, внꙋша́етъ на́мъ за по́двиги страда́нїй твои́хъ восхвалѧ́ти тѧ̀, ст҃е геѡ́ргїе, си́це:

Ра́дꙋйсѧ, до конца̀ і҆и҃са, сн҃а бж҃їѧ, возлюби́вый: ра́дꙋйсѧ, за и҆́мѧ є҆гѡ̀ съ любо́вїю дꙋ́шꙋ свою̀ положи́вый.

Ра́дꙋйсѧ, и҆сповѣ́дниче, ѿ бг҃а призва́нный: ра́дꙋйсѧ, подви́жниче, бж҃їею блгⷣтїю просла́вленный.

Ра́дꙋйсѧ, а҆́гг҃лѡвъ сожи́телю: ра́дꙋйсѧ, прⷪ҇ро́кѡвъ равностоѧ́телю.

Ра́дꙋйсѧ, геѡ́ргїе, вели́кїй побѣдоно́сче.

Возбра́нномꙋ воево́дѣ и҆ побѣдоно́сцꙋ геѡ́ргїю соста́вимъ похвалꙋ̀, ꙗ҆́кѡ хода́таю на́шемꙋ и҆ ско́ромꙋ помо́щникꙋ, ты̀ же, ст҃ы́й великомч҃ниче, ꙗ҆́кѡ и҆мѣ́ѧй дерзнове́нїе ко гдⷭ҇ꙋ, ѿ всѧ́кихъ на́съ бѣ́дъ свободѝ, да зове́мъ тѝ:

Ра́дꙋйсѧ, геѡ́ргїе, вели́кїй побѣдоно́сче.

Ст҃ы́й, сла́вный и҆ всехва́льный великомч҃ниче геѡ́ргїе! собра́ннїи въ хра́мѣ твое́мъ и҆ пред̾ і҆кѡ́ною твое́ю ст҃о́ю покланѧ́ющїисѧ лю́дїе, мо́лимъ тѧ̀, и҆звѣ́стный жела́нїѧ на́шегѡ хода́таю: молѝ съ на́ми и҆ ѡ҆ на́съ ᲂу҆молѧ́емаго ѿ своегѡ̀ благоꙋтро́бїѧ бг҃а, да млⷭ҇тивнѡ ᲂу҆слы́шитъ на́съ, просѧ́щихъ є҆го̀ благосты́ню, и҆ не ѡ҆ста́витъ всѧ̑ на̑ша ко спⷭ҇нїю и҆ житїю̀ нꙋ́жднаѧ прошє́нїѧ, и҆ да́рꙋетъ странѣ̀ на́шей побѣ́дꙋ на сопроти̑вныѧ: и҆ па́ки припа́дающе мо́лимъ тѧ̀, ст҃ы́й побѣдоно́сче, ᲂу҆крѣпѝ да́нною тебѣ̀ блгⷣтїю во бра́нѣхъ правосла́вное во́инство, разрꙋшѝ си́лы возстаю́щихъ врагѡ́въ, да постыдѧ́тсѧ и҆ посра́мѧтсѧ, и҆ де́рзость и҆́хъ да сокрꙋши́тсѧ, и҆ да ᲂу҆вѣ́дѧтъ, ꙗ҆́кѡ мы̀ и҆́мамы бжⷭ҇твеннꙋю по́мощь: и҆ всѣ̑мъ, въ ско́рби и҆ ѡ҆бстоѧ́нїи сꙋ́щымъ, многомо́щное ꙗ҆вѝ своѐ застꙋпле́нїе, ᲂу҆молѝ гдⷭ҇а бг҃а, всеѧ̀ тва́ри созда́телѧ, и҆зба́вити на́съ ѿ вѣ́чнагѡ мꙋче́нїѧ, да всегда̀ прославлѧ́емъ ѻ҆ц҃а̀ и҆ сн҃а и҆ ст҃а́гѡ дх҃а, и҆ твоѐ и҆сповѣ́дꙋемъ предста́тельство, ны́нѣ и҆ при́снѡ, и҆ во вѣ́ки вѣкѡ́въ. А҆ми́нь.

Ѽ, всехва́льный, ст҃ы́й великомч҃ниче и҆ чꙋдотво́рче геѡ́ргїе! При́зри на ны̀ ско́рою твое́ю по́мощїю и҆ ᲂу҆молѝ человѣколю́бца бг҃а, да не ѡ҆сꙋ́дитъ на́съ, грѣ́шныхъ, по беззако́нїемъ на́шимъ, но да сотвори́тъ съ на́ми по вели́цѣй свое́й млⷭ҇ти. Не пре́зри моле́нїѧ на́шегѡ, но и҆спросѝ на́мъ ᲂу҆ хрⷭ҇та̀ бг҃а на́шегѡ ти́хое и҆ бг҃оꙋго́дное житїѐ, здра́вїе же дꙋше́вное и҆ тѣле́сное, землѝ плодоро́дїе и҆ во всѣ́мъ и҆з̾ѡби́лїе, и҆ да не во ѕло̀ ѡ҆брати́мъ блага̑ѧ, да́рꙋємаѧ на́мъ тобо́ю ѿ всеще́драгѡ бг҃а, но во сла́вꙋ ст҃а́гѡ и҆́мени є҆гѡ̀ и҆ въ прославле́нїе крѣ́пкагѡ твоегѡ̀ застꙋпле́нїѧ, да пода́стъ ѻ҆́нъ странѣ̀ на́шей и҆ всемꙋ̀ бг҃олюби́вомꙋ во́инствꙋ на сꙋпоста̑ты ѡ҆долѣ́нїе и҆ да ᲂу҆крѣпи́тъ непремѣнѧ́емымъ ми́ромъ и҆ бл҃гослове́нїемъ. И҆зрѧ́днѣе же да ѡ҆гради́тъ на́съ ст҃ы́хъ а҆́гг҃лѡвъ свои́хъ ѡ҆полче́нїемъ, во є҆́же и҆зба́витисѧ на́мъ по и҆схо́дѣ на́шемъ ѿ житїѧ̀ сегѡ̀ ѿ ко́зней лꙋка́ваго и҆ тѧ́жкихъ воздꙋ́шныхъ мыта́рствъ є҆го̀ и҆ неѡсꙋждє́ннымъ предста́ти прⷭ҇то́лꙋ гдⷭ҇а сла́вы. Оу҆слы́ши ны̀, страстоте́рпче хрⷭ҇то́въ геѡ́ргїе, и҆ молѝ за ны̀ непреста́ннѡ трїѷпоста́снагѡ влⷣкꙋ всѣ́хъ бг҃а, да блгⷣтїю є҆гѡ̀ и҆ человѣколю́бїемъ, твое́ю же по́мощїю и҆ застꙋпле́нїемъ ѡ҆брѧ́щемъ млⷭ҇ть со а҆́гг҃лы и҆ а҆рха́гг҃лы и҆ всѣ́ми ст҃ы́ми ѡ҆деснꙋ́ю правосꙋ́днагѡ сꙋдїѝ ста́ти и҆ того̀ вы́нꙋ сла́вити со ѻ҆ц҃е́мъ и҆ ст҃ы́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ. А҆ми́нь.

Ве­ли­ко­му­че­ник Ге­ор­гий был сы­ном бо­га­тых и бла­го­че­сти­вых ро­ди­те­лей, вос­пи­тав­ших его в хри­сти­ан­ской ве­ре. Ро­дил­ся он в го­ро­де Бей­рут (в древ­но­сти – Бе­лит) у под­но­жия Ли­ван­ских гор.

По­сту­пив на во­ен­ную служ­бу, ве­ли­ко­му­че­ник Ге­ор­гий вы­де­лял­ся сре­ди про­чих во­и­нов сво­им умом, храб­ро­стью, физи­че­ской си­лой, во­ин­ской осан­кой и кра­со­той. До­стиг­нув вско­ре зва­ния ты­ся­че­на­чаль­ни­ка, св. Ге­ор­гий сде­лал­ся лю­бим­цем им­пе­ра­то­ра Дио­кли­ти­а­на. Дио­кли­ти­ан был та­лант­ли­вым пра­ви­те­лем, но фа­на­тич­ным при­вер­жен­цем рим­ских бо­гов. По­ста­вив се­бе це­лью воз­ро­дить в Рим­ской им­пе­рии от­ми­ра­ю­щее язы­че­ство, он во­шел в ис­то­рию как один из са­мых же­сто­ких го­ни­те­лей хри­сти­ан.

Услы­шав од­на­жды на су­де бес­че­ло­веч­ный при­го­вор об ис­треб­ле­нии хри­сти­ан, св. Ге­ор­гий вос­пла­ме­нил­ся со­стра­да­ни­ем к ним. Пред­ви­дя, что его то­же ожи­да­ют стра­да­ния, Ге­ор­гий раз­дал свое иму­ще­ство бед­ным, от­пу­стил на во­лю сво­их ра­бов, явил­ся к Дио­кли­ти­а­ну и, объ­явив се­бя хри­сти­а­ни­ном, об­ли­чил его в же­сто­ко­сти и неспра­вед­ли­во­сти. Речь св. Ге­ор­гия бы­ла пол­на силь­ных и убе­ди­тель­ных воз­ра­же­ний про­тив им­пе­ра­тор­ско­го при­ка­за пре­сле­до­вать хри­сти­ан.

По­сле без­ре­зуль­тат­ных уго­во­ров от­речь­ся от Хри­ста им­пе­ра­тор при­ка­зал под­верг­нуть свя­то­го раз­лич­ным му­че­ни­ям. Св. Ге­ор­гий был за­клю­чен в тем­ни­цу, где его по­ло­жи­ли спи­ной на зем­лю, но­ги за­клю­чи­ли в ко­лод­ки, а на грудь по­ло­жи­ли тя­же­лый ка­мень. Но св. Ге­ор­гий му­же­ствен­но пе­ре­но­сил стра­да­ния и про­слав­лял Гос­по­да. То­гда му­чи­те­ли Ге­ор­гия на­ча­ли изощ­рять­ся в же­сто­ко­сти. Они би­ли свя­то­го во­ло­вьи­ми жи­ла­ми, ко­ле­со­ва­ли, бро­са­ли в нега­ше­ную из­весть, при­нуж­да­ли бе­жать в са­по­гах с ост­ры­ми гвоз­дя­ми внут­ри. Свя­той му­че­ник все тер­пе­ли­во пе­ре­но­сил. В кон­це кон­цов им­пе­ра­тор при­ка­зал от­ру­бить ме­чом го­ло­ву свя­то­му. Так свя­той стра­да­лец ото­шел ко Хри­сту в Ни­ко­ми­дии в 303 го­ду.

Ве­ли­ко­му­че­ни­ка Ге­ор­гия за му­же­ство и за ду­хов­ную по­бе­ду над му­чи­те­ля­ми, ко­то­рые не смог­ли за­ста­вить его от­ка­зать­ся от хри­сти­ан­ства, а так­же за чу­до­дей­ствен­ную по­мощь лю­дям в опас­но­сти – на­зы­ва­ют еще По­бе­до­нос­цем. Мо­щи свя­то­го Ге­ор­гия По­бе­до­нос­ца по­ло­жи­ли в па­ле­стин­ском го­ро­де Ли­да, в хра­ме, но­ся­щем его имя, гла­ва же его хра­ни­лась в Ри­ме в хра­ме, то­же по­свя­щен­ном ему.

На ико­нах св. Ге­ор­гий изо­бра­жа­ет­ся си­дя­щим на бе­лом коне и по­ра­жа­ю­щим ко­пьем змия. Это изо­бра­же­ние ос­но­ва­но на пре­да­нии и от­но­сит­ся к по­смерт­ным чу­де­сам свя­то­го ве­ли­ко­му­че­ни­ка Ге­ор­гия. Рас­ска­зы­ва­ют, что неда­ле­ко от ме­ста, где ро­дил­ся св. Ге­ор­гий в го­ро­де Бей­ру­те, в озе­ре жил змей, ко­то­рый ча­сто по­жи­рал лю­дей той мест­но­сти. Что это был за зверь – удав, кро­ко­дил или боль­шая яще­ри­ца – неиз­вест­но.

Суе­вер­ные лю­ди той мест­но­сти для уто­ле­ния яро­сти змея на­ча­ли ре­гу­ляр­но по жре­бию от­да­вать ему на съе­де­ние юно­шу или де­ви­цу. Од­на­жды жре­бий вы­пал на дочь пра­ви­те­ля той мест­но­сти. Ее от­ве­ли к бе­ре­гу озе­ра и при­вя­за­ли, где она в ужа­се ста­ла ожи­дать по­яв­ле­ния змея.

Ко­гда же зверь стал при­бли­жать­ся к ней, вдруг по­явил­ся на бе­лом коне свет­лый юно­ша, ко­то­рый ко­пьем по­ра­зил змея и спас де­ви­цу. Этот юно­ша был свя­той ве­ли­ко­му­че­ник Ге­ор­гий. Та­ким чу­дес­ным яв­ле­ни­ем он пре­кра­тил уни­что­же­ние юно­шей и де­ву­шек в пре­де­лах Бей­ру­та и об­ра­тил ко Хри­сту жи­те­лей той стра­ны, ко­то­рые до это­го бы­ли языч­ни­ка­ми.

Мож­но пред­по­ло­жить, что яв­ле­ние свя­то­го Ге­ор­гия на коне для за­щи­ты жи­те­лей от змея, а так­же опи­сан­ное в жи­тии чу­дес­ное ожив­ле­ние един­ствен­но­го во­ла у зем­ле­дель­ца по­слу­жи­ли по­во­дом к по­чи­та­нию свя­то­го Ге­ор­гия по­кро­ви­те­лем ско­то­вод­ства и за­щит­ни­ком от хищ­ных зве­рей.

В до­ре­во­лю­ци­он­ное вре­мя в день па­мя­ти свя­то­го Ге­ор­гия По­бе­до­нос­ца жи­те­ли рус­ских де­ре­вень в пер­вый раз по­сле хо­лод­ной зи­мы вы­го­ня­ли скот на паст­би­ще, со­вер­шив мо­ле­бен свя­то­му ве­ли­ко­му­че­ни­ку с окроп­ле­ни­ем до­мов и жи­вот­ных свя­той во­дой. День ве­ли­ко­му­че­ни­ка Ге­ор­гия в на­ро­де еще на­зы­ва­ют «Юрьев день», в этот день, до вре­мен цар­ство­ва­ния Бо­ри­са Го­ду­но­ва, кре­стьяне мог­ли пе­ре­хо­дить к дру­го­му по­ме­щи­ку.

Св. Ге­ор­гий – по­кро­ви­тель во­ин­ства. Изо­бра­же­ние Ге­ор­гия По­бе­до­нос­ца на коне сим­во­ли­зи­ру­ет по­бе­ду над диа­во­лом – «древним зми­ем» (Откр.12:3, 20:2). Это изо­бра­же­ние бы­ло вклю­че­но в древ­ний герб го­ро­да Моск­вы.

10/23 ноября – Колесование святого великомученика Георгия

Гру­зия, про­све­щен­ная хри­сти­ан­ской ве­рой свя­той рав­ноап­о­столь­ной Ни­ной († 335), род­ствен­ни­цей свя­то­го ве­ли­ко­му­че­ни­ка Ге­ор­гия По­бе­до­нос­ца († 303, па­мять 23 ап­ре­ля), осо­бо чтит свя­то­го Ге­ор­гия, как сво­е­го по­кро­ви­те­ля. Од­но из на­име­но­ва­ний Гру­зии – в честь Ге­ор­гия (это на­зва­ние со­хра­ня­ет­ся и сей­час во мно­гих язы­ках ми­ра). В честь ве­ли­ко­му­че­ни­ка свя­тая Ни­на уста­но­ви­ла празд­ник. Он со­вер­ша­ет­ся и по­ныне в Гру­зии 10 но­яб­ря – в вос­по­ми­на­ние ко­ле­со­ва­ния свя­то­го Ге­ор­гия. В 1891 го­ду на Кав­ка­зе, вбли­зи се­ла Ка­хи За­ка­таль­ско­го окру­га, по­стро­ен на ме­сте древ­не­го но­вый храм в честь свя­то­го ве­ли­ко­му­че­ни­ка Ге­ор­гия По­бе­до­нос­ца к ко­то­ро­му сте­ка­ет­ся мно­же­ство бо­го­моль­цев раз­ных ве­ро­ис­по­ве­да­ний.

3/16 ноября – Освящение храма святого великомученика Георгия в Лидде

Го­род Лид­да (Лод) – ро­ди­на ве­ли­ко­му­че­ни­ка Ге­ор­гия По­бе­до­нос­ца. Здесь был дом его ма­те­ри, здесь про­шло его дет­ство. Свя­той ве­ли­ко­му­че­ник Ге­ор­гий был рим­ским во­и­ном, по­стра­дал он при им­пе­ра­то­ре Дио­кли­ти­ане в Ни­ко­ми­дии в на­ча­ле IV ве­ка. Мо­щи его хри­сти­ане пе­ре­нес­ли на ро­ди­ну, в Лид­ду, и здесь он был по­гре­бен.

Гроб­ни­ца, в ко­то­рой бы­ли по­ло­же­ны мо­щи ве­ли­ко­му­че­ни­ка, сей­час рас­по­ло­же­на в крип­те пра­во­слав­но­го хра­ма, по­свя­щен­но­го ве­ли­ко­му­че­ни­ку Ге­ор­гию. В са­мом хра­ме име­ет­ся ча­сти­ца мо­щей свя­то­го Ге­ор­гия, а так­же цепь, ко­то­рой был ско­ван ве­ли­ко­му­че­ник.

Первую цер­ковь здесь воз­ве­ли в VI ве­ке. Храм несколь­ко раз раз­ру­шал­ся и в сво­ем ны­неш­нем ви­де был вос­ста­нов­лен лишь в 1872 го­ду бла­го­да­ря по­жерт­во­ва­ни­ям из Рос­сии. Освя­ще­ние об­нов­лен­но­го хра­ма со­сто­я­лось 3/16 но­яб­ря 1872 го­да , в го­дов­щи­ну то­го дня, в ко­то­рый он был освя­щен впер­вые. Вос­по­ми­на­ние о сем зна­ме­на­тель­ном со­бы­тии Рус­ская цер­ковь со­вер­ша­ет в этот день и до на­сто­я­ще­го вре­ме­ни; этот празд­ник вне­сен в ме­ся­це­слов, в честь се­го тор­же­ства на Ру­си стро­и­лись хра­мы.

Так­же в Лид­де апо­стол Петр ис­це­лил Энея, во­семь лет ле­жа­вше­го в рас­слаб­ле­нии (Де­ян. 9:32-35).

26 ноября/9 декабря – Воспоминание освящения храма великомученика Георгия в Киеве

У рус­ских кня­зей, на­чи­ная с рав­ноап­о­столь­но­го кня­зя Вла­ди­ми­ра, су­ще­ство­вал бла­го­че­сти­вый обы­чай ос­но­вы­вать хра­мы в честь сво­их Ан­ге­лов Хра­ни­те­лей. Так, рав­ноап­о­столь­ный Вла­ди­мир, в Свя­том Кре­ще­нии Ва­си­лий, по­стро­ил в Ки­е­ве и Вы­ш­го­ро­де хра­мы во имя свя­ти­те­ля Ва­си­лия Ве­ли­ко­го, князь Изя­с­лав I (1054–1068), в Кре­ще­нии Ди­мит­рий, по­стро­ил в Ки­е­ве храм и мо­на­стырь во имя свя­то­го ве­ли­ко­му­че­ни­ка Ди­мит­рия (па­мять 26 ок­тяб­ря), князь Яро­слав Муд­рый (1019–1054), во Свя­том Кре­ще­нии Ге­ор­гий, по­ло­жил на­ча­ло хра­му и муж­ской оби­те­ли в честь сво­е­го Ан­ге­ла Хра­ни­те­ля – ве­ли­ко­му­че­ни­ка Ге­ор­гия (па­мять 23 ап­ре­ля), а так­же по­стро­ил храм во имя ве­ли­ко­му­че­ни­цы Ири­ны (па­мять 5 мая), Ан­ге­ла Хра­ни­те­ля сво­ей су­пру­ги. Храм в честь ве­ли­ко­му­че­ни­ка Ге­ор­гия на­хо­дил­ся пе­ред вра­та­ми Свя­той Со­фии, на его стро­и­тель­ство князь Яро­слав за­тра­тил боль­шие сред­ства, в воз­ве­де­нии хра­ма при­ни­ма­ло уча­стие боль­шое чис­ло стро­и­те­лей. 26 но­яб­ря храм был освя­щен свя­ти­те­лем Ила­ри­о­ном, мит­ро­по­ли­том Ки­ев­ским (па­мять 21 ок­тяб­ря), и уста­нов­ле­но еже­год­ное празд­но­ва­ние в честь это­го со­бы­тия.

Видео:Молитва великомученику Георгию ПобедоносцуСкачать

Акафист святому великомученику Георгию Победоносцу

Кондак 1

Взбра́нному воево́де и Победоно́сцу Гео́ргию соста́вим по­хва­лу́, я́ко хо­да́­таю на́­ше­му и ско́рому помо́щнику: ты же, свя­ты́й ве­ли­ко­му́­че­ни­че, я́ко име́яй дерз­но­ве́­ние ко Го́с­по­ду, от вся́­ких нас бед сво­бо­ди́, да зо­ве́м ти:

Ра́­дуй­ся, Гео́ргие, ве­ли́­кий По­бе­до­но́с­че.

Икос 1

А́н­ге­лов Тво­ре́ц и всея́ тва́­ри Соде́тель, яви́­вый тя Це́рк­ви Свое́й ве́­ры побо́рника и за ве́­ру непобеди́маго страстоте́рпца, внуша́ет нам за по́д­ви­ги страда́ний тво­и́х восхваля́ти тя, свя́­те Гео́ргие, си́­це:

Ра́­дуй­ся, до кон­ца́ Иису́­са Сы́­на Бо́­жия воз­лю­би́­вый;

ра́­дуй­ся, за и́мя Его́ с лю­бо́­вию ду́­шу свою́ по­ло­жи́­вый.

Ра́­дуй­ся, ис­по­ве́д­ни­че, от Бо́­га при́званный;

ра́­дуй­ся, подви́жниче, Бо́­жиею бла­го­да́­тию про­сла́в­лен­ный.

Ра́­дуй­ся, А́н­ге­лов сожи́телю;

ра́­дуй­ся, про­ро́­ков равностоя́телю.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 2

Ви́­дя гоне́ние не­чес­ти́­вых на христиа́ны, не убоя́лся еси́ ко́з­ни их и мучи́тельства, бо­го­му́д­ре, но я́ко до́б­рый во́ин Хрис­то́в, вся своя́ ни́щим разда́в, во́­лею поте́кл еси́ на сове́т их непра́ведный, Хри­сту́ вож­дю́ и Бо́­гу сво­ему́ поя́: Алли­лу́иа.

Икос 2

Разу́мно уразуме́в Еди́­на­го Бо́­га, в Трие́х Ипоста́сех боголе́пно покланя́емаго, тве́рдым умо́м испове́дал еси́ Его́ на собо́рищи не­чес­ти́­вых и та́­ко обличи́л еси́ безу́мнаго ца­ря́ безу́мное по­кло­не́­ние тва́­ри. Се­го́ ра́­ди за твое́ высо́кое любому́дрие при­ими́ от нас, Гео́ргие, усе́рдныя похвалы́:

Ра́­дуй­ся, Еди́­на­го и́с­тин­на­го Бо́­га про­по­ве́д­ни­че;

ра́­дуй­ся, Пре­свя­ты́я Тро́ицы ве́р­ный за­щи́т­ни­че.

Ра́­дуй­ся, ве́­лию пра­во­сла́в­на­го испове́дания та́й­ну неве́рным показа́вый;

ра́­дуй­ся, и́дольскаго слу­же́­ния пре́­лесть обличи́вый.

Ра́­дуй­ся, ри́торе Бо́­жий;

ра́­дуй­ся, ви­ти́е, пре­му́д­ро­сти ис­по́л­нен­ный.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 3

Си́­ла Бо́­жия, про­све­ща́ю­щая вся́­ка­го че­ло­ве́­ка, гряду́щаго в мир, и в темни́це тя стра́ждущаго посети́ла есть, смиренному́дре Гео́ргие: по­не́­же ты вся жи­тия́ се­го́ тле́н­ная, я́ко уме́ты пре­зре́в, еди́­но­му Хри­сту́ прилепи́лся еси́, да за и́мя Его́ до́б­ре во́инствовав, сподо́бишися Тому́ со А́н­ге­лы веч­но вос­пе­ва́­ти: Алли­лу́иа.

Икос 3

Име́я ум и се́рд­це, Ду́­хом Свя­ты́м озаре́нныя, ты по внуше́нию Его́ поревнова́л еси́ подвиза́тися за и́мя Хрис­то́­во, до кро́­ве стоя́ бо му́жественно в ве́­ре, обличи́л еси́ вознесе́нную не­чес­ти́­ва­го со­бо́­ри­ща горды́ню. Се­го́ ра́­ди хва́­лим тя, всему́дре Гео́ргие, си́­це:

Ра́­дуй­ся, щи́­те, воздви́гнутый на охране́ние бла­го­че́с­тия;

ра́­дуй­ся, ме­чу́, подъя́тый на посече́ние не­че́с­тия.

Ра́­дуй­ся, сто́л­пе ве́­ры;

ра́­дуй­ся, сте­но́ и утвер­жде́­ние Хри­сто́­вы Це́рк­ви.

Ра́­дуй­ся, ве́р­ных удо­бре́­ние;

ра́­дуй­ся, не­ве́р­ных страх и посрамле́ние.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 4

Безу́мный му­чи́­тель, ды́шащий на тя уби́йством, стра­сто­те́рп­че Гео́ргие, жа́ждал бо кро́­ве твоея́, я́ко пес а́лчный, повелева́я распя́ти на колесе́ те́­ло твое́ и зле́йшим му́кам преда́ти; ты же, возмога́я о Го́с­по­де, с тве́рдым упова́нием к Бо́­гу взы­ва́л еси́: Алли­лу́иа.

Икос 4

Слы́­шав­ше от те­бе́ Диоклетиа́н и жре­цы́ и́дольс­тии словеса́ пре­му́д­ро­сти, распыха́хуся на тя зло́бою, па́­че же ег­да́ рекл еси́: «О, ца­рю́ мучи́телю! Почто́ мя всу́е истязу́еши? Мне бо е́же жи́ти, Хрис­то́с, и е́же умре́ти, приобре́тение. Тру́дно ти есть про­ти́­ву рожна́ пра́ти». Се­го́ ра́­ди мы взы­ва́­ем ти, великоимени́те Гео́ргие, си́­це:

Ра́­дуй­ся, за му́жественное ис­по­ве́­да­ние ве́­ры на колесе́ кровь свою́ пролия́вый;

ра́­дуй­ся, кро́­вию свое́ю торжество́ ве́­ры возвели́чивый.

Ра́­дуй­ся, Апо́с­то­лов соревни́телю;

ра́­дуй­ся, во́льным Хри­сто́­вым Стра­сте́м под­ра­жа́­те­лю.

Ра́­дуй­ся, по­бо́р­ни­че ве́­ры не­по­ко­ле­би́­мый;

ра́­дуй­ся, стра­сто­те́рп­че, адама́нта тверде́йший.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 5

Боготе́чной звез­де́ по­до́­бен был еси́ Гео́ргие, чуде́сным бо от А́н­ге­ла исцеле́нием и ви́димым от ко­ле­са́ отреше́нием научи́л еси́ не­ве́р­ных ве́ровати в Тро́ицу Единосу́щную и Той ку́п­но с то­бо́ю вос­пе­ва́­ти: Алли­лу́иа.

Икос 5

Ви́деша наро́ди чу­де­са́ си́­лы Бо́­жия, я́ве на те­бе́ быва́емыя, с кро́тостию уче́ние Хрис­то́­во от те­бе́ прия́ша и возо­пи́­ша, гла­го́­лю­ще: «Вои́стину вели́к Бог христиа́нский!» Се­го́ ра́­ди и мы, восхваля́я тя, достосла́вне Гео́ргие, взы­ва́­ем си́­це:

Ра́­дуй­ся, светоно́сным спа­се́­ния сло́­вом тьму не­ве́­рия раз­гна́­вый;

ра́­дуй­ся, му́­че­ни­чес­ким ве́­ры испове́данием не­ве́р­ныя ко Хри­сту́ обрати́вый.

Ра́­дуй­ся, легио́ны во́­ин­ов зем­ны́х в не­бе́с­ное во́инство предводя́й;

ра́­дуй­ся, я́ко во́ин Хрис­то́в с небе́сными во́и пре­бы­ва́яй.

Ра́­дуй­ся, ратобо́рцев сла́­во;

ра́­дуй­ся, пресве́тлаго му́ченическаго ли́­ка кра­со­то́.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 6

Пропове́дником и́с­ти­ны, духоно́сным Апо́с­то­лом поревнова́в, кресто́м ми́­ру распя́лся еси́, стра­сто­те́рп­че; се бо, я́ко Ио́на во чре́­во ки́тово, в пещь нерастворе́нныя и́звести стремгла́в вве́р­жен был еси́, да просла́вится те­бе́ ра́­ди ди́вный во свя­ты́х Гос­по́дь, Ему́­же ты и в ро́ве изве́стнем, я́ко во хра́­ме сла́­вы, у́мно взы­ва́л еси́: Алли­лу́иа.

Икос 6

Возсия́вый в тридне́вном Сво­е́м от гро́­ба воста́нии всеси́льный а́да и сме́р­ти Победи́тель Иису́с спа­се́ тя от а́дова истле́ния, стра­сто­те́рп­че Гео́ргие: по трие́х бо днех обрето́ша тя в и́звести жи́ва и в воздея́нии рук пою́ща Бо́­га; се­го́ ра́­ди вельми́ пристра́шни бы́ша и ужасо́шася. Мы же, ра́дующеся, воспису́ем ти побе́дную песнь:

Ра́­дуй­ся, позо́рным в и́звестный ров низверже́нием, вознесе́нную диа́вола горды́ню низложи́вый;

ра́­дуй­ся, ди́вным от Бо́­га спасе́нием зве́рство му­чи́­те­лей по­бе­ди́­вый.

Ра́­дуй­ся, я́ко незло́бив сый, за твори́вших ти напа́сть моли́лся еси́, я́ко за благотво́рцев;

ра́­дуй­ся, я́ко о обраще́нии их, я́ко же Па́­вел о евре́ех, боле́зновал еси́.

Ра́­дуй­ся, му́­жу же­ла́­ний;

ра́­дуй­ся, со­су́­де из­бра́н­ный.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 7

Хо­тя́й вся́чески улови́ти се́рд­це твое́ к пре́­лес­ти и́дол, не­чес­ти́­вый му­чи́­тель умышля́ет прельсти́ти тя волшебными чарова́нии; ты же, богоизбра́нне, с Дави́дом восклица́я: «О Бо́­зе спа­се́­ние мое́ и сла́­ва моя́», ве́р­но Тому́ пел еси́: Алли­лу́иа.

Икос 7

Но́вое по­ка­за́ зло лука́вый о́ный сатаны́ служи́тель Диоклетиа́н, ег­да́ в безу́мной свое́й ко и́долом ре́вности по­ве­ле́ напои́ти тя, Гео́ргие, я́дом; ты же ис­по́л­нен сый ве́­ры и упова́ния, а́ще и сме́ртное испи́л, оба́­че без вре́да пребы́л еси́, богохва́льне, те́м­же и мы во­пи­е́м ти:

Ра́­дуй­ся, я́ко во упова́нии на Бо́­га Жи́ва не посрами́лся еси́;

ра́­дуй­ся, я́ко мучи́теля нивочто́же вме­ни́л еси́.

Ра́­дуй­ся, бесо́в отгна́телю;

ра́­дуй­ся, волше́бныя ко́з­ни разруши́телю.

Ра́­дуй­ся, я́ко то­бо́ю ди́вен Бог во свя­ты́х Сво­и́х явля́­ет­ся;

ра́­дуй­ся, я́ко то­бо́ю бла­го­че́ст­но и́мя Хрис­то́­во прославля́ется.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 8

Стра́нный и стра́шный сове́т бысть от не́коего волхва́ нечести́вому ца­рю́, да повели́т ти, в доказа́тельство пра́вости ве́­ры Хри­сто́­вой, сло́­вом воскреси́ти ме́ртваго; ты же, Гео́ргие, ни­что́же сумня́ся, воспева́л еси́ Тому́, И́же несть Бог ме́рт­вых, но Бог жи­вы́х: Алли­лу́иа.

Икос 8

Всежела́нный и Сладча́йший Иису́с, Его́­же ты все́ю ду­ше́ю и всем се́рд­цем возлюби́л еси́, все­бла­же́н­не Гео́ргие, слы́­ша те́п­лое ве́­ры твоея́ мо­ле́­ние, вско́ре по­ве­ле́ по сло́­ву тво­ему́ воскре́снути ме́ртвому, прославле́ния ра́­ди И́мени Сво­его́ и ве́р­ных утвержде́ния, неве́рным же и ослепле́нным на удив­ле́­ние и бо­го­позна́ние. Се­го́ ра́­ди по до́лгу во­пи­е́м ти:

Ра́­дуй­ся, я́ко Гос­по́дь сил ди́в­ная на те­бе́ яви́л есть;

ра́­дуй­ся, я́ко ме́ртваго то­бо́ю от гро́­ба вос­кре­си́л есть.

Ра́­дуй­ся, ослепле́нному волхву́ у́мное про­зре́­ние ве́­ры да­ро­ва́­вый;

ра́­дуй­ся, мно́гим, Хри­ста́ ра́­ди пострада́вшим, во свя­та́я свя­ты́х путь показа́вый.

Ра́­дуй­ся, Ри́ма удив­ле́­ние;

ра́­дуй­ся, хри­сти­а́н­ска­го ро́­да возвыше́ние.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 9

Вси А́нгели восхвали́ша Бо́­га, да­ро­ва́в­ша­го ти та­ко­во́е му́жество, Гео́ргие, я́ко и в темни́чном заточе́нии не престава́л еси́ моли́твенно бо́дрствовати. Се­го́ ра́­ди, я́ко ве­ли́­кий таи́нник Бо́­жия бла­го­да́­ти, удосто́ился еси́ ви́дети в виде́нии Го́с­по­да, вен­це́м не­тле́­ния гла­ву́ твою́ венча́юща, да и мы с то­бо́ю во­пи­е́м: Алли­лу́иа.

Икос 9

Вити́и мно­го­ве­ща́н­нии ри́торскими свои́ми язы́ки не воз­мо́­гут изрещи́ те­бе́ досто́йныя хвалы́, Гео́ргие, мно́гих ра́­ди тво­и́х по́двигов и бо­ле́з­ней, и́хже за Хри­ста́ и Це́р­ковь подъ­я́л еси́ во́­лею. Се­го́ ра́­ди и мы, недоуме́я восхваля́ти тя по до­стоя́­нию, вос­пе­ва́­ем си́­це:

Ра́­дуй­ся, во́льным за Хри­ста́ и Це́р­ковь страда́нием ве́тхаго в се­бе́ Ада́ма распя́вый;

ра́­дуй­ся, за до́блестное страда́ние ве­не́ц пра́в­ды от ру­ки́ Госпо́дни прия́вый.

Ра́­дуй­ся, пра́­ви­ло ре́вности благочести́выя;

ра́­дуй­ся, о́б­ра­зе ни­ще­ты́ ду­хо́в­ныя.

Ра́­дуй­ся, я́ко не се­бе́, но Еди́­но­му Бо́­гу до́б­ре угоди́л еси́;

ра́­дуй­ся, я́ко за Хри­ста́ на мно­го­об­раз­ныя сме́р­ти го­то́в был еси́.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 10

Спас­ти́ хо­тя́ ду́­ши во тьме идолослуже́ния погиба́ющих, боголю́бче Гео́ргие, ты, ревну́я, поревнова́л еси́, я́ко Илия́ по Бо́­зе: вшед бо во храм и́дольский, си́­лою Бо́­жиею разгна́л еси́ бе́сы, сокруши́л и́до­лы, посрами́л жре­цы́ и, я́ко победи́тель, не с че­ло­ве́­ки, но со А́н­ге­лы пел еси́ Бо́­гу: Алли­лу́иа.

Икос 10

Стены́ бесчу́вственнее окамене́нный се́рд­цем му­чи́­тель твой, Гео́ргие, не уразуме́ Бо́­га, я́ве то­бо́ю чудоде́йствующа, но до кон­ца́ пребы́л еси́, я́ко а́спид, затыка́яй у́ши свои́. Се­го́ ра́­ди по­ве­ле́ усещи́ тя на позо́рищи во гла­ву́, я́ко злоде́я; ты же, боле́знуя о по­ги́­бе­ли ду­ши́ его́, ра́­дост­но при­я́л еси́ кон­чи́­ну, за ню́же мы тя убла­жа́­ем лю­бо́­вию си́­це:

Ра́­дуй­ся, ве́­ру, на­де́ж­ду и лю­бы́ до кон­ца́ сохрани́вый;

ра́­дуй­ся, во успе́нии тво­е́м мно́­гия и ве­ли́­кия чу­де­са́ сотвори́вый.

Ра́­дуй­ся, ору́­жи­ем бла­го­во­ле́­ния Бо́­жия вен­ча́н­ный на зем­ли́;

ра́­дуй­ся, сла́­вою и велеле́пием укра­ше́н­ный на Не­бе­си́.

Ра́­дуй­ся, че­ло­ве́­че Бо́­жий;

ра́­дуй­ся, до́б­рый во́и­не Хрис­то́в.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 11

Пе́­ние Пресвяте́й Тро́­ице па́­че ины́х возда́л еси́, свя­ты́й ве­ли­ко­му́­че­ни­че Гео́ргие, не сло́­вом то́­чию и умо́м, но жи­вы́м всего́ себя́ в же́ртву принесе́нием: подража́я бо распя́тому за ны непоро́чному А́гнцу Хри­сту́, положи́л еси́ ду́­шу свою́ за дру́ги своя́ во́­лею. Те́м­же у́бо а́ще недово́льни ес­мы к похвале́нию та­ко­вы́я твоея́ до́блести, бо́льше бо сея́ люб­ве́ ни­кто́­же и́мать, оба́­че благода́рни су́ще, по­е́м Ди́в­но­му во свя­ты́х: Алли­лу́иа.

Икос 11

Светоприе́мный свети́льник и́с­тин­на­го Све́­та су́­щим на зем­ли́ явля́е­ши­ся, богоизбра́нне Гео́ргие, просвеща́еши бо серд­ца́ ве́р­ных и к ра́зуму Боже́ственному вся наставля́еши, поуча́я и нас ве́село взыва́ти:

Ра́­дуй­ся, я́ко в пре­све́т­лых а́нгельских чер­то́­зех все­ля́е­ши­ся;

ра́­дуй­ся, я́ко не в гада́нии, но ли­це́м к ли­цу́, Невече́рняго Тро́ичнаго Све́­та при­ча­ща́е­ши­ся.

Ра́­дуй­ся, ни́­щих пи­та́­те­лю и оби́­ди­мых за­щи́т­ни­че;

ра́­дуй­ся, немощны́х вра­чу́ и ца­ре́й по­бо́р­ни­че.

Ра́­дуй­ся, правосла́вным во́ином во бра́нех спобо́рниче;

ра́­дуй­ся, о спа­се́­нии гре́ш­ни­ков те́п­лый хо­да́­таю.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 12

Бла­го­да́ть, да́н­ную ти от Бо́­га, ве́­ду­ще, па́­мять твою́ пра́зднуем, ве­ли­ко­му́­че­ни­че Гео́ргие, и с усе́рдным мо­ле́­ни­ем к чудотво́рному о́б­ра­зу тво­ему́ притека́юще, твое́ю всеси́льною о Го́с­по­де по́­мо­щию, я́ко необори́мою стено́ю, огражда́емся. Се­го́ ра́­ди восхваля́я тя, усе́рд­но зо­ве́м Бо́­гу: Алли­лу́иа.

Икос 12

Сла́вную кон­чи́­ну твою́ пою́­ще, е́ю­же возвели́чился еси́, я́ко до́б­рый во́ин Хрис­то́в, мо́­лим тя, стра­сто­те́рп­че Гео́ргие: бу́­ди нам во всем ко бла́гу по­мо́щ­ни­че и услы́­ши ны, усе́рд­но взыва́ющих ти:

Ра́­дуй­ся, я́ко то­бо́ю Це́р­ковь ве́р­ных просвеща́ется;

ра́­дуй­ся, я́ко и́мя твое́ и между́ неве́рными прославля́ется.

Ра́­дуй­ся, ди́в­ная испове́дников сла́­во;

ра́­дуй­ся, вы­со́­кая му́­че­ни­ков по­хва­ло́.

Ра́­дуй­ся, теле́с на́­ших це­ле́б­ни­че;

ра́­дуй­ся, о ду­ша́х на́­ших мо­ли́т­вен­ни­че.

Ра́­дуй­ся, Гео́ргие, ве­ли́­кий По­бе­до­но́с­че.

Кондак 13

О, все­бла­же́н­ный и свя­ты́й ве­ли­ко­му́­че­ни­че Гео́ргие, при­ими́ сие́ на́­ше хва­ле́б­ное пе́­ние и из­ба́­ви нас от вся́­ка­го зла тво­и́м те́п­лым к Бо́­гу хо­да́­тай­ством, да с то­бо́ю вос­пе­ва́­ем: Алли­лу́иа.

Этот кондак чи­та­ет­ся трижды, за­те́м 1-й икос «А́н­ге­лов Тво­ре́ц…» и 1-й кондак «Взбра́нному воево́де …».

Мо­ли́т­ва 1-я

Свя­ты́й, сла́в­ный и всехва́льный ве­ли­ко­му́­че­ни­че Гео́ргие! Собра́ннии в хра́­ме тво­е́м и пред ико́­ною твое́ю свя­тою покланя́ющиися лю́­дие, мо́­лим тя, изве́стный жела́ния на́­ше­го хо­да́­таю, мо­ли́ с на́­ми и о нас умоля́емаго от Сво­его́ бла­го­утро́­бия Бо́­га, да ми́лостивно услы́­шит нас, прося́щих Его́ благосты́ню, и не оста́вит вся на́­ша ко спа­се́­нию и жи­тию́ ну́ждная про­ше́­ния, и да́­ру­ет стра­не́ на́­шей побе́ду на со­про­ти́в­ныя; и па́­ки, при­па́­даю­ще, мо́­лим тя, свя­ты́й По­бе­до­но́с­че: укре­пи́ да́н­ною те­бе́ бла­го­да́­тию во бра́нех правосла́вное во́инство, разруши́ си́­лы востаю́щих вра­го́в, да постыдя́тся и посра́мятся, и де́р­зость их да сокруши́тся, и да уве́дят, я́ко мы име́ем Боже́ственную по́­мощь, и всем, в ско́р­би и обстоя́нии су́­щим, многомо́щное яви́ свое́ за­ступ­ле́­ние. Умо­ли́ Го́с­по­да Бо́­га, всея́ тва́­ри Созда́теля, из­ба́­ви­ти нас от ве́ч­на­го му­че́­ния, да про­сла­вля­ем От­ца́, и Сы́­на, и Свя­та́­го Ду́­ха и твое́ ис­по­ве́­ду­ем предста́тельство ны́­не, и при́с­но, и во ве́­ки ве­ко́в. Ами́нь.

Мо­ли́т­ва 2-я

О, всехва́льный, свя­ты́й ве­ли­ко­му́­че­ни­че и чу­до­тво́р­че Гео́ргие! При́­зри на ны ско́рою твое́ю по́­мо­щию и умо­ли́ Человеколю́бца Бо́­га, да не осу́дит нас, гре́ш­ных, по беззако́ниям на́­шим, но да сотвори́т с на́­ми по ве­ли­цей Свое́й ми́­лос­ти. Не пре́­зри мо­ле́­ния на́­ше­го, но ис­про­си́ нам у Хри­ста́ Бо́­га на́­ше­го ти́­хое и бо­го­угод­ное жи­тие́, здра́­вие же душе́вное и теле́сное, зем­ли́ плодоро́дие и во всем изо­би́­лие, и да не во зло обрати́м да́руемая нам то­бо́ю от Всеще́драго Бо́­га, но во сла́­ву свя­та́­го И́мени Его́ и в прославле́ние кре́пкаго тво­его́ за­ступ­ле́­ния, да по­да́ст Он стра­не́ на́­шей и все­му́ боголюби́вому во́­ин­ству на супоста́ты одо­ле́­ние и да укрепи́т непременя́емым ми́­ром и благослове́нием. Из­ря́д­нее же да огради́т нас свя­ты́х А́н­гел Сво­и́х опол­че­ни­ем, во е́же из­ба­ви­ти­ся нам по исхо́де на́­шем из жи­тия́ се­го́ от ко́з­ней лу­ка́­ва­го и тя́жких воз­душ­ных мыта́рств его́ и неосужде́нным пред­ста́­ти Пре­сто́­лу Го́с­по­да сла́­вы. Услы́­ши нас, стра­сто­те́рп­че Хрис­то́в Гео́ргие, и мо­ли́ за ны непреста́нно Триипоста́снаго Вла­ды́­ку всех Бо́­га, да бла­го­да́­тию Его́ и человеколю́бием, твое́ю же по́­мо­щию и заступле́нием обря́щем ми́­лость со А́н­ге­лы и Арха́нгелы и все́­ми свя­ты́­ми одесну́ю Правосу́днаго Судии́ ста́ти и Того́ вы́­ну сла́­ви­ти со От­це́м и Свя­ты́м Ду́­хом ны́­не, и при́с­но, и во ве́­ки ве­ко́в. Ами́нь.

Видео:Акафист молитва Георгию ПобедоносцуСкачать

Акафист святому великомученику Георгию Победоносцу

В озбра́нному воево́де и Победоно́сцу Гео́ргию соста́вим похвалу́, я́ко хода́таю на́шему и ско́рому помо́щнику: ты же, святы́й великому́чениче, я́ко име́яй дерзнове́ние ко Го́споду, от вся́ких нас бед свободи́, да зове́м ти: Ра́дуйся, Гео́ргие, вели́кий Победоно́сче.

А нгелов Творе́ц и всея́ тва́ри Соде́тель, яви́вый тя Це́ркви Своея́ ве́ры побо́рника и за ве́ру непобеди́маго страстоте́рпца, внуша́ет нам за по́двиги страда́ний твои́х восхваля́ти тя, свя́те Гео́ргие, си́це: Ра́дуйся, до конца́ Иису́са Сы́на Бо́жия возлюби́вый; ра́дуйся, за и́мя Его́ с любо́вию ду́шу свою́ положи́вый. Ра́дуйся, испове́дниче, от Бо́га призва́нный; ра́дуйся, подви́жниче, Бо́жиею благода́тию просла́вленный. Ра́дуйся, Ангелов сожи́телю; ра́дуйся, проро́ков равностоя́телю. Ра́дуйся, Гео́ргие, вели́кий Победоно́сче.

В и́дя гоне́ние нечести́вых на христиа́ны, не убоя́лся еси́ ко́зни их и мучи́тельства, богому́дре, но я́ко до́брый во́ин Христо́в, вся своя́ ни́щим разда́в, во́лею поте́кл еси́ на сове́т их непра́ведный, Христу́ вождю́ и Бо́гу своему́ поя́: Аллилу́иа.

Р азу́мно уразуме́в Еди́наго Бо́га, в Трие́х Ипоста́сех боголе́пно покланя́емаго, тве́рдым умо́м испове́дал еси́ Его́ на собо́рищи нечести́вых и та́ко обличи́л еси́ безу́мнаго царя́ безу́мное поклоне́ние тва́ри. Сего́ ра́ди за твое́ высо́кое любому́дрие приими́ от нас, Гео́ргие, усе́рдныя похвалы́: Ра́дуйся, Еди́наго и́стиннаго Бо́га пропове́дниче; ра́дуйся, Пресвяты́я Тро́ицы ве́рный защи́тниче. Ра́дуйся, ве́лию правосла́внаго испове́дания та́йну неве́рным показа́вый; ра́дуйся, и́дольскаго служе́ния пре́лесть обличи́вый. Ра́дуйся, ри́торе Бо́жий; ра́дуйся, вети́е, прему́дрости испо́лненный. Ра́дуйся, Гео́ргие, вели́кий Победоно́сче.

С и́ла Бо́жия, просвеща́ющая вся́каго челове́ка, гряду́щаго в мир, и в темни́це тя стра́ждущаго посети́ла есть, смиренному́дре Гео́ргие: поне́же ты вся жития́ сего́ тле́нная, я́ко уме́ты презре́в, еди́ному Христу́ прилепи́лся еси́, да за и́мя Его́ до́бре во́инствовав, сподо́бишися Тому́ со Ангелы ве́чно воспева́ти: Аллилу́иа.

И ме́я ум и се́рдце, Ду́хом Святы́м озаре́нныя, ты по внуше́нию Его́ поревнова́л еси́ подвиза́тися за и́мя Христо́во, до кро́ве стоя́ бо му́жественно в ве́ре, обличи́л еси́ вознесе́нную нечести́ваго собо́рища горды́ню. Сего́ ра́ди хва́лим тя, всему́дре Гео́ргие, си́це: Ра́дуйся, щи́те, воздви́гнутый на охране́ние благоче́стия; ра́дуйся, мечу́, подъя́тый на посече́ние нече́стия. Ра́дуйся, сто́лпе ве́ры; ра́дуйся, стено́ и утвержде́ние Христо́вы Це́ркви. Ра́дуйся, ве́рных удобре́ние; ра́дуйся, неве́рных страх и посрамле́ние. Ра́дуйся, Гео́ргие, вели́кий Победоно́сче.

Б езу́мный мучи́тель, ды́шащий на тя уби́йством, страстоте́рпче Гео́ргие, жа́ждал бо кро́ве твоея́, я́ко пе́с а́лчный, повелева́я распя́ти на колесе́ те́ло твое́ и зле́йшим му́кам преда́ти; ты же, возмога́я о Го́споде, с тве́рдым упова́нием к Бо́гу взыва́л еси́: Аллилу́иа.

С лы́шавше от тебе́ Диоклетиа́н и жрецы́ и́дольстии словеса́ прему́дрости, распыха́хуся на тя зло́бою, па́че же егда́ рекл еси́: «О царю́ мучи́телю! Почто́ мя всу́е истязу́еши? Мне бо е́же жи́ти, Христо́с, и е́же умре́ти, приобре́тение. Тру́дно ти есть проти́ву рожна́ пра́ти». Сего́ ра́ди мы взыва́ем ти, великоимени́те Гео́ргие, си́це: Ра́дуйся, за му́жественное испове́дание ве́ры на колесе́ кровь свою́ пролия́вый; ра́дуйся, кро́вию свое́ю торжество́ ве́ры возвели́чивый. Ра́дуйся, Апо́столов соревни́телю; ра́дуйся, во́льным Христо́вым Страсте́м подража́телю. Ра́дуйся, побо́рниче ве́ры непоколеби́мый; ра́дуйся, страстоте́рпче, адама́нта тверде́йший. Ра́дуйся, Гео́ргие, вели́кий Победоно́сче.

Б оготе́чней звезде́ подо́бен был еси́ Гео́ргие, чуде́сным бо от Ангела исцеле́нием и ви́димым от колеса́ отреше́нием научи́л еси́ неве́рных ве́ровати в Тро́ицу Единосу́щную и Той ку́пно с тобо́ю воспева́ти: Аллилу́иа.

В и́деша наро́ди чудеса́ си́лы Бо́жией, я́ве на тебе́ быва́емыя, с кро́тостию уче́ние Христо́во от тебе́ прия́ша и возопи́ша, глаго́люще: «Вои́стину вели́к Бог христиа́нский!» Сего́ ра́ди и мы, восхваля́я тя, достосла́вне Гео́ргие, взыва́ем си́це: Ра́дуйся, светоно́сным спасе́ния сло́вом тьму неве́рия разгна́вый; ра́дуйся, му́ченическим ве́ры испове́данием неве́рныя ко Христу́ обрати́вый. Ра́дуйся, легио́ны во́инов земны́х в небе́сное во́инство предводя́й; ра́дуйся, я́ко во́ин Христо́в с небе́сными во́и пребыва́яй. Ра́дуйся, ратобо́рцев сла́во; ра́дуйся, пресве́тлаго му́ченическаго ли́ка красото́. Ра́дуйся, Гео́ргие, вели́кий Победоно́сче.

П ропове́дником и́стины, духоно́сным Апо́столом поревнова́в, кресто́м ми́ру распя́лся еси́, страстоте́рпче; се бо, я́ко Ио́на во чре́во ки́тово, в пещь нерастворе́нныя и́звести стремгла́в вве́ржен был еси́, да просла́вится тебе́ ра́ди ди́вный во святы́х Госпо́дь, Ему́же ты и в ро́ве и́звестнем, я́ко во хра́ме сла́вы, у́мно взыва́л еси́: Аллилу́иа.

В озсия́вый в тридне́внем Свое́м от гро́ба воста́нии всеси́льный а́да и сме́рти Победи́тель Иису́с спасе́ тя от а́дова истле́ния, страстоте́рпче Гео́ргие: по трие́х бо днех обрето́ша тя в и́звести жи́ва и в воздея́нии рук пою́ща Бо́га; сего́ ра́ди вельми́ пристра́шни бы́ша и ужасо́шася. Мы же, ра́дующеся, воспису́ем ти побе́дную пе́снь: Ра́дуйся, позо́рным в и́звестный ров низверже́нием, вознесе́нную диа́вола горды́ню низложи́вый; ра́дуйся, ди́вным от Бо́га спасе́нием зве́рство мучи́телей победи́вый. Ра́дуйся, я́ко незло́бив сый, за твори́вших ти напа́сть моли́лся еси́, я́ко за благотво́рцев; ра́дуйся, я́ко о обраще́нии их, я́ко же Па́вел о евре́ех, боле́зновал еси́. Ра́дуйся, му́жу жела́ний; ра́дуйся, сосу́де избра́нный. Ра́дуйся, Гео́ргие, вели́кий Победоно́сче.

Х отя́й вся́чески улови́ти се́рдце твое́ к пре́лести и́дол, нечести́вый мучи́тель умышля́ет прельсти́ти тя волше́бными чарова́нии; ты же, богоизбра́нне, с Дави́дом восклица́я: «О Бо́зе спасе́ние мое́ и сла́ва моя́», ве́рно Тому́ пел еси́: Аллилу́иа.

Н о́вое показа́ зло лука́вый о́ный сатаны́ служи́тель Диоклетиа́н, егда́ в безу́мной свое́й ко и́долом ре́вности повеле́ напои́ти тя, Гео́ргие, я́дом; ты же испо́лнен сый ве́ры и упова́ния, а́ще и сме́ртное испи́л, оба́че без вре́да пребы́л еси́, богохва́льне, те́мже и мы вопие́м ти: Ра́дуйся, я́ко во упова́нии на Бо́га Жи́ва не посрами́лся еси́; ра́дуйся, я́ко мучи́теля нивочто́же вмени́л еси́. Ра́дуйся, бесо́в отгна́телю; ра́дуйся, волше́бныя ко́зни разруши́телю. Ра́дуйся, я́ко тобо́ю ди́вен Бог во святы́х Свои́х явля́ется; ра́дуйся, я́ко тобо́ю благоче́стно и́мя Христо́во прославля́ется. Ра́дуйся, Гео́ргие, вели́кий Победоно́сче.

С тра́нный и стра́шный сове́т бы́сть от не́коего волхва́ нечести́вому царю́, да повели́т ти, в доказа́тельство пра́вости ве́ры Христо́вой, сло́вом воскреси́ти ме́ртваго; ты же, Гео́ргие, ничто́же сумня́ся, воспева́л еси́ Тому́, Иже не́сть Бог ме́ртвых, но Бог живы́х: Аллилу́иа.

В сежела́нный и Сладча́йший Иису́с, Его́же ты все́ю душе́ю и всем се́рдцем возлюби́л еси́, всеблаже́нне Гео́ргие, слы́ша те́плое ве́ры твоея́ моле́ние, вско́ре повеле́ по сло́ву твоему́ воскре́снути ме́ртвому, прославле́ния ра́ди Имени Своего́ и ве́рных утвержде́ния, неве́рным же и ослепле́нным на удивле́ние и богопозна́ние. Сего́ ра́ди по до́лгу вопие́м ти: Ра́дуйся, я́ко Госпо́дь сил ди́вная на тебе́ яви́л есть; ра́дуйся, я́ко тобо́ю ме́ртваго от гро́ба воскреси́л есть. Ра́дуйся, ослепле́нному волхву́ у́мное ве́ры прозре́ние дарова́вый; ра́дуйся, мно́гим, Христа́ ра́ди пострада́вшим, во свята́я святы́х путь показа́вый. Ра́дуйся, Ри́ма удивле́ние; ра́дуйся, христиа́нскаго ро́да возвыше́ние. Ра́дуйся, Гео́ргие, вели́кий Победоно́сче.

В си́ Ангели восхвали́ша Бо́га, дарова́вшаго ти таково́е му́жество, Гео́ргие, я́ко и в темни́чном заточе́нии не престава́л еси́ моли́твенно бо́дрствовати. Сего́ ра́ди, я́ко вели́кий таи́нник Бо́жия благода́ти, удосто́ился еси́ ви́дети в виде́нии Го́спода, венце́м нетле́ния главу́ твою́ венча́юща, да и мы с тобо́ю вопие́м: Аллилу́иа.

В ети́и многовеща́ннии ри́торскими свои́ми язы́ки не возмо́гут изрещи́ тебе́ досто́йныя хвалы́, Гео́ргие, мно́гих ра́ди твои́х подвиго́в и боле́зней, и́хже за Христа́ и Це́рковь подъя́л еси́ во́лею. Сего́ ра́ди и мы, недоуме́я восхваля́ти тя по достоя́нию, воспева́ем си́це: Ра́дуйся, во́льным за Христа́ и Це́рковь страда́нием ве́тхаго в себе́ Ада́ма распя́вый; ра́дуйся, за до́блестное страда́ние вене́ц пра́вды от руки́ Госпо́дней прия́вый. Ра́дуйся, пра́вило ре́вности благочести́выя; ра́дуйся, о́бразе нищеты́ духо́вныя. Ра́дуйся, я́ко не себе́, но Еди́ному Бо́гу до́бре угоди́л еси́; ра́дуйся, я́ко за Христа́ на многообра́зныя сме́рти гото́в был еси́. Ра́дуйся, Гео́ргие, вели́кий Победоно́сче.

С пасти́ хотя́ ду́ши во тьме идолослуже́ния погиба́ющих, боголю́бче Гео́ргие, ты, ревну́я, поревнова́л еси́, я́ко Илия́ по Бо́зе: вшед бо во храм и́дольский, си́лою Бо́жиею разгна́л еси́ бе́сы, сокруши́л и́долы, посрами́л жрецы́ и, я́ко победи́тель, не с челове́ки, но со Ангелы пе́л еси́ Бо́гу: Аллилу́иа.

С тены́ безчу́вственнее окамене́нный се́рдцем мучи́тель твой, Гео́ргие, не уразуме́ Бо́га, я́ве тобо́ю чудоде́йствующа, но до конца́ пребы́л еси́, я́ко а́спид, затыка́яй у́ши свои́. Сего́ ра́ди повеле́ усещи́ тя на позо́рищи во главу́, я́ко злоде́я; ты же, боле́знуя о поги́бели души́ его́, ра́достно прия́л еси́ кончи́ну, за ню́же мы тя ублажа́ем любо́вию си́це: Ра́дуйся, ве́ру, наде́жду и любы́ до конца́ сохрани́вый; ра́дуйся, во успе́нии твое́м мно́гия и вели́кия чудеса́ сотвори́вый. Ра́дуйся, ору́жием благоволе́ния Бо́жия венча́нный на земли́; ра́дуйся, сла́вою и велеле́пием украше́нный на Небеси́. Ра́дуйся, челове́че Бо́жий; ра́дуйся, до́брый во́ине Христо́в. Ра́дуйся, Гео́ргие, вели́кий Победоно́сче.

П е́ние Пресвяте́й Тро́ице па́че ины́х возда́л еси́, святы́й великому́чениче Гео́ргие, не сло́вом то́чию и умо́м, но живы́м всего́ себя́ в же́ртву принесе́нием: подража́я бо распя́тому за ны непоро́чному Агнцу Христу́, положи́л еси́ ду́шу свою́ за дру́ги своя́ во́лею. Те́мже у́бо а́ще и недово́льни есмы́ к похвале́нию таковы́я твоея́ до́блести, бо́льше бо сея́ любве́ никто́же и́мать, оба́че благода́рни су́ще, пое́м Ди́вному во святы́х Бо́гу: Аллилу́иа.

С ветоприе́мный свети́льник и́стиннаго Све́та су́щим на земли́ явля́ешися, богоизбра́нне Гео́ргие, просвеща́еши бо сердца́ ве́рных и к ра́зуму Боже́ственному вся наставля́еши, поуча́я и нас ве́село взыва́ти: Ра́дуйся, я́ко в пресве́тлых а́нгельских черто́зех вселя́ешися; ра́дуйся, я́ко не в гада́нии, но лице́м к лицу́, Невече́рняго Тро́ическаго Све́та причаща́ешися. Ра́дуйся, ни́щих пита́телю и оби́димых защи́тниче; ра́дуйся, немощны́х врачу́ и царе́й побо́рниче. Ра́дуйся, правосла́вным во́ином во бра́нех спобо́рниче; ра́дуйся, о спасе́нии гре́шников те́плый хода́таю. Ра́дуйся, Гео́ргие, вели́кий Победоно́сче.

Б лагода́ть, да́нную ти от Бо́га, ве́дуще, па́мять твою́ пра́зднуем, великому́чениче Гео́ргие, и с усе́рдным моле́нием к чудотво́рному о́бразу твоему́ притека́юще, твое́ю всеси́льною о Го́споде по́мощию, я́ко необори́мою стено́ю, огражда́емся. Сего́ ра́ди восхваля́я тя, усе́рдно зове́м Бо́гу: Аллилу́иа.

С ла́вную кончи́ну твою́ пою́ще, е́юже возвели́чился еси́, я́ко до́брый во́ин Христо́в, мо́лим тя, страстоте́рпче Гео́ргие: бу́ди нам во всем ко бла́гу помо́щниче и услы́ши ны, усе́рдно взыва́ющих ти: Ра́дуйся, я́ко тобо́ю Це́рковь ве́рных просвеща́ется; ра́дуйся, я́ко и́мя твое́ и между́ неве́рными прославля́ется. Ра́дуйся, ди́вная испове́дников сла́во; ра́дуйся, высо́кая му́чеников похвало́. Ра́дуйся, теле́с на́ших целе́бниче; ра́дуйся, о душа́х на́ших моли́твенниче. Ра́дуйся, Гео́ргие, вели́кий Победоно́сче.

О всеблаже́нный и святы́й великому́чениче Гео́ргие, приими́ сие́ на́ше хвале́бное пе́ние и изба́ви нас от вся́каго зла твои́м те́плым к Бо́гу хода́тайством, да с тобо́ю воспева́ем: Аллилу́иа.

Э тот кондак читается трижды, затем 1-й и́кос и 1-й кондак.

А нгелов Творе́ц и всея́ тва́ри Соде́тель, яви́вый тя Це́ркви Своея́ ве́ры побо́рника и за ве́ру непобеди́маго страстоте́рпца, внуша́ет нам за по́двиги страда́ний твои́х восхваля́ти тя, свя́те Гео́ргие, си́це: Ра́дуйся, до конца́ Иису́са Сы́на Бо́жия возлюби́вый; ра́дуйся, за и́мя Его́ с любо́вию ду́шу свою́ положи́вый. Ра́дуйся, испове́дниче, от Бо́га призва́нный; ра́дуйся, подви́жниче, Бо́жиею благода́тию просла́вленный. Ра́дуйся, Ангелов сожи́телю; ра́дуйся, проро́ков равностоя́телю. Ра́дуйся, Гео́ргие, вели́кий Победоно́сче.

В озбра́нному воево́де и Победоно́сцу Гео́ргию соста́вим похвалу́, я́ко хода́таю на́шему и ско́рому помо́щнику: ты же, святы́й великому́чениче, я́ко име́яй дерзнове́ние ко Го́споду, от вся́ких нас бед свободи́, да зове́м ти: Ра́дуйся, Гео́ргие, вели́кий Победоно́сче.

М олитва первая

С вяты́й, сла́вный и всехва́льный великому́чениче Гео́ргие! Собра́ннии в хра́ме твое́м и пред ико́ною твое́ю свято́ю покланя́ющиися лю́дие, мо́лим тя, изве́стный жела́ния на́шего хода́таю, моли́ с на́ми и о нас умоля́емаго от Своего́ благоутро́бия Бо́га, да ми́лостивно услы́шит нас, прося́щих Его́ благосты́ню, и не оста́вит вся на́ша ко спасе́нию и житию́ ну́ждная проше́ния, и да́рует стране́ на́шей побе́ду на сопроти́вныя; и па́ки, припа́дающе, мо́лим тя, святы́й Победоно́сче: укрепи́ да́нною тебе́ благода́тию во бра́нех правосла́вное во́инство, разруши́ си́лы возстаю́щих враго́в, да постыдя́тся и посра́мятся, и де́рзость их да сокруши́тся, и да уве́дят, я́ко мы име́ем Боже́ственную по́мощь, и всем, в ско́рби и обстоя́нии су́щим, многомо́щное яви́ свое́ заступле́ние. Умоли́ Го́спода Бо́га, всея́ тва́ри Созда́теля, изба́вити нас от ве́чнаго муче́ния, да всегда́ прославля́ем Отца́, и Сы́на, и Свята́го Ду́ха и твое́ испове́дуем предста́тельство ны́не, и при́сно, и во ве́ки веко́в. Ами́нь.

М олитва вторая

О всехва́льный, святы́й великому́чениче и чудотво́рче Гео́ргие! При́зри на ны ско́рою твое́ю по́мощию и умоли́ Человеколю́бца Бо́га, да не осу́дит нас, гре́шных, по беззако́нием на́шим, но да сотвори́т с на́ми по вели́цей Свое́й ми́лости. Не пре́зри моле́ния на́шего, но испроси́ нам у Христа́ Бо́га на́шего ти́хое и богоуго́дное житие́, здра́вие же душе́вное и теле́сное, земли́ плодоро́дие и во всем изоби́лие, и да не во зло обрати́м да́руемая нам тобо́ю от Всеще́драго Бо́га, но во сла́ву свята́го Имени Его́ и в прославле́ние кре́пкаго твоего́ заступле́ния, да пода́ст Он стране́ на́шей и всему́ боголюби́вому во́инству на супоста́ты одоле́ние и да укрепи́т непременя́емым ми́ром и благослове́нием. Изря́днее же да огради́т нас святы́х Ангелов Свои́х ополче́нием, во е́же изба́витися нам по исхо́де на́шем от жития́ сего́ от ко́зней лука́ваго и тя́жких возду́шных мыта́рств его́ и неосужде́нным предста́ти Престо́лу Го́спода сла́вы. Услы́ши нас, страстоте́рпче Христо́в Гео́ргие, и моли́ за ны́ непреста́нно Триипоста́снаго Влады́ку всех Бо́га, да благода́тию Его́ и человеколю́бием, твое́ю же по́мощию и заступле́нием обря́щем ми́лость со Ангелы и Арха́нгелы и все́ми святы́ми одесну́ю Правосу́днаго Судии́ ста́ти и Того́ вы́ну сла́вити со Отце́м и Святы́м Ду́хом ны́не, и при́сно, и во ве́ки веко́в. Ами́нь.

🔥 Видео

Акафист святому великомученику Георгию Победоносцу, молитва Георгию ПобедоносцуСкачать

Акафист Георгию Победоносцу (С ТЕКСТОМ) и Иконами (аудио молитва)Скачать

Молитва Георгию Победоносцу (С текстом и иконами) Слово ПравославияСкачать

Акафист святому Георгию ПобедоносцуСкачать

Молитва Георгию Победоносцу о защите и победе (С текстом и иконами) Слово ПравославияСкачать

Молебен с акафистом великомученику Георгию Победоносцу.Иконография.Скачать

Акафист Георгию ПобедоносцуСкачать

Акафист Георгию Победоносцу аудио молитва с текстом и иконамиСкачать

Георгию Победоносцу тропарь, кондак, величаниеСкачать

Акафист великомученику Георгию Победоносцу (нараспев)Скачать

Акафист великомученику Георгию Победоносцу (Православие).Скачать

Тропарь и кондак великомученику Георгию Победоносцу (с текстом)Скачать

Прот. Владимир Головин. Акафист вмч. и победоносцу ГеоргиюСкачать

Молитва великомученику Георгию ПобедоносцуСкачать

Молитва Георгию Победоносцу!Скачать

Георгий Победоносец ЕГО ДЕНЬ! ВКЛЮЧИ И НИЧЕГО НЕ БОЙСЯ! Молитва Святому Георгию. ПравославиеСкачать

Акафист и молебен Великомученику Георгию ПобедоносцуСкачать

Акафист святому великомученику Георгию Победоносцу.Скачать