Акафист иоанну златоусту текст с ударениями

Составлен епископом Белгородским Никодимом (Кононовым). Одобрен в 1908 году.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 09 февраля (27 января ст. ст.); 27 сентября (14 сентября ст. ст.); 26 ноября (13 ноября ст. ст.)

Возбра́нный вождю́ Це́ркве Христо́вы, златослове́сный учи́телю Иоа́нне! От ю́ности доброде́тельми украси́вся, до́бре потруди́лся еси́, и за и́мя Христо́во гоне́ние претерпе́в, во изгна́нии житие́ сконча́л еси́: сего́ ра́ди на небесе́х сугу́бо просла́влен еси́, му́дрый чи́на Церко́внаго устрои́телю. Те́мже и мы́ умиле́нне чти́м тя́, зову́ще:

Ра́дуйся, святи́телю вели́кий Иоа́нне Златоу́сте.

А́нгельский о́браз нося́, во пло́ти а́ки безпло́тен пожи́л еси́, Иоа́нне; во спасе́ние бо бра́тий мно́гия труды́ подъе́мля, де́лы до́брыми Отца́ Небе́снаго просла́вил еси́. Те́мже ти́ глаго́лем:

Ра́дуйся, Це́ркве Правосла́вныя украше́ние; ра́дуйся, роди́телей имени́тых ча́до благослове́нное.

Ра́дуйся, еще́ во о́трочестве от ма́тере твоея́ любо́вию ко сло́ву Бо́жию напое́нный; ра́дуйся, от ю́ности ра́зум и́гу Христо́ву покори́вый.

Ра́дуйся, Бо́гови усе́рдно послужи́вый; ра́дуйся, вселе́нныя учи́телю.

Ра́дуйся, христиа́н все́х време́н в моли́твах наста́вниче; ра́дуйся, жития́ и́ноческаго в Царегра́де обнови́телю.

Ра́дуйся, го́тфов и ски́фов просвети́телю; ра́дуйся, богоукрепле́нный пра́вды ревни́телю.

Ра́дуйся, вше́дый в ра́дость Го́спода твоего́; ра́дуйся, усе́рдный о на́с предста́телю.

Ра́дуйся, святи́телю вели́кий Иоа́нне Златоу́сте.

Ви́дя Христо́с роди́телей твои́х Секу́нда и Анфу́сы житие́ чи́стое, благоволи́ я́ просла́вити, и тя́, Иоа́нне, и́ма во утеше́ние дарова́; да ве́рнии, доброде́тели твоя́ помина́юще, превозно́сят чету́ пра́ведную, тя́ израсти́вшую, и, то́й ревну́юще, пою́т Бо́гови: Аллилу́иа.

Ра́зум уче́нием умудри́вый, се́рдцем же во благоче́стии от мла́дости воспита́нный, ра́дость и утеше́ние бы́л еси́, Иоа́нне, ма́тери твое́й, егда́ супру́га своего́ и дще́ре лиши́ся. Те́мже прино́сим тебе́ хвалы́ сицевы́я:

Ра́дуйся, отроко́м звездо́ благонра́вия; ра́дуйся, а́нгела храни́теля увеселе́ние.

Ра́дуйся, я́ко того́ николи́же опеча́лил еси́; ра́дуйся, при́сных люби́миче.

Ра́дуйся, во уче́нии преспева́вый и те́м мудрецы́ ми́ра сего́ удиви́вый; ра́дуйся, я́ко, еще́ учени́к сы́й, Анфи́мия богоху́льника посрами́л и вразуми́л еси́.

Ра́дуйся, угнете́нных сле́зы го́рькия в суде́х узре́вый; ра́дуйся, от творя́щих беззако́ния уклони́выйся.

Ра́дуйся, пути́ незло́бия спаси́тельнаго взыска́вый; ра́дуйся, по успе́нии ма́тере в пусты́ню заключи́выйся.

Ра́дуйся, та́мо за роди́тели преста́вльшияся Бо́гови усе́рдно моли́выйся; ра́дуйся, я́ко ти́и дне́сь, со Влады́чицею и святы́ми лику́юще, от земноро́дных велича́ются и хва́лятся.

Ра́дуйся, святи́телю вели́кий Иоа́нне Златоу́сте.

Си́лы, во е́же сло́вом и де́лом Христу́ рабо́тати, стяжа́л еси́, Иоа́нне, а́ки тезоиме́нный ти́ Предте́ча, в пусты́ни. Та́мо бо, посто́м стра́сти плотски́я умертви́в, моли́твою ду́х окрили́л еси́ и́, я́ко во́ин, проти́ву кня́зя вла́сти возду́шныя во вся́ ору́жия Бо́жия обле́клся еси́, со упова́нием поя́ Бо́гу кре́пкому: Аллилу́иа.

Име́я власяни́цу и по́яс усме́н о чре́слех, Крести́теля Христо́ва ревни́телю, бы́лием пита́лся еси́, Иоа́нне, в пусты́ни, из нея́же, я́ко му́ж си́лы испо́лнь, изше́л еси́. Те́мже вопие́м ти́:

Ра́дуйся, воздержа́нием Илии́ Проро́ку уподо́бивыйся; ра́дуйся, нищеты́ Христо́вы подража́телю.

Ра́дуйся, целому́дрием неможе́ние телесе́ укрепи́вый; ра́дуйся, богомы́слием уны́ние отгна́вый.

Ра́дуйся, па́мятию всеве́дения Бо́жия се́рдце непоро́чно соблюды́й; ра́дуйся, бде́нием ко́зни бесо́вския посрами́вый.

Ра́дуйся, искуше́ния са́м победи́вый и ины́я последи́ тому́жде научи́вый; ра́дуйся, в де́лании духо́внем подвиза́ющихся му́дрый укрепи́телю.

Ра́дуйся, дру́га твоего́ Фео́дора от паде́ния грехо́внаго удержа́вый; ра́дуйся, дру́га твоего́ епи́скопа Васи́лия во служе́нии утверди́вый.

Ра́дуйся, от ми́ра изгна́нным приста́нища ти́хаго указа́телю; ра́дуйся, и́ноческаго жития́ защи́тниче.

Ра́дуйся, святи́телю вели́кий Иоа́нне Златоу́сте.

Бу́рю искуше́ний но́вую победи́л еси́, Иоа́нне, в пеще́ре еди́н всели́вся; боле́зни же ра́ди из пусты́ни изше́д во Антиохи́ю, от свята́го Меле́тия во диа́кона поста́влен бы́л еси́ и попече́нию о неиму́щих ре́вностно преда́лся еси́. Е́же ви́дяще, ве́рнии ра́достно поя́ху Бо́гови: Аллилу́иа.

Слы́шав от ве́рных о тебе́ ре́чи хвале́бныя, святы́й Флавиа́н по достоя́нию благода́ть свяще́нства низведе́ на тя́, Иоа́нне. Те́мже лю́дие антиохи́йстии веселя́хуся и, труды́ твоя́ пра́ведно чту́ще, та́ко тя́ велича́ху:

Ра́дуйся, о себе́ попече́ние вся́кое отверги́й; ра́дуйся, убо́гим покро́ве.

Ра́дуйся, те́плое си́рым прибе́жище; ра́дуйся, скорбе́й утоли́телю.

Ра́дуйся, о людски́х неве́жествиих печа́льниче; ра́дуйся, де́вственнаго жития́ сладкогла́сный ублажа́телю.

Ра́дуйся, мно́ги иуде́и просвети́вый; ра́дуйся, иска́вшия спасе́ния пра́вым уче́нием оглаша́вый.

Ра́дуйся, житие́м твои́м сего́ уче́ния не посрами́вый; ра́дуйся, благоче́стия свети́льниче.

Ра́дуйся, апо́столом единонра́вниче; ра́дуйся, я́ко пра́ведно даде́ся ти́ жре́бий па́стырскаго о душа́х попече́ния.

Ра́дуйся, святи́телю вели́кий Иоа́нне Златоу́сте.

Богото́чною кро́вию от ве́чныя сме́рти искупле́нныя соблюда́я, егда́ са́н свяще́нства прия́л еси́, Иоа́нне, де́ло благове́стника трезвя́ся до́бре сотвори́л еси́, облича́я, запреща́я, умоля́я со вся́ким долготерпе́нием и уче́нием и поя́ Бо́гу: Аллилу́иа.

Ви́дя нестрое́ния во гра́де, скорбя́ же о се́м, поко́я не позна́л еси́, Иоа́нне, неве́рныя бо благове́стием оглаша́л еси́, ве́рныя же та́инствы церко́вными освяща́я и та́йнам ве́ры уча́, досто́йно стяжа́л еси́ и́мя Злата́я уста́, слы́шав от все́х сицева́я:

Ра́дуйся, па́стырю до́брый; ра́дуйся, святы́м креще́нием мно́га ча́да Це́ркви Христо́ве породи́вый.

Ра́дуйся, пома́занием ми́ра печа́ть да́ра Ду́ха Свята́го те́м дарова́вый; ра́дуйся, святе́йшия Трапе́зы предстоя́телю умиле́нный.

Ра́дуйся, пи́щею нетле́ния ча́да твоя́ пита́вый; ра́дуйся, покая́нием серде́ц очисти́телю.

Ра́дуйся, супру́жеств о Го́споде сочета́телю; ра́дуйся, еле́а пома́занием цели́телю.

Ра́дуйся, сло́ва Бо́жия нело́жный истолкова́телю; ра́дуйся, ересе́й мо́щный обличи́телю.

Ра́дуйся, глубо́кий кла́дязю и́стиннаго богосло́вия; ра́дуйся, я́ко притяжа́л еси́ па́ствы сердца́, любве́ к тебе́ испо́лненная.

Ра́дуйся, святи́телю вели́кий Иоа́нне Златоу́сте.

Пропове́дник покая́ния наипа́че яви́лся еси́, Иоа́нне, егда́ лю́дие антиохи́йстии, царя́ подо́бие низве́ргше, гне́ву того́ досто́йно подпадо́ша. Бо́жиим бо милосе́рдием утеша́я, ко исправле́нию жития́ словесы́ твои́ми вле́кл еси́ вся́, во е́же се́рдцем чи́стым пе́ти Бо́гу: Аллилу́иа.

Возсия́ Антиохи́я ра́достию, егда́ по словеси́ твоему́ беззако́ния своя́ опла́кавши, царе́во проще́ние получи́. Оба́че ско́рбию омрачи́ся вско́ре, с тобо́ю разлуча́ема: во архиепи́скопа бо Царюгра́ду при́зван бы́л еси́, Иоа́нне. Те́мже тебе́ вопие́м:

Ра́дуйся, а́ки Иса́ия, скорбьми́ гра́да оте́ческаго поболе́вый; ра́дуйся, а́ки Иереми́я, злонра́вие людско́е опла́кавый.

Ра́дуйся, а́ки Иезеки́иль, беззако́нники ко обраще́нию призыва́вый; ра́дуйся, мо́лние, горды́ню низложи́вшая.

Ра́дуйся, гро́ме, беззако́нно жи́вшия устраши́вый; ра́дуйся, корыстолю́бия обличи́телю.

Ра́дуйся, па́губу тщесла́вия показа́вый; ра́дуйся, сту́днаго е́ллинскаго многобо́жия посрами́телю.

Ра́дуйся, смяте́нных серде́ц умири́телю; ра́дуйся, споспе́шниче епи́скопу Флавиа́ну, ста́рцу пра́ведному.

Ра́дуйся, со пустынножи́тели ца́рския приста́вники на ми́лость преклони́вый; ра́дуйся, Ио́не, Ниневи́ю спа́сшему, ра́вный.

Ра́дуйся, святи́телю вели́кий Иоа́нне Златоу́сте.

Хотя́ це́рковь Царегра́дскую, а́ки неве́сту Христо́ву, досто́йно украси́ти, во благоле́пие вся́ приве́л еси́, Иоа́нне. Всено́щными бо бде́нии от сбо́рищ ариа́нских ве́рныя отврати́л еси́ и чи́н Боже́ственныя Литурги́и му́дре устро́ил еси́, я́ко благово́нное ми́ро, источи́в моли́твы, и́миже назида́ющеся, о тебе́ Бо́гови пое́м: Аллилу́иа.

Но́вое зна́мение ми́лости Бо́жия бы́сть о тебе́, святи́телю: моли́твами бо твои́ми ве́рнии все́х време́н, Бо́гови бесе́дующе, во спасе́ние умудря́ются. Приими́ у́бо от на́с сицевы́я хвалы́:

Ра́дуйся, а́ки Дави́д, словесы́ моли́твенными Це́рковь Бо́жию обогати́вый; ра́дуйся, а́ки бра́т Бо́жий Иа́ков, чи́н Боже́ственныя Литурги́и написа́вый.

Ра́дуйся, в то́мже Вели́кому Васи́лию подража́вый; ра́дуйся, Ду́ха Свята́го прия́телище.

Ра́дуйся, тобо́ю бо Ду́х Святы́й написа́ словеса́ спаси́тельная; ра́дуйся, я́ко моли́твами твои́ми, от сна́ воста́вше, Отца́ благодари́м.

Ра́дуйся, я́ко твои́ми словесы́, ко сну́ гряду́ще, от Ду́ха Свята́го прегреше́ний оставле́ния про́сим; ра́дуйся, я́ко усты́ твои́ми Сы́на Бо́жия умоля́ем, да не в су́д прича́стие Боже́ственных Та́ин прии́мем.

Ра́дуйся, ра́бе Бо́жий, уничиже́нныя на ве́черю Христо́ву глаша́яй; ра́дуйся, пропове́дниче Распя́таго на кресте́ за мирски́й живо́т и спасе́ние.

Ра́дуйся, я́ко в сло́во твое́, а́ки в ри́зы позлаще́ны, та́йны ве́ры оде́яшася; ра́дуйся, песнотво́рче и вити́я ди́вный.

Ра́дуйся, святи́телю вели́кий Иоа́нне Златоу́сте.

Стра́нник во юдо́ли земне́й бы́в, смире́ния, воздержа́ния и чистоты́ о́браз показа́л еси́, Иоа́нне, житие́м во ца́рствующем гра́де: та́мо бо оби́тели и́ноческия обнови́л и созда́л еси́ и уста́вы жития́ мона́шескаго да́л еси́ де́вам непоро́чным; от ни́хже, а́ки фимиа́м благово́нный, вознесе́ся Бо́гови пе́снь вели́кая: Аллилу́иа.

Все́ю душе́ю Христо́ви рабо́тая, челове́ком угожда́ти не восхоте́л еси́, Иоа́нне. Имени́тым бо ве́чери устроя́ти преста́в, убо́гим трапе́зы умно́жил еси́, странноприи́мницы же и безме́здныя враче́бницы неду́жным созда́в, научи́л еси́ пе́ти тебе́:

Ра́дуйся, Никола́я, святи́теля Мирлики́йскаго, соревнова́телю; ра́дуйся, стяжа́вый смире́нием высо́кая.

Ра́дуйся, приобреты́й нището́ю бога́тая; ра́дуйся, си́ми доброде́тельми и́ноком о́браз бы́вый.

Ра́дуйся, гла́дных пита́телю; ра́дуйся, а́ки Авраа́м, стра́нныя приима́вый.

Ра́дуйся, безприю́тных сиро́т прия́телище; ра́дуйся, безпомо́щных ста́рцев и ста́риц попечи́телю.

Ра́дуйся, избы́тки своя́ неиму́щим расточи́вый; ра́дуйся, я́ко коему́ждо в го́рестех, а́ки а́нгел уте́шитель, явля́лся еси́.

Ра́дуйся, ру́ки бога́тых на благодея́ния отверза́вый; ра́дуйся, я́ко о глубине́ милосе́рдия твоего́ Ма́ти Бо́жия возра́довася.

Ра́дуйся, святи́телю вели́кий Иоа́нне Златоу́сте.

Вся́к язы́к спасти́ хотя́, пропове́дники Ева́нгелия ко ски́фом, пра́отцем на́шим, посла́л еси́, Иоа́нне, из Константи́на гра́да, в не́мже хра́м во и́мя Апо́стола Па́вла созда́л еси́ го́тфом, да и ти́и, е́ресь а́риеву отве́ргше, правосла́вными усты́ пою́т Бо́гови: Аллилу́иа.

Вити́и правосла́вия к неве́рным посла́в, к це́рквам ве́рных, во Аси́и су́щим, са́м подви́глся еси́, Иоа́нне, и ты́я посеща́я, неради́выя облича́я, усе́рдныя же похваля́я, вся́ смотри́тельне устро́ил еси́. Те́мже тя́ сла́вим:

Ра́дуйся, правосла́вия свети́ло; ра́дуйся, па́стырю до́брый, о заблу́ждших овца́х попеки́йся.

Ра́дуйся, я́ко в земли́ ски́фстей дне́сь и́мя твое́ прославля́ется; ра́дуйся, я́ко во и́мя твое́ це́ркви Бо́жия зде́ воздвиза́ются.

Ра́дуйся, служе́ния апо́стольскаго прича́стниче; ра́дуйся, по словеси́ Апо́стола Петра́ ста́до Бо́жие пасы́й.

Ра́дуйся, не ну́ждею, но во́лею и по Бо́зе сие́ посеща́вый; ра́дуйся, мздои́мства тве́рдый искорени́телю.

Ра́дуйся, пра́вил церко́вных нелицеприя́тный блюсти́телю; ра́дуйся, лени́выя рабы́ пра́ведно изгна́вый.

Ра́дуйся, я́ко во благо́е труди́вшиися от тебе́ похвали́шася и укрепи́шася; ра́дуйся, Це́ркве испы́танный упра́вителю.

Ра́дуйся, святи́телю вели́кий Иоа́нне Златоу́сте.

Спасе́нию па́ствы твоея́ служи́ти не преста́л еси́, Иоа́нне, от Аси́и в Царьгра́д возврати́вся. Егда́ же цари́цы и имени́тых злонра́вное житие́ облича́ти безбоя́зненне нача́л еси́, ско́рби мно́ги прия́л еси́; тобо́ю бо облича́емии, не могу́ще а́бие я́ве загради́ти пра́ведная уста́ твоя́, та́йно ко́вы де́яху, во е́же погуби́ти тя́, чи́сте Бо́гови взыва́юща: Аллилу́иа.

Стена́ неви́нно гони́мым и́ноком яви́лся еси́, Иоа́нне: сего́ ра́ди я́ве обнажи́ся зло́ба ве́лия, ю́же врази́ на тя́ име́яху. Льсти́вый бо Фео́фил со цари́цею нечести́во на собо́рищи оболга́ и низложи́ тя́, не помяну́в трудо́в твои́х во бла́го оте́чествия. Мы́ же сия́ благода́рне воспомина́ем, глаго́люще:

Ра́дуйся, ди́вную любо́вь ко оте́честву земно́му показа́вый; ра́дуйся, Царягра́да от ва́рварскаго наше́ствия свободи́телю.

Ра́дуйся, Гаи́ны, гро́знаго вождя́ го́тфскаго, укроти́телю; ра́дуйся, ми́лостей дре́вних, Це́ркви царьми́ дарова́нных, охрани́телю.

Ра́дуйся, Евтро́пию вла́стному убе́жище церко́вное отъя́ти не попуска́вый; ра́дуйся, последи́ в се́м убе́жищи того́жде Евтро́пия гони́ма спасы́й.

Ра́дуйся, огражде́ния ра́ди нитри́йских и́ноков непра́вды собо́рища беззако́ннаго кро́тце претерпе́вый; ра́дуйся, я́ко сло́во Писа́ния «любы́ долготерпи́т», на тебе́ оправда́ся.

Ра́дуйся, ополча́тися за тя́ при́сным воспрети́вый; ра́дуйся, меча́ проти́ву враго́в не подъе́мый.

Ра́дуйся, власте́м повину́выйся и сего́ ра́ди во́лею в ру́ки во́инов но́щию преда́выйся; ра́дуйся, из оте́чествия пра́вды ра́ди изгна́нный.

Ра́дуйся, святи́телю вели́кий Иоа́нне Златоу́сте.

Пе́нием ра́достным измени́ся вско́ре пла́чь па́ствы твоея́, до́блий страда́льче: во изгна́ние бо влеко́му ти́, внеза́пу гро́м возгреме́, мо́лния возблиста́ и, ве́тром шумя́щим, земля́ поколеба́ся. Я́же ви́дящи и трепе́щущи, цари́ца раска́яся и че́стне тя́ возврати́, смире́нно вопию́щи Бо́гу: Аллилу́иа.

Све́тлую правосла́вия свещу́, сугу́бо цари́ца возненави́де тя́ вско́ре, егда́ обличи́л еси́ ю́, подо́бие свое́ бли́з хра́ма поста́вльшую: сего́ ра́ди, втори́цею осужде́нный, в Куку́зе, ве́си да́льней и ма́лей, заточе́н бы́л еси́, Иоа́нне. Приими́ у́бо от на́с сицевы́я хвалы́:

Ра́дуйся, по словеси́ Иереми́ину от ю́ности яре́м Бо́жий подъе́мый; ра́дуйся, по глаго́лу Христо́ву, ру́ку де́лания на ра́ло духо́вное возложи́вый.

Ра́дуйся, до конца́ вспя́ть не отврати́выйся; ра́дуйся, проти́ву цари́цы злонра́вныя возгреме́вый.

Ра́дуйся, то́ю, а́ки Крести́тель Иродиа́дою, возненави́денный; ра́дуйся, от уби́йц незри́мо а́нгелом спасе́нный.

Ра́дуйся, в дому́ твое́м любо́вию па́ствы твоея́ храни́мый; ра́дуйся, клевре́тми непра́ведных суде́й уничиже́нный.

Ра́дуйся, в заточе́ние со смире́нием безро́потно ше́дый; ра́дуйся, ве́рными опла́канный.

Ра́дуйся, за Го́спода распя́таго изъязвле́нный и зауше́нный; ра́дуйся, я́ко му́ченицы со Предте́чею на небесе́х о терпе́нии твое́м ликова́ху.

Ра́дуйся, святи́телю вели́кий Иоа́нне Златоу́сте.

Благода́ть Бо́жия и во изгна́нии соблюда́ше тя́, Иоа́нне, та́мо бо, а́ки Па́вел святы́й во у́зах, финики́яном и пе́рсом Ева́нгелие возвеща́л еси́, посла́ньми ве́рныя утеша́я. И та́ко упа́сл еси́ Це́рковь да́же до дне́, во́ньже злата́я уста́ твоя́ изреко́ша словеса́ после́дняя: Сла́ва Бо́гу за вся́! Душа́ же твоя́ на небеса́ пренесена́ бы́сть святы́ми А́нгелы, побе́дне вопию́щими: Аллилу́иа.

Пою́ще ра́достно, ве́рнии пренесо́ша святы́я мо́щи твоя́, Иоа́нне, в Царьгра́д, отню́дуже сла́ва твоя́ про́йде до после́дних земли́ и обы́де всю́ вселе́нную, уча́щи все́х пе́ти тебе́ си́це:

Ра́дуйся, стра́нниче, во оте́чествие небе́сное вше́дый; ра́дуйся, все́х церкве́й моли́твами напу́тствованный.

Ра́дуйся, на пути́ в Пифиу́нт да́льний в Кома́нех тече́ние сконча́вый; ра́дуйся, я́ко кончи́ну ти́ предрече́ священному́ченик Васили́ск.

Ра́дуйся, от сего́ услы́шавый: Бра́те, зау́тра ку́пно обря́щемся; ра́дуйся, Святы́х Та́ин прия́тием к восхожде́нию в ра́й укрепи́выйся.

Ра́дуйся, я́ко душа́ твоя́ от многотру́днаго телесе́ ти́хо разлучи́ся; ра́дуйся, я́ко тле́ние не прикосну́ся косте́м твои́м.

Ра́дуйся, я́ко на си́х во хра́мех Же́ртва Безкро́вная дне́сь возно́сится; ра́дуйся, небе́сных высо́т обита́телю, све́том невече́рним осия́нный.

Ра́дуйся, я́ко со святы́ми Васи́лием Вели́ким и Григо́рием Богосло́вом я́влься, восхваля́ти тя́ ку́пно со о́неми вся́ научи́л еси́; ра́дуйся, сла́во Це́ркве вселе́нския.

Ра́дуйся, святи́телю вели́кий Иоа́нне Златоу́сте.

О святи́телю вели́кий Иоа́нне Златоу́сте! При́зри с небе́сных высо́т на ны́, до́лу пове́рженныя, и прие́м сие́ от любве́ на́шея приноси́мое ти́ хвале́ние, умоли́ Го́спода Бо́га, да излие́т на ны́ благода́ть Свою́, немощна́я врачу́ющую, су́щия во правосла́вии укрепи́т, отпа́дшия же от Це́ркве па́ки в ло́но тоя́ приведе́т, благоутро́бием Свои́м оскудева́ющая восполня́я, и все́х сподо́бит с тобо́ю и все́ми святы́ми пе́ти Ему́ во ве́ки: Аллилу́иа.

Этот конда́к читается трижды, затем и́кос 1-й и конда́к 1-й.

А́нгельский о́браз нося́, во пло́ти а́ки безпло́тен пожи́л еси́, Иоа́нне; во спасе́ние бо бра́тий мно́гия труды́ подъе́мля, де́лы до́брыми Отца́ Небе́снаго просла́вил еси́. Те́мже ти́ глаго́лем:

Ра́дуйся, Це́ркве Правосла́вныя украше́ние; ра́дуйся, роди́телей имени́тых ча́до благослове́нное.

Ра́дуйся, еще́ во о́трочестве от ма́тере твоея́ любо́вию ко сло́ву Бо́жию напое́нный; ра́дуйся, от ю́ности ра́зум и́гу Христо́ву покори́вый.

Ра́дуйся, Бо́гови усе́рдно послужи́вый; ра́дуйся, вселе́нныя учи́телю.

Ра́дуйся, христиа́н все́х време́н в моли́твах наста́вниче; ра́дуйся, жития́ и́ноческаго в Царегра́де обнови́телю.

Ра́дуйся, го́тфов и ски́фов просвети́телю; ра́дуйся, богоукрепле́нный пра́вды ревни́телю.

Ра́дуйся, вше́дый в ра́дость Го́спода твоего́; ра́дуйся, усе́рдный о на́с предста́телю.

Ра́дуйся, святи́телю вели́кий Иоа́нне Златоу́сте.

Возбра́нный вождю́ Це́ркве Христо́вы, златослове́сный учи́телю Иоа́нне! От ю́ности доброде́тельми украси́вся, до́бре потруди́лся еси́, и за и́мя Христо́во гоне́ние претерпе́в, во изгна́нии житие́ сконча́л еси́: сего́ ра́ди на небесе́х сугу́бо просла́влен еси́, му́дрый чи́на Церко́внаго устрои́телю. Те́мже и мы́ умиле́нне чти́м тя́, зову́ще:

Ра́дуйся, святи́телю вели́кий Иоа́нне Златоу́сте.

О святи́телю вели́кий Иоа́нне Златоу́сте! Мно́гая и разли́чная дарова́ния от Го́спода прия́л еси́ и́, я́ко ра́б благи́й и ве́рный, вся́ да́нныя тебе́ тала́нты до́бре умно́жил еси́: сего́ ра́ди вои́стинну вселе́нский учи́тель бы́л еси́, я́ко вся́к во́зраст и вся́ко зва́ние от тебе́ поуча́ется. Ты́ еси́ отроко́м – послуша́ния о́браз, ю́ным – целому́дрия свети́ло, муже́м – трудолю́бия наста́вник, ста́рым – незло́бия учи́тель, и́ноком – воздержа́ния пра́вило, моля́щимся – во́ждь от Бо́га вдохнове́нный, му́дрости и́щущим – ума́ просвети́тель, вити́ям доброглаго́ливым – сло́ва жива́го исто́чник неисчерпа́емый, благотворя́щим – милосе́рдия звезда́, нача́льствующим – правле́ния му́драго о́браз, пра́вды ревни́телем – дерзнове́ния вдохнови́тель, пра́вды ра́ди гони́мым – терпе́ния наста́вник: все́м вся́ бы́л еси́, да вся́ко не́кия спасе́ши. Над все́ми же си́ми стяжа́л еси́ любо́вь, я́же е́сть соу́з соверше́нства, и то́ю, я́ко си́лою Боже́ственною, вся́ дарова́ния во еди́нем лице́ твое́м во еди́но совокупи́л еси́ и ту́южде любо́вь, разделе́нная примиря́ющую, в толкова́нии слове́с апо́стольских все́м ве́рным пропове́дал еси́. Мы́ же гре́шнии, по еди́ному ки́йждо свое́ дарова́ние иму́ще, едине́ния ду́ха в сою́зе ми́ра не и́мамы, быва́ем тщесла́вни, дру́г дру́га раздража́юще, дру́г дру́гу зави́дяще; сего́ ра́ди дарова́ния на́ша разделе́нная не в ми́р и спасе́ние, но во вражду́ и осужде́ние на́м явля́ются. Те́мже к тебе́, святи́телю Бо́жий, припа́даем, раздо́ром обурева́еми, и в сокруше́нии се́рдца про́сим: моли́твами твои́ми отжени́ от серде́ц на́ших вся́ку го́рдость и за́висть, на́с разделя́ющия, да во мно́зех у́дех еди́но те́ло церко́вное бу́дем, да по словеси́ твоему́ моли́твенному возлю́бим дру́г дру́га и единомы́слием испове́мы Отца́ и Сы́на и Свята́го Ду́ха, Тро́ицу Единосу́щную и Неразде́льную, ны́не и при́сно и во ве́ки веко́в. Ами́нь.

А҆ка́ѳїстъ і҆ѡа́ннꙋ а҆рхїепі́скопꙋ кѡнстанті́нѧ гра́да златоꙋ́стомꙋ

Возбра́нный вождю̀ цр҃кве хрⷭ҇то́вы, Златослове́сный ᲂу҆чи́телю і҆ѡа́нне! Ѿ ю҆́ности добродѣ́тельми ᲂу҆краси́всѧ, до́брѣ потрꙋди́лсѧ є҆сѝ, и҆ за и҆́мѧ хрⷭ҇то́во гоне́нїе претерпѣ́въ, во и҆згна́нїи житїѐ сконча́лъ є҆сѝ: сегѡ̀ ра́ди на нб҃сѣ́хъ сꙋгꙋ́бѡ просла́вленъ є҆сѝ, мꙋ́дрый чи́на цр҃ко́внагѡ ᲂу҆строи́телю. Тѣ́мже и҆ мы̀ ᲂу҆миле́ннѣ чти́мъ тѧ̀, зовꙋ́ще: Ра́дꙋйсѧ, ст҃и́телю вели́кїй і҆ѡа́нне златоꙋ́сте.

А҆́гг҃льскїй ѡ҆́бразъ носѧ̀, во пло́ти а҆́ки безпло́тенъ пожи́лъ є҆сѝ, і҆ѡа́нне: во сп҃се́нїе бо бра́тїй мнѡ́гїѧ трꙋды̀ под̾е́млѧ, дѣ́лы до́брыми ѻ҆ц҃а̀ нбⷭ҇наго просла́вилъ є҆сѝ. Тѣ́мже тѝ глаго́лемъ:

Ра́дꙋйсѧ, цр҃кве правосла́вныѧ ᲂу҆краше́нїе: ра́дꙋйсѧ, роди́телей и҆мени́тыхъ ча́до бл҃гослове́нное.

Ра́дꙋйсѧ, є҆щѐ во ѻ҆́трочествѣ ѿ ма́тере твоеѧ̀ любо́вїю ко сло́вꙋ бж҃їю напое́нный: ра́дꙋйсѧ, ѿ ю҆́ности ра́зꙋмъ и҆́гꙋ хрⷭ҇то́вꙋ покори́вый.

Ра́дꙋйсѧ, бг҃ови ᲂу҆се́рднѡ послꙋжи́вый: ра́дꙋйсѧ, вселе́нныѧ ᲂу҆чи́телю. Ра́дꙋйсѧ, хрⷭ҇тїа́нъ всѣ́хъ време́нъ въ моли́твахъ наста́вниче: ра́дꙋйсѧ, житїѧ̀ и҆́ноческагѡ въ царегра́дѣ ѡ҆бнови́телю.

Ра́дꙋйсѧ, го́тѳѡвъ и҆ скѵ́ѳѡвъ просвѣти́телю: ра́дꙋйсѧ, бг҃оꙋкрѣпле́нный пра́вды ревни́телю.

Ра́дꙋйсѧ, вше́дый въ ра́дость гдⷭ҇а твоегѡ̀: ра́дꙋйсѧ, ᲂу҆се́рдный ѡ҆ на́съ предста́телю.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Ви́дѧ хрⷭ҇то́съ роди́телей твои́хъ секꙋ́нда и҆ а҆нѳꙋ́сы житїѐ чи́стое, бл҃говолѝ ѧ҆̀ просла́вити, и҆ тѧ̀, і҆ѡа́нне, и҆́ма во ᲂу҆тѣше́нїе дарова̀: да вѣ́рнїи, добродѣ́тєли твоѧ̑ помина́юще, превозно́сѧтъ четꙋ̀ пра́веднꙋю, тѧ̀ и҆зрасти́вшꙋю, и҆, то́й ревнꙋ́юще, пою́тъ бг҃ови: А҆ллилꙋ́їа.

Ра́зꙋмъ ᲂу҆че́нїемъ ᲂу҆мꙋдри́вый, се́рдцемъ же во бл҃гоче́стїи ѿ мла́дости воспита́нный, ра́дость и҆ ᲂу҆тѣше́нїе бы́лъ є҆сѝ, і҆ѡа́нне, ма́тери твое́й, є҆гда̀ сꙋпрꙋ́га своегѡ̀ и҆ дще́ре лиши́сѧ. Тѣ́мже прино́симъ тебѣ̀ хвалы̑ сицевы̑ѧ:

Ра́дꙋйсѧ, ѻ҆трокѡ́мъ ѕвѣздо̀ бл҃гонра́вїѧ: ра́дꙋйсѧ, а҆́гг҃ла храни́телѧ ᲂу҆веселе́нїе.

Ра́дꙋйсѧ, ꙗ҆́кѡ того̀ николи́же ѡ҆печа́лилъ є҆сѝ: ра́дꙋйсѧ, при́сныхъ люби́миче.

Ра́дꙋйсѧ, во ᲂу҆че́нїи преспѣва́вый и҆ тѣ́мъ мꙋдрецы̀ мі́ра сегѡ̀ ᲂу҆диви́вый: ра́дꙋйсѧ, ꙗ҆́кѡ, є҆щѐ ᲂу҆чени́къ сы́й, а҆нѳі́мїѧ богохꙋ́льника посрами́лъ и҆ вразꙋми́лъ є҆сѝ.

Ра́дꙋйсѧ, ᲂу҆гнете́нныхъ сле́зы гѡ́рькїѧ въ сꙋдѣ́хъ ᲂу҆зрѣ́вый: ра́дꙋйсѧ, ѿ творѧ́щихъ беззакѡ́нїѧ ᲂу҆клони́выйсѧ.

Ра́дꙋйсѧ, пꙋтѝ неѕло́бїѧ спаси́тельнагѡ взыска́вый: ра́дꙋйсѧ, по ᲂу҆спе́нїи ма́тере въ пꙋсты́ню заключи́выйсѧ.

Ра́дꙋйсѧ, та́мѡ за роди́тєли преста́вльшыѧсѧ бг҃ови ᲂу҆се́рднѡ моли́выйсѧ: ра́дꙋйсѧ, ꙗ҆́кѡ ті́и дне́сь, со влⷣчцею и҆ ст҃ы́ми ликꙋ́юще, ѿ земноро́дныхъ велича́ютсѧ и҆ хва́лѧтсѧ.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Си̑лы, во є҆́же сло́вомъ и҆ дѣ́ломъ хрⷭ҇тꙋ̀ рабо́тати, стѧжа́лъ є҆сѝ, і҆ѡа́нне, а҆́ки тезоиме́нный тѝ прⷣте́ча, въ пꙋсты́ни. Та́мѡ бо, посто́мъ стра́сти плѡтскі́ѧ ᲂу҆мертви́въ, моли́твою дꙋ́хъ ѡ҆крили́лъ є҆сѝ и҆̀, ꙗ҆́кѡ во́инъ, проти́вꙋ кнѧ́зѧ вла́сти воздꙋ́шныѧ во всѧ̑ ѡ҆рꙋ̑жїѧ бж҃їѧ ѡ҆бле́клсѧ є҆сѝ, со ᲂу҆пова́нїемъ поѧ̀ бг҃ꙋ крѣ́пкомꙋ: А҆ллилꙋ́їа.

И҆мѣ́ѧ власѧни́цꙋ и҆ по́ѧсъ ᲂу҆сме́нъ ѡ҆ чре́слѣхъ, крⷭ҇ти́телѧ хрⷭ҇то́ва ревни́телю, бы́лїемъ пита́лсѧ є҆сѝ, і҆ѡа́нне, въ пꙋсты́ни, и҆з̾ неѧ́же, ꙗ҆́кѡ мꙋ́жъ, си́лы и҆спо́лнь, и҆зше́лъ є҆сѝ. Тѣ́мже вопїе́мъ тѝ:

Ра́дꙋйсѧ, воздержа́нїемъ и҆лїѝ прⷪ҇ро́кꙋ ᲂу҆подо́бивыйсѧ: ра́дꙋйсѧ, нищеты̀ хрⷭ҇то́вы подража́телю.

Ра́дꙋйсѧ, цѣломꙋ́дрїемъ неможе́нїе тѣлесѐ ᲂу҆крѣпи́вый: ра́дꙋйсѧ, бг҃омы́слїемъ ᲂу҆ны́нїе ѿгна́вый.

Ра́дꙋйсѧ, па́мѧтїю всевѣ́дѣнїѧ бж҃їѧ се́рдце непоро́чно соблюды́й: ра́дꙋйсѧ, бдѣ́нїемъ кѡ́зни бѣсѡ́вскїѧ посрами́вый.

Ра́дꙋйсѧ, и҆скꙋшє́нїѧ са́мъ побѣди́вый и҆ и҆ны̑ѧ послѣдѝ томꙋ́жде наꙋчи́вый: ра́дꙋйсѧ, въ дѣ́ланїи дꙋхо́внѣмъ подвиза́ющихсѧ мꙋ́дрый ᲂу҆крѣпи́телю.

Ра́дꙋйсѧ, дрꙋ́га твоего̀ ѳео́дѡра ѿ паде́нїѧ грѣхо́внагѡ ᲂу҆держа́вый: ра́дꙋйсѧ, дрꙋ́га твоего̀ є҆пі́скопа васі́лїа во слꙋже́нїи ᲂу҆тверди́вый.

Ра́дꙋйсѧ, ѿ мі́ра и҆згна̑ннымъ приста́нища ти́хагѡ ᲂу҆каза́телю: ра́дꙋйсѧ, и҆́ноческагѡ житїѧ̀ защи́тниче.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Бꙋ́рю и҆скꙋше́нїй но́вꙋю побѣди́лъ є҆сѝ, і҆ѡа́нне, въ пеще́рѣ є҆ди́нъ всели́всѧ: болѣ́зни же ра́ди и҆з̾ пꙋсты́ни и҆зше́дъ во а҆нтїохі́ю, ѿ ст҃а́гѡ меле́тїа во дїа́кона поста́вленъ бы́лъ є҆сѝ и҆ попече́нїю ѡ҆ неимꙋ́щихъ ре́вностнѡ преда́лсѧ є҆сѝ. Є҆́же ви́дѧще, вѣ́рнїи ра́достнѡ поѧ́хꙋ бг҃ови: А҆ллилꙋ́їа.

Слы́шавъ ѿ вѣ́рныхъ ѡ҆ тебѣ̀ рѣ̑чи хвалє́бныѧ, ст҃ы́й флавїа́нъ по достоѧ́нїю бл҃года́ть сщ҃е́нства низведѐ на тѧ̀, і҆ѡа́нне. Тѣ́мже лю́дїе а҆нтїохі́йстїи веселѧ́хꙋсѧ и҆, трꙋды̀ твоѧ̑ пра́веднѡ чтꙋ́ще, та́кѡ тѧ̀ велича́хꙋ:

Ра́дꙋйсѧ, ѡ҆ себѣ̀ попече́нїе всѧ́кое ѿвергі́й: ра́дꙋйсѧ, ᲂу҆бѡ́гимъ покро́ве.

Ра́дꙋйсѧ, те́плое си̑рымъ прибѣ́жище: ра́дꙋйсѧ, скорбе́й ᲂу҆толи́телю.

Ра́дꙋйсѧ, ѡ҆ людски́хъ невѣ́жествїихъ печа́льниче: ра́дꙋйсѧ, дѣ́вственнагѡ житїѧ̀ сладкогла́сный ᲂу҆блажа́телю.

Ра́дꙋйсѧ, мнѡ́ги і҆ꙋдє́и просвѣти́вый: ра́дꙋйсѧ, и҆ска́вшыѧ сп҃се́нїѧ пра́вымъ ᲂу҆че́нїемъ ѡ҆глаша́вый.

Ра́дꙋйсѧ, житїе́мъ твои́мъ сегѡ̀ ᲂу҆че́нїѧ не посрами́вый: ра́дꙋйсѧ, бл҃гоче́стїѧ свѣти́льниче.

Ра́дꙋйсѧ, а҆пⷭ҇лѡмъ є҆динонра́вниче: ра́дꙋйсѧ, ꙗ҆́кѡ пра́веднѡ даде́сѧ тѝ жре́бїй па́стырскагѡ ѡ҆ дꙋша́хъ попече́нїѧ.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Бг҃ото́чною кро́вїю ѿ вѣ́чныѧ сме́рти и҆скꙋплє́нныѧ соблюда́ѧ, є҆гда̀ са́нъ сщ҃е́нства прїѧ́лъ є҆сѝ, і҆ѡа́нне, дѣ́ло бл҃говѣ́стника трезвѧ́сѧ до́брѣ сотвори́лъ є҆сѝ, ѡ҆блича́ѧ, запреща́ѧ, ᲂу҆молѧ́ѧ, со всѧ́кимъ долготерпѣ́нїемъ и҆ ᲂу҆че́нїемъ, и҆ поѧ̀ бг҃ꙋ: А҆ллилꙋ́їа.

Ви́дѧ нестроє́нїѧ во гра́дѣ, скорбѧ́ же ѡ҆ се́мъ, поко́ѧ не позна́лъ є҆сѝ, і҆ѡа́нне: невѣ̑рныѧ бо бл҃говѣ́стїемъ ѡ҆глаша́лъ є҆сѝ, вѣ̑рныѧ же та́инствы цр҃ко́вными ѡ҆свѧща́ѧ и҆ та́йнамъ вѣ́ры ᲂу҆чѧ̀, досто́йнѡ стѧжа́лъ є҆сѝ и҆́мѧ злата́ѧ ᲂу҆ста̀, слы́шавъ ѿ всѣ́хъ сицева̑ѧ:

Ра́дꙋйсѧ, па́стырю до́брый: ра́дꙋйсѧ, ст҃ы́мъ кр҃ще́нїемъ мнѡ́га ча̑да цр҃кви хрⷭ҇то́вѣ породи́вый.

Ра́дꙋйсѧ, пома́занїемъ мѵ́ра печа́ть да́ра дх҃а ст҃а́гѡ тѣ́мъ дарова́вый: ра́дꙋйсѧ, ст҃ѣ́йшїѧ трапе́зы предстоѧ́телю ᲂу҆миле́нный.

Ра́дꙋйсѧ, пи́щею нетлѣ́нїѧ ча̑да твоѧ̑ пита́вый: ра́дꙋйсѧ, покаѧ́нїемъ серде́цъ ѡ҆чисти́телю.

Ра́дꙋйсѧ, сꙋпрꙋ́жествъ ѡ҆ гдⷭ҇ѣ сочета́телю: ра́дꙋйсѧ, є҆ле́а пома́занїемъ цѣли́телю.

Ра́дꙋйсѧ, сло́ва бж҃їѧ нело́жный и҆столкова́телю: ра́дꙋйсѧ, є҆ресе́й мо́щный ѡ҆бличи́телю.

Ра́дꙋйсѧ, глꙋбо́кїй кла́дѧзю и҆́стиннагѡ бг҃осло́вїѧ: ра́дꙋйсѧ, ꙗ҆́кѡ притѧжа́лъ є҆сѝ па́ствы сердца̀, любвѐ къ тебѣ̀ и҆спо́лнєннаѧ.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Проповѣ́дникъ покаѧ́нїѧ наипа́че ꙗ҆ви́лсѧ є҆сѝ, і҆ѡа́нне, є҆гда̀ лю́дїе а҆нтїохі́йстїи, царѧ̀ подо́бїе низве́ргше, гнѣ́вꙋ тогѡ̀ досто́йнѡ подпадо́ша. Бж҃їимъ бо милосе́рдїемъ ᲂу҆тѣша́ѧ, ко и҆справле́нїю житїѧ̀ словесы̀ твои́ми вле́клъ є҆сѝ всѧ̑, во є҆́же се́рдцемъ чи́стымъ пѣ́ти бг҃ꙋ: А҆ллилꙋ́їа.

Возсїѧ̀ а҆нтїохі́а ра́достїю, є҆гда̀ по словесѝ твоемꙋ̀, беззакѡ́нїѧ своѧ̑ ѡ҆пла́кавши, царе́во проще́нїе полꙋчѝ. Ѻ҆ба́че ско́рбїю ѡ҆мрачи́сѧ вско́рѣ, съ тобо́ю разлꙋча́ема: во а҆рхїепі́скопа бо царюгра́дꙋ при́званъ бы́лъ є҆сѝ, і҆ѡа́нне. Тѣ́мже тебѣ̀ вопїе́мъ:

Ра́дꙋйсѧ, а҆́ки и҆са́їа, скорбьмѝ гра́да ѻ҆те́ческагѡ поболѣ́вый: ра́дꙋйсѧ, а҆́ки і҆еремі́а, ѕлонра́вїе людско́е ѡ҆пла́кавый.

Ра́дꙋйсѧ, а҆́ки і҆езекі́иль, беззако́нники ко ѡ҆браще́нїю призыва́вый: ра́дꙋйсѧ, мо́лнїе, горды́ню низложи́вшаѧ.

Ра́дꙋйсѧ, гро́ме, беззако́ннѡ жи́вшыѧ ᲂу҆страши́вый: ра́дꙋйсѧ, корыстолю́бїѧ ѡ҆бличи́телю.

Ра́дꙋйсѧ, па́гꙋбꙋ тщесла́вїѧ показа́вый: ра́дꙋйсѧ, стꙋ́днагѡ є҆́ллинскагѡ многобо́жїѧ посрами́телю.

Ра́дꙋйсѧ, смѧте́нныхъ серде́цъ ᲂу҆мири́телю: ра́дꙋйсѧ, споспѣ́шниче є҆пі́скопꙋ флавїа́нꙋ, ста́рцꙋ пра́ведномꙋ.

Ра́дꙋйсѧ, со пꙋстынножи́тєли ца̑рскїѧ приста́вники на ми́лость преклони́вый: ра́дꙋйсѧ, і҆ѡ́нѣ, нїнеѵі́ю спа́сшемꙋ, ра́вный.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Хотѧ̀ цр҃ковь царегра́дскꙋю, а҆́ки невѣ́стꙋ хрⷭ҇то́вꙋ, досто́йнѡ ᲂу҆краси́ти, во бл҃голѣ́пїе всѧ̑ приве́лъ є҆сѝ, і҆ѡа́нне. Всено́щными бо бдѣ́нїи ѿ сбо́рищъ а҆рїа́нскихъ вѣ̑рныѧ ѿврати́лъ є҆сѝ и҆ чи́нъ бжⷭ҇твенныѧ лїтꙋргі́и мꙋ́дрѣ ᲂу҆стро́илъ є҆сѝ, ꙗ҆́кѡ благово́нное мѵ́ро и҆сточи́въ моли̑твы, и҆́миже назида́ющесѧ, ѡ҆ тебѣ̀ бг҃ови пое́мъ: А҆ллилꙋ́їа.

Но́вое зна́менїе млⷭ҇ти бж҃їѧ бы́сть ѡ҆ тебѣ̀, ст҃и́телю: моли́твами бо твои́ми вѣ́рнїи всѣ́хъ време́нъ, бг҃ови бесѣ́дꙋюще, во сп҃се́нїе ᲂу҆мꙋдрѧ́ютсѧ. Прїимѝ ᲂу҆̀бо ѿ на́съ сицевы̑ѧ хвалы̑:

Ра́дꙋйсѧ, а҆́ки даві́дъ, словесы̀ моли́твенными цр҃ковь бж҃їю ѡ҆богати́вый: ра́дꙋйсѧ, а҆́ки бра́тъ бж҃їй і҆а́кѡвъ, чи́нъ бжⷭ҇твенныѧ лїтꙋргі́и написа́вый.

Ра́дꙋйсѧ, въ то́мже вели́комꙋ васі́лїю подража́вый: ра́дꙋйсѧ, дх҃а ст҃а́гѡ прїѧ́телище.

Ра́дꙋйсѧ, тобо́ю бо дх҃ъ ст҃ы́й написа̀ словеса̀ сп҃си́тєльнаѧ: ра́дꙋйсѧ, ꙗ҆́кѡ моли́твами твои́ми, ѿ сна̀ воста́вше, ѻ҆ц҃а̀ благодари́мъ.

Ра́дꙋйсѧ, ꙗ҆́кѡ твои́ми словесы̀, ко снꙋ̀ грѧдꙋ́ще, ѿ дх҃а ст҃а́гѡ прегрѣше́нїй ѡ҆ставле́нїѧ про́симъ: ра́дꙋйсѧ, ꙗ҆́кѡ ᲂу҆сты̀ твои́ми сн҃а бж҃їѧ ᲂу҆молѧ́емъ, да не въ сꙋ́дъ прича́стїе бжⷭ҇твенныхъ та̑инъ прїи́мемъ.

Ра́дꙋйсѧ, ра́бе бж҃їй, ᲂу҆ничижє́нныѧ на ве́черю хрⷭ҇то́вꙋ глаша́ѧй: ра́дꙋйсѧ, проповѣ́дниче распѧ́тагѡ на крⷭ҇тѣ̀ за мїрскі́й живо́тъ и҆ сп҃се́нїе.

Ра́дꙋйсѧ, ꙗ҆́кѡ въ сло́во твоѐ, а҆́ки въ ри̑зы позлащє́ны, та̑йны вѣ́ры ѡ҆дѣ́ѧшасѧ: ра́дꙋйсѧ, пѣснотво́рче и҆ виті́ѧ ди́вный.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Стра́нникъ во ю҆до́ли земнѣ́й бы́въ, смире́нїѧ, воздержа́нїѧ и҆ чистоты̀ ѡ҆́бразъ показа́лъ є҆сѝ, і҆ѡа́нне, житїе́мъ во ца́рствꙋющемъ гра́дѣ: та́мѡ бо ѡ҆би́тєли и҆́ночєскїѧ ѡ҆бнови́лъ и҆ созда́лъ є҆сѝ, и҆ ᲂу҆ста́вы житїѧ̀ мона́шескагѡ да́лъ є҆сѝ дѣ́вамъ непорѡ́чнымъ: ѿ ни́хже, а҆́ки ѳѷмїа́мъ благово́нный, вознесе́сѧ бг҃ови пѣ́снь вели́каѧ: А҆ллилꙋ́їа.

Все́ю дꙋше́ю хрⷭ҇то́ви рабо́таѧ, человѣ́кѡмъ ᲂу҆гожда́ти не восхотѣ́лъ є҆сѝ, і҆ѡа́нне. И҆мени̑тымъ бо ве́чєри ᲂу҆строѧ́ти преста́въ, ᲂу҆бѡ́гимъ трапє́зы ᲂу҆мно́жилъ є҆сѝ, страннопрїи̑мницы же и҆ безмє́здныѧ врачє́бницы недꙋ̑жнымъ созда́въ, наꙋчи́лъ є҆сѝ пѣ́ти тебѣ̀:

Ра́дꙋйсѧ, нїкола́а, ст҃и́телѧ мѷрлѷкі́йскагѡ, соревнова́телю: ра́дꙋйсѧ, стѧжа́вый смире́нїемъ высѡ́каѧ.

Ра́дꙋйсѧ, прїѡбрѣты́й нището́ю бога́таѧ: ра́дꙋйсѧ, си́ми добродѣ́тельми и҆́нокѡмъ ѡ҆́бразъ бы́вый.

Ра́дꙋйсѧ, гла́дныхъ пита́телю: ра́дꙋйсѧ, а҆́ки а҆враа́мъ, стра́нныѧ прїима́вый.

Ра́дꙋйсѧ, безпрїю́тныхъ сиро́тъ прїѧ́телище: ра́дꙋйсѧ, безпомо́щныхъ ста́рцєвъ и҆ ста́рицъ попечи́телю.

Ра́дꙋйсѧ, и҆збы́тки своѧ̑ неимꙋ́щымъ расточи́вый: ра́дꙋйсѧ, ꙗ҆́кѡ коемꙋ́ждо въ го́рестехъ, а҆́ки а҆́гг҃лъ ᲂу҆тѣ́шитель, ꙗ҆влѧ́лсѧ є҆сѝ.

Ра́дꙋйсѧ, рꙋ́ки бога́тыхъ на бл҃годѣѧ̑нїѧ ѿверза́вый: ра́дꙋйсѧ, ꙗ҆́кѡ ѡ҆ глꙋбинѣ̀ млⷭ҇рдїѧ твоегѡ̀ мт҃и бж҃їѧ возра́довасѧ.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Всѧ́къ ꙗ҆зы́къ спастѝ хотѧ̀ проповѣ́дники є҆ѵⷢ҇лїа ко скѵ́ѳѡмъ пра́ѻтцємъ на́шымъ, посла́лъ є҆сѝ, і҆ѡа́нне, и҆з̾ кѡнстанті́нѧ гра́да, въ не́мже хра́мъ во и҆́мѧ а҆пⷭ҇ла па́ѵла созда́лъ є҆сѝ го́тѳѡмъ, да и҆ ті́и, є҆́ресь а҆́рїевꙋ ѿве́ргше, правосла́вными ᲂу҆сты̀ пою́тъ бг҃ови: А҆ллилꙋ́їа.

Виті̑и правосла́вїѧ къ невѣ̑рнымъ посла́въ, къ цр҃квамъ вѣ́рныхъ, во а҆сі́и сꙋ́щымъ, са́мъ подви́глсѧ є҆сѝ, і҆ѡа́нне, и҆ ты̑ѧ посѣща́ѧ, неради̑выѧ ѡ҆блича́ѧ, ᲂу҆сє́рдныѧ же похвалѧ́ѧ, всѧ̑ смотри́тельнѣ ᲂу҆стро́илъ є҆сѝ. Тѣ́мже тѧ̀ сла́вимъ:

Ра́дꙋйсѧ, правосла́вїѧ свѣти́ло: ра́дꙋйсѧ, па́стырю до́брый, ѡ҆ заблꙋ́ждшихъ ѻ҆вца́хъ попекі́йсѧ.

Ра́дꙋйсѧ, ꙗ҆́кѡ въ землѝ скѵ́ѳстѣй дне́сь и҆́мѧ твоѐ прославлѧ́етсѧ: ра́дꙋйсѧ, ꙗ҆́кѡ во и҆́мѧ твоѐ цє́ркви бж҃їѧ здѣ̀ воздвиза́ютсѧ.

Ра́дꙋйсѧ, слꙋже́нїѧ а҆пⷭ҇льскагѡ прича́стниче: ра́дꙋйсѧ, по словесѝ а҆пⷭ҇ла петра̀, ста́до бж҃їе пасы́й.

Ра́дꙋйсѧ, не нꙋ́ждею, но во́лею и҆ по бз҃ѣ сїѐ посѣща́вый: ра́дꙋйсѧ, мздои́мства тве́рдый и҆скорени́телю.

Ра́дꙋйсѧ, пра́вилъ цр҃ко́вныхъ нелицепрїѧ́тный блюсти́телю: ра́дꙋйсѧ, лѣни̑выѧ рабы̑ пра́веднѡ и҆згна́вый.

Ра́дꙋйсѧ, ꙗ҆́кѡ во бл҃го́е трꙋди́вшїисѧ ѿ тебє̀ похвали́шасѧ и҆ ᲂу҆крѣпи́шасѧ: ра́дꙋйсѧ, цр҃кве и҆спы́танный ᲂу҆пра́вителю.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Сп҃се́нїю па́ствы твоеѧ̀ слꙋжи́ти не преста́лъ є҆сѝ, і҆ѡа́нне, ѿ а҆сі́и въ царьгра́дъ возврати́всѧ. Е҆гда́ же цари́цы и҆ и҆мени́тыхъ ѕлонра́вное житїѐ ѡ҆блича́ти безбоѧ́зненнѣ нача́лъ є҆сѝ, скѡ́рби мнѡ́ги прїѧ́лъ є҆сѝ: тобо́ю бо ѡ҆блича́емїи, не могꙋ́ще а҆́бїе ꙗ҆́вѣ загради́ти пра́вєднаѧ ᲂу҆ста̀ твоѧ̑, та́йнѡ ко́вы дѣ́ѧхꙋ, во є҆́же погꙋби́ти тѧ̀, чи́стѣ бг҃ови взыва́юща: А҆ллилꙋ́їа.

Стѣна̀ неви́ннѡ гони̑мымъ и҆́нокомъ ꙗ҆ви́лсѧ є҆сѝ, і҆ѡа́нне: сегѡ̀ ра́ди ꙗ҆́вѣ ѡ҆бнажи́сѧ ѕло́ба ве́лїѧ, ю҆́же вразѝ на тѧ̀ и҆мѣ́ѧхꙋ. Льсти́вый бо ѳео́фїлъ со цари́цею нечести́вѡ на собо́рищи ѡ҆болга̀ и҆ низложи́ тѧ, не помѧнꙋ́въ трꙋдѡ́въ твои́хъ во бла́го ѻ҆те́чествїѧ. Мы́ же сїѧ̑ благода́рнѣ воспомина́емъ, глаго́люще:

Ра́дꙋйсѧ, ди́внꙋю любо́вь ко ѻ҆те́чествꙋ земно́мꙋ показа́вый: ра́дꙋйсѧ, царѧгра́да ѿ ва́рварскагѡ наше́ствїѧ свободи́телю.

Ра́дꙋйсѧ, гаі́ны, гро́знагѡ вождѧ̀ го́тѳскагѡ, ᲂу҆кроти́телю: ра́дꙋйсѧ, ми́лостей дре́внихъ, цр҃кви царьмѝ дарова́нныхъ, ѡ҆храни́телю.

Ра́дꙋйсѧ, є҆ѵтро́пїю вла́стномꙋ ᲂу҆бѣ́жище цр҃ко́вное ѿ̾ѧ́ти не попꙋска́вый: ра́дꙋйсѧ, послѣдѝ въ се́мъ ᲂу҆бѣ́жищи того́жде є҆ѵтро́пїа гони́ма спасы́й.

Ра́дꙋйсѧ, ѡ҆гражде́нїѧ ра́ди нїтрі́йскихъ и҆́ноковъ непра̑вды собо́рища беззако́ннагѡ кро́тцѣ претерпѣ́вый: ра́дꙋйсѧ, ꙗ҆́кѡ сло́во писа́нїѧ: любы̀ долготерпи́тъ, на тебѣ̀ ѡ҆правда́сѧ.

Ра́дꙋйсѧ, ѡ҆полча́тисѧ за тѧ̀ при́снымъ воспрети́вый: ра́дꙋйсѧ, меча̀ проти́вꙋ врагѡ́въ не под̾е́мый.

Ра́дꙋйсѧ, власте́мъ повинꙋ́выйсѧ и҆ сегѡ̀ ра́ди во́лею въ рꙋ́ки во́инѡвъ но́щїю преда́выйсѧ: ра́дꙋйсѧ, и҆з̾ ѻ҆те́чествїѧ пра́вды ра́ди и҆згна́нный.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Пѣ́нїемъ ра́достнымъ и҆змѣни́сѧ вско́рѣ пла́чь па́ствы твоеѧ̀, до́блїй страда́льче: во и҆згна́нїе бо влеко́мꙋ тѝ, внеза́пꙋ гро́мъ возгремѣ̀, мо́лнїѧ возблиста̀ и҆, вѣ́трѡмъ шꙋмѧ́щымъ, землѧ̀ поколеба́сѧ. Ꙗ҆́же ви́дѧщи и҆ трепе́щꙋщи, цари́ца раска́ѧсѧ и҆ че́стнѣ тѧ̀ возвратѝ, смире́ннѡ вопїю́щи бг҃ꙋ: А҆ллилꙋ́їа.

Свѣ́тлꙋю правосла́вїѧ свѣщꙋ̀, сꙋгꙋ́бѡ цари́ца возненави́дѣ тѧ̀ вско́рѣ, є҆гда̀ ѡ҆бличи́лъ є҆сѝ ю҆̀, подо́бїе своѐ бли́з̾ хра́ма поста́вльшꙋю: сегѡ̀ ра́ди, втори́цею ѡ҆сꙋжде́нный, въ кꙋкꙋ́зѣ, ве́си да́льней и҆ ма́лѣй, заточе́нъ бы́лъ є҆сѝ, і҆ѡа́нне. Прїимѝ ᲂу҆̀бо ѿ на́съ сицевы̑ѧ хвалы̑:

Ра́дꙋйсѧ, по словесѝ і҆еремі́инꙋ ѿ ю҆́ности ꙗ҆ре́мъ бж҃їй под̾е́мый: ра́дꙋйсѧ, по глаго́лꙋ хрⷭ҇то́вꙋ, рꙋ́кꙋ дѣ́ланїѧ на ра́ло дꙋхо́вное возложи́вый.

Ра́дꙋйсѧ, до конца̀ вспѧ́ть не ѿврати́выйсѧ: ра́дꙋйсѧ, проти́вꙋ цари́цы ѕлонра́вныѧ возгремѣ́вый.

Ра́дꙋйсѧ, то́ю, а҆́ки крⷭ҇ти́тель и҆рѡдїа́дою, возненави́дѣнный: ра́дꙋйсѧ, ѿ ᲂу҆бі́йцъ незри́мѡ а҆́гг҃ломъ спасе́нный.

Ра́дꙋйсѧ, въ домꙋ̀ твое́мъ любо́вїю па́ствы твоеѧ̀ храни́мый: ра́дꙋйсѧ, клевре́тми непра́ведныхъ сꙋде́й ᲂу҆ничиже́нный.

Ра́дꙋйсѧ, въ заточе́нїе со смире́нїемъ безро́потнѡ ше́дый: ра́дꙋйсѧ, вѣ́рными ѡ҆пла́канный.

Ра́дꙋйсѧ, за гдⷭ҇а распѧ́таго и҆з̾ѧзвле́нный и҆ заꙋше́нный: ра́дꙋйсѧ, ꙗ҆́кѡ мꙋ́чєницы со прⷣте́чею на нб҃сѣ́хъ ѡ҆ терпѣ́нїи твое́мъ ликова́хꙋ.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Бл҃года́ть бж҃їѧ и҆ во и҆згна́нїи соблюда́ше тѧ̀, і҆ѡа́нне: та́мѡ бо, а҆́ки па́ѵелъ ст҃ы́й во ᲂу҆́захъ, фїнїкі́ѧнѡмъ и҆ пе́рсѡмъ є҆ѵⷢ҇лїе возвѣща́лъ є҆сѝ, посла́ньми вѣ̑рныѧ ᲂу҆тѣша́ѧ. И҆ та́кѡ ᲂу҆па́слъ є҆сѝ цр҃ковь да́же до днѐ, во́ньже злата̑ѧ ᲂу҆ста̀ твоѧ̑ и҆зреко́ша словеса̀ послѣ̑днѧѧ: сла́ва бг҃ꙋ за всѧ̑. Дꙋша́ же твоѧ̀ на нб҃са̀ пренесена̀ бы́сть ст҃ы́ми а҆́гг҃лы, побѣ́днѣ вопїю́щими: А҆ллилꙋ́їа.

Пою́ще ра́достнѡ, вѣ́рнїи пренесо́ша ст҃ы̑ѧ мо́щи твоѧ̑, і҆ѡа́нне, въ царьгра́дъ, ѿню́дꙋже сла́ва твоѧ̀ про́йде до послѣ́днихъ землѝ и҆ ѡ҆бы́де всю̀ вселе́ннꙋю, ᲂу҆ча́щи всѣ́хъ пѣ́ти тебѣ̀ си́це:

Ра́дꙋйсѧ, стра́нниче, во ѻ҆те́чествїе нбⷭ҇ное вше́дый: ра́дꙋйсѧ, всѣ́хъ цр҃кве́й моли́твами напꙋ́тствованный.

Ра́дꙋйсѧ, на пꙋтѝ въ пиѳїꙋ́нтъ да́льнїй въ кома́нѣхъ тече́нїе сконча́вый: ра́дꙋйсѧ, ꙗ҆́кѡ кончи́нꙋ тѝ предречѐ сщ҃енномꙋ́ченикъ васїлі́скъ.

Ра́дꙋйсѧ, ѿ сегѡ̀ ᲂу҆слы́шавый: бра́те, заꙋ́тра кꙋ́пнѡ ѡ҆брѧ́щемсѧ: ра́дꙋйсѧ, ст҃ы́хъ та̑инъ прїѧ́тїемъ къ восхожде́нїю въ ра́й ᲂу҆крѣпи́выйсѧ.

Ра́дꙋйсѧ, ꙗ҆́кѡ дꙋша̀ твоѧ̀ ѿ многотрꙋ́днагѡ тѣлесѐ ти́хѡ разлꙋчи́сѧ: ра́дꙋйсѧ, ꙗ҆́кѡ тлѣ́нїе не прикоснꙋ́сѧ косте́мъ твои̑мъ.

Ра́дꙋйсѧ, ꙗ҆́кѡ на си́хъ во хра́мѣхъ же́ртва безкро́внаѧ дне́сь возно́ситсѧ: ра́дꙋйсѧ, нбⷭ҇ныхъ высо́тъ ѡ҆бита́телю, свѣ́томъ невече́рнимъ ѡ҆сїѧ́нный.

Ра́дꙋйсѧ, ꙗ҆́кѡ со ст҃ы́ми васі́лїемъ вели́кимъ и҆ григо́рїемъ бг҃осло́вомъ ꙗ҆́вльсѧ, восхвалѧ́ти тѧ̀ кꙋ́пнѡ со ѻ҆́нѣми всѧ̑ наꙋчи́лъ є҆сѝ: ра́дꙋйсѧ, сла́во цр҃кве вселе́нскїѧ.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Ѽ ст҃и́телю вели́кїй і҆ѡа́нне златоꙋ́сте! При́зри съ нбⷭ҇ныхъ высо́тъ на ны̀, до́лꙋ пове́ржєнныѧ, и҆ прїе́мъ сїѐ ѿ любвѐ на́шеѧ приноси́мое тѝ хвале́нїе, ᲂу҆молѝ гдⷭ҇а бг҃а, да и҆злїе́тъ на ны̀ бл҃года́ть свою̀, немощна̑ѧ врачꙋ́ющꙋю, сꙋ́щыѧ во правосла́вїи ᲂу҆крѣпи́тъ, ѿпа́дшыѧ же ѿ цр҃кве па́ки въ ло́но тоѧ̀ приведе́тъ, бл҃гоꙋтро́бїемъ свои́мъ ѡ҆скꙋдѣва̑ющаѧ восполнѧ́ѧ, и҆ всѣ́хъ сподо́битъ съ тобо́ю и҆ всѣ́ми ст҃ы́ми пѣ́ти є҆мꙋ̀ во вѣ́ки: А҆ллилꙋ́їа.

Се́й конда́къ глаго́летсѧ три́жды. Та́же і҆́косъ а҃-й и҆ конда́къ а҃-й.

А҆́гг҃льскїй ѡ҆́бразъ носѧ̀, во пло́ти а҆́ки безпло́тенъ пожи́лъ є҆сѝ, і҆ѡа́нне: во сп҃се́нїе бо бра́тїй мнѡ́гїѧ трꙋды̀ под̾е́млѧ, дѣ́лы до́брыми ѻ҆ц҃а̀ нбⷭ҇наго просла́вилъ є҆сѝ. Тѣ́мже тѝ глаго́лемъ:

Ра́дꙋйсѧ, цр҃кве правосла́вныѧ ᲂу҆краше́нїе: ра́дꙋйсѧ, роди́телей и҆мени́тыхъ ча́до бл҃гослове́нное.

Ра́дꙋйсѧ, є҆щѐ во ѻ҆́трочествѣ ѿ ма́тере твоеѧ̀ любо́вїю ко сло́вꙋ бж҃їю напое́нный: ра́дꙋйсѧ, ѿ ю҆́ности ра́зꙋмъ и҆́гꙋ хрⷭ҇то́вꙋ покори́вый.

Ра́дꙋйсѧ, бг҃ови ᲂу҆се́рднѡ послꙋжи́вый: ра́дꙋйсѧ, вселе́нныѧ ᲂу҆чи́телю. Ра́дꙋйсѧ, хрⷭ҇тїа́нъ всѣ́хъ време́нъ въ моли́твахъ наста́вниче: ра́дꙋйсѧ, житїѧ̀ и҆́ноческагѡ въ царегра́дѣ ѡ҆бнови́телю.

Ра́дꙋйсѧ, го́тѳѡвъ и҆ скѵ́ѳѡвъ просвѣти́телю: ра́дꙋйсѧ, бг҃оꙋкрѣпле́нный пра́вды ревни́телю.

Ра́дꙋйсѧ, вше́дый въ ра́дость гдⷭ҇а твоегѡ̀: ра́дꙋйсѧ, ᲂу҆се́рдный ѡ҆ на́съ предста́телю.

Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Возбра́нный вождю̀ цр҃кве хрⷭ҇то́вы, Златослове́сный ᲂу҆чи́телю і҆ѡа́нне! Ѿ ю҆́ности добродѣ́тельми ᲂу҆краси́всѧ, до́брѣ потрꙋди́лсѧ є҆сѝ, и҆ за и҆́мѧ хрⷭ҇то́во гоне́нїе претерпѣ́въ, во и҆згна́нїи житїѐ сконча́лъ є҆сѝ: сегѡ̀ ра́ди на нб҃сѣ́хъ сꙋгꙋ́бѡ просла́вленъ є҆сѝ, мꙋ́дрый чи́на цр҃ко́внагѡ ᲂу҆строи́телю. Тѣ́мже и҆ мы̀ ᲂу҆миле́ннѣ чти́мъ тѧ̀, зовꙋ́ще: Ра́дꙋйсѧ, ст҃и́телю вели́кїй і҆ѡа́нне златоꙋ́сте.

Ѽ ст҃и́телю вели́кїй і҆ѡа́нне златоꙋ́сте! Мнѡ́гаѧ и҆ разли̑чнаѧ дарова̑нїѧ ѿ гдⷭ҇а прїѧ́лъ є҆сѝ и҆, ꙗ҆́кѡ ра́бъ бл҃гі́й и҆ вѣ́рный, всѧ̑ да̑нныѧ тебѣ̀ тала́нты до́брѣ ᲂу҆мно́жилъ є҆сѝ: сегѡ̀ ра́ди вои́стиннꙋ вселе́нскїй ᲂу҆чи́тель бы́лъ є҆сѝ, ꙗ҆́кѡ всѧ́къ во́зрастъ и҆ всѧ́ко зва́нїе ѿ тебє̀ поꙋча́етсѧ. Ты̀ є҆сѝ ѻ҆трокѡ́мъ послꙋша́нїѧ ѡ҆́бразъ, ю҆́нымъ цѣломꙋ́дрїѧ свѣти́ло, мꙋжє́мъ трꙋдолю́бїѧ наста́вникъ, ста̑рымъ неѕло́бїѧ ᲂу҆чи́тель, и҆́нокѡмъ воздержа́нїѧ пра́вило, молѧ́щымсѧ во́ждь ѿ бг҃а вдохнове́нный, мꙋ́дрости и҆́щꙋщымъ ᲂу҆ма̀ просвѣти́тель, виті́ѧмъ доброглагѡ́ливымъ сло́ва жива́гѡ и҆сто́чникъ неисчерпа́емый, благотворѧ́щымъ милосе́рдїѧ ѕвѣзда̀, нача́льствꙋющымъ правле́нїѧ мꙋ́драгѡ ѡ҆́бразъ, пра́вды ревни́телємъ дерзнове́нїѧ вдохнови́тель, пра́вды ра́ди гони̑мымъ терпѣ́нїѧ наста́вникъ: всѣ̑мъ всѧ̑ бы́лъ є҆сѝ, да всѧ́кѡ нѣ̑кїѧ спасе́ши. Над̾ всѣ́ми же си́ми стѧжа́лъ є҆сѝ любо́вь, ꙗ҆́же є҆́сть соꙋ́зъ соверше́нства, и҆ то́ю, ꙗ҆́кѡ си́лою бж҃е́ственною, всѧ̑ дарова̑нїѧ во є҆ди́нѣмъ лицѣ̀ твое́мъ во є҆ди́но совокꙋпи́лъ є҆сѝ, и҆ тꙋ́южде любо́вь, раздѣлє́ннаѧ примирѧ́ющꙋю, въ толкова́нїи слове́съ а҆пⷭ҇льскихъ всѣ̑мъ вѣ̑рнымъ проповѣ́далъ є҆сѝ. Мы́ же грѣ́шнїи, по є҆ди́номꙋ кі́йждо своѐ дарова́нїе и҆мꙋ́ще, є҆дине́нїѧ дꙋ́ха въ сою́зѣ ми́ра не и҆́мамы, быва́емъ тщесла́вни, дрꙋ́гъ дрꙋ́га раздража́юще, дрꙋ́гъ дрꙋ́гꙋ зави́дѧще: сегѡ̀ ра́ди дарова̑нїѧ на̑ша раздѣлє́ннаѧ не въ ми́ръ и҆ сп҃се́нїе, но во враждꙋ̀ и҆ ѡ҆сꙋжде́нїе на́мъ ꙗ҆влѧ́ютсѧ. Тѣ́мже къ тебѣ̀, ст҃и́телю бж҃їй, припа́даемъ, раздо́ромъ ѡ҆бꙋрева́еми, и҆ въ сокрꙋше́нїи се́рдца про́симъ: моли́твами твои́ми ѿженѝ ѿ серде́цъ на́шихъ всѧ́кꙋ го́рдость и҆ за́висть, на́съ раздѣлѧ́ющыѧ, да во мно́зѣхъ ᲂу҆́дѣхъ є҆ди́но тѣ́ло цр҃ко́вное бꙋ́демъ, да по словесѝ твоемꙋ̀ моли́твенномꙋ возлю́бимъ дрꙋ́гъ дрꙋ́га и҆ є҆диномы́слїемъ и҆сповѣ́мы ѻ҆ц҃а̀ и҆ сн҃а и҆ ст҃а́го дх҃а, трⷪ҇цꙋ є҆диносꙋ́щнꙋю и҆ нераздѣ́льнꙋю, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.

Свя­ти­тель Иоанн Зла­то­уст, ар­хи­епи­скоп Кон­стан­ти­но­поль­ский – один из трех все­лен­ских свя­ти­те­лей вме­сте со свя­ти­те­ля­ми Ва­си­ли­ем Ве­ли­ким и Гри­го­ри­ем Бо­го­сло­вом. Ро­дил­ся в Ан­тио­хии ок. 347 го­да, в се­мье во­е­на­чаль­ни­ка. Его отец, Се­кунд, умер вско­ре по­сле рож­де­ния сы­на; мать, Ан­фу­са, не ста­ла бо­лее вы­хо­дить за­муж и от­да­ла все си­лы вос­пи­та­нию Иоан­на. Юно­ша учил­ся у луч­ших фило­со­фов и ри­то­ров, ра­но об­ра­тил­ся к углуб­лен­но­му изу­че­нию Свя­щен­но­го Пи­са­ния и мо­лит­вен­но­му со­зер­ца­нию. Свя­ти­тель Ме­ле­тий, епи­скоп Ан­тио­хий­ский (па­мять 12 фев­ра­ля), по­лю­бив­ший Иоан­на как сы­на, на­ста­вил его в ве­ре и в 367 го­ду кре­стил. Через три го­да свя­той Иоанн был по­став­лен во чте­ца. По­сле то­го, как свя­ти­тель Ме­ле­тий был от­прав­лен в ссыл­ку им­пе­ра­то­ром Ва­лен­том, в 372 го­ду, свя­той Иоанн сов­мест­но с Фе­о­до­ром (впо­след­ствии – епи­ско­пом Моп­су­ест­ским) учил­ся у опыт­ных на­став­ни­ков по­движ­ни­че­ской жиз­ни, пре­сви­те­ров Фла­ви­а­на и Ди­о­до­ра Тар­сий­ско­го. Ко­гда скон­ча­лась мать свя­то­го Иоан­на, он при­нял ино­че­ство, ко­то­рое на­зы­вал «ис­тин­ной фило­со­фи­ей». Вско­ре свя­то­го Иоан­на со­чли до­стой­ным кан­ди­да­том для за­ня­тия епи­скоп­ской ка­фед­ры. Од­на­ко он из сми­ре­ния укло­нил­ся от ар­хи­ерей­ско­го са­на. В это вре­мя свя­той Иоанн на­пи­сал «Шесть слов о свя­щен­стве», ве­ли­кое тво­ре­ние пра­во­слав­но­го пас­тыр­ско­го бо­го­сло­вия. Че­ты­ре го­да про­вел свя­той в тру­дах пу­стын­ни­че­ско­го жи­тель­ства, на­пи­сав «Про­тив во­ору­жа­ю­щих­ся на ищу­щих мо­на­ше­ства» и «Срав­не­ние вла­сти, бо­гат­ства и пре­иму­ществ цар­ских с ис­тин­ным и хри­сти­ан­ским лю­бо­муд­ри­ем мо­на­ше­ской жиз­ни». Два го­да свя­той со­блю­дал пол­ное без­мол­вие, на­хо­дясь в уеди­нен­ной пе­ще­ре. Для вос­ста­нов­ле­ния здо­ро­вья свя­той Иоанн дол­жен был воз­вра­тить­ся в Ан­тио­хию. В 381 го­ду епи­скоп Ме­ле­тий Ан­тио­хийск­ий по­свя­тил его во диа­ко­на. По­сле­ду­ю­щие го­ды бы­ли по­свя­ще­ны со­зда­нию но­вых бо­го­слов­ских тво­ре­ний: «О про­ви­де­нии», «Кни­га о дев­стве», «К мо­ло­дой вдо­ве» (два Сло­ва), «Кни­га о свя­том Ва­ви­ле и про­тив Юли­а­на и языч­ни­ков».

В 386 го­ду свя­той Иоанн был хи­ро­то­ни­сан епи­ско­пом Ан­тио­хий­ским Фла­виа­ном во пре­сви­те­ра. На него воз­ло­жи­ли обя­зан­ность про­по­ве­до­вать Сло­во Бо­жие. Свя­той Иоанн ока­зал­ся бле­стя­щим про­по­вед­ни­ком и за ред­кий дар бо­го­вдох­но­вен­но­го сло­ва по­лу­чил от паст­вы на­име­но­ва­ние «Зла­то­уст». Две­на­дцать лет свя­той при сте­че­нии на­ро­да, обыч­но два­жды в неде­лю, а ино­гда еже­днев­но, про­по­ве­до­вал в хра­ме, по­тря­сая серд­ца слу­ша­те­лей.

В пас­тыр­ской рев­но­сти о наи­луч­шем усво­е­нии хри­сти­а­на­ми Свя­щен­но­го Пи­са­ния свя­той Иоанн об­ра­тил­ся к гер­ме­нев­ти­ке – на­у­ке о тол­ко­ва­нии Сло­ва Бо­жия. Он на­пи­сал тол­ко­ва­ния на мно­гие кни­ги Свя­щен­но­го Пи­са­ния (Бы­тия, Псал­тирь, Еван­ге­лия от Мат­фея и Иоан­на, По­сла­ния апо­сто­ла Пав­ла) и мно­же­ство бе­сед на от­дель­ные биб­лей­ские тек­сты, а так­же по­уче­ния на празд­ни­ки, в по­хва­лу свя­тых и сло­ва апо­ло­ге­ти­че­ские (про­тив ано­ме­ев, иудей­ству­ю­щих и языч­ни­ков). Свя­той Иоанн как пре­сви­тер рев­ност­но ис­пол­нял за­по­ведь по­пе­че­ния о бед­ных: при нем Ан­тио­хий­ская Цер­ковь пи­та­ла каж­дый день до 3000 дев и вдо­виц, не счи­тая за­клю­чен­ных, стран­ни­ков и боль­ных. Сла­ва за­ме­ча­тель­но­го пас­ты­ря и про­по­вед­ни­ка рос­ла.

В 397 го­ду, по­сле кон­чи­ны Кон­стан­ти­но­поль­ско­го ар­хи­епи­ско­па Нек­та­рия, свя­той Иоанн Зла­то­уст был вы­зван из Ан­тио­хии для по­став­ле­ния на Кон­стан­ти­но­поль­скую ка­фед­ру. В сто­ли­це свя­той ар­хи­пас­тырь не мог про­по­ве­до­вать так ча­сто, как в Ан­тио­хии. Мно­же­ство дел ожи­да­ло ре­ше­ния свя­ти­те­ля, он на­чал с глав­но­го – с ду­хов­но­го со­вер­шен­ство­ва­ния свя­щен­ства. И здесь луч­шим при­ме­ром был он сам. Сред­ства, ко­то­рые пред­на­зна­ча­лись для ар­хи­епи­ско­па, свя­той об­ра­тил на со­дер­жа­ние несколь­ких боль­ниц и двух го­сти­ниц для па­лом­ни­ков. Ар­хи­пас­тырь до­воль­ство­вал­ся скуд­ной пи­щей, от­ка­зы­вал­ся от при­гла­ше­ния на обе­ды. Рев­ность свя­ти­те­ля к утвер­жде­нию хри­сти­ан­ской ве­ры рас­про­стра­ня­лась не толь­ко на жи­те­лей Кон­стан­ти­но­по­ля, но и на Фра­кию, вклю­чая сла­вян и го­тов, Ма­лую Азию и Пон­тий­скую об­ласть. Им был по­став­лен епи­скоп для Церк­ви Бос­по­ра, на­хо­див­шей­ся в Кры­му. Свя­той Иоанн на­прав­лял рев­ност­ных мис­си­о­не­ров в Фини­кию, Пер­сию, к ски­фам, пи­сал по­сла­ния в Си­рию, чтобы вер­нуть Церк­ви мар­ки­о­ни­тов, и до­бил­ся это­го. Мно­го тру­дов по­ло­жил свя­ти­тель на устро­е­ние бла­го­леп­но­го бо­го­слу­же­ния: со­ста­вил чин ли­тур­гии, ввел ан­ти­фон­ное пе­ние за все­нощ­ным бде­ни­ем, на­пи­сал несколь­ко мо­литв чи­на еле­освя­ще­ния. Рас­пу­щен­ность сто­лич­ных нра­вов, осо­бен­но им­пе­ра­тор­ско­го дво­ра, на­шла в ли­це свя­ти­те­ля нели­це­при­ят­но­го об­ли­чи­те­ля. Ко­гда им­пе­ра­три­ца Ев­док­сия, же­на им­пе­ра­то­ра Ар­ка­дия (395–408), рас­по­ря­ди­лась о кон­фис­ка­ции соб­ствен­но­сти у вдо­вы и де­тей опаль­но­го вель­мо­жи, свя­той встал на их за­щи­ту. Гор­дая им­пе­ра­три­ца не усту­пи­ла и за­та­и­ла гнев на ар­хи­пас­ты­ря. Нена­висть Ев­док­сии к свя­ти­те­лю раз­го­ре­лась с но­вой си­лой, ко­гда недоб­ро­же­ла­те­ли ска­за­ли ей, буд­то свя­ти­тель в сво­ем по­уче­нии о су­ет­ных жен­щи­нах имел в ви­ду ее. Суд, со­став­лен­ный из иерар­хов, спра­вед­ли­во об­ли­ча­е­мых ра­нее Зла­то­устом, по­ста­но­вил низ­ло­жить свя­то­го Иоан­на и за оскорб­ле­ние им­пе­ра­три­цы пре­дать каз­ни. Им­пе­ра­тор Ар­ка­дий за­ме­нил казнь из­гна­ни­ем. У хра­ма тол­пил­ся воз­буж­ден­ный на­род, ре­шив­ший за­щи­щать сво­е­го пас­ты­ря. Свя­ти­тель, чтобы из­бе­жать вол­не­ний, сам от­дал се­бя в ру­ки вла­стей. Той же но­чью в Кон­стан­ти­но­по­ле про­изо­шло зем­ле­тря­се­ние. Ис­пу­ган­ная Ев­док­сия про­си­ла им­пе­ра­то­ра сроч­но вер­нуть свя­то­го и немед­ля по­сла­ла пись­мо из­гнан­но­му пас­ты­рю, умо­ляя его вер­нуть­ся. Но уже через два ме­ся­ца но­вый до­нос про­бу­дил гнев Ев­док­сии. В мар­те 404 го­да со­сто­ял­ся непра­вед­ный со­бор, по­ста­но­вив­ший из­гнать свя­то­го Иоан­на. По уда­ле­нии его из сто­ли­цы по­жар об­ра­тил в пе­пел зда­ние се­на­та, по­сле­до­ва­ли опу­сто­ши­тель­ные на­бе­ги вар­ва­ров, а в ок­тяб­ре 404 го­да умер­ла Ев­док­сия. Да­же языч­ни­ки ви­де­ли в этих со­бы­ти­ях Небес­ное на­ка­за­ние за непра­вед­ное осуж­де­ние угод­ни­ка Бо­жия.

На­хо­дясь в Ар­ме­нии, свя­ти­тель Иоанн ста­рал­ся укре­пить сво­их ду­хов­ных чад. В мно­го­чис­лен­ных пись­мах (их со­хра­ни­лось 245) епи­ско­пам Азии, Аф­ри­ки, Ев­ро­пы и сво­им дру­зьям в Кон­стан­ти­но­по­ле он уте­шал стра­да­ю­щих, на­став­лял и под­дер­жи­вал сво­их при­вер­жен­цев. Зи­мой 406 го­да свя­той был бо­лез­нью при­ко­ван к по­сте­ли. Но вра­ги его не уни­ма­лись. Из сто­ли­цы при­шел при­каз пе­ре­ве­сти его в глу­хой Пит­нус (Пи­цун­ду, в Аб­ха­зии). Ис­то­щен­ный бо­лез­ня­ми свя­ти­тель, в со­про­вож­де­нии кон­воя, три ме­ся­ца в дождь и зной со­вер­шал свой по­след­ний пе­ре­ход. В Ко­ма­нах си­лы оста­ви­ли его. У скле­па свя­то­го Ва­си­лис­ка († ок. 308, па­мять 22 мая), уте­шен­ный яв­ле­ни­ем му­че­ни­ка («Не уны­вай, брат Иоанн! Зав­тра мы бу­дем вме­сте»), при­ча­стив­шись Свя­тых Та­ин, все­лен­ский свя­ти­тель со сло­ва­ми «Сла­ва Бо­гу за все!» ото­шел ко Гос­по­ду 14 сен­тяб­ря 407 го­да.

Свя­ти­тель Иоанн Зла­то­уст был по­гре­бен в Ко­ма­нах. В 438 го­ду Про­кл, пат­ри­арх Кон­стан­ти­но­поль­ский (434–447), со­вер­шая бо­гослу­же­ние в хра­ме Свя­той Со­фии, про­из­нес по­хваль­ное сло­во па­мя­ти сво­е­го ве­ли­ко­го учи­те­ля, в ко­то­ром срав­ни­вал свя­ти­те­ля Иоан­на Зла­то­уста со свя­тым Иоан­ном, Пред­те­чей Гос­под­ним, про­по­ве­до­вав­шим по­ка­я­ние и так­же по­стра­дав­шим за об­ли­че­ние по­ро­ков. На­род, го­рев­ший лю­бо­вью к свя­ти­те­лю Иоан­ну Зла­то­усту, не дав пат­ри­ар­ху до­кон­чить сво­е­го сло­ва, на­чал еди­но­душ­но про­сить его об­ра­тить­ся к им­пе­ра­то­ру с прось­бой о пе­ре­не­се­нии свя­тых мо­щей свя­ти­те­ля из Ко­ман в Кон­стан­ти­но­поль. Свя­ти­тель Про­кл от­пра­вил­ся к ца­рю Фе­о­до­сию II (408–450) и от ли­ца Церк­ви и на­ро­да про­сил его об этом. Им­пе­ра­тор со­гла­сил­ся и от­пра­вил в Ко­ма­ны осо­бых по­слан­ни­ков с се­реб­ря­ной ра­кой, чтобы с по­че­том пе­ре­вез­ти свя­тые мо­щи. Жи­те­ли Ко­ман глу­бо­ко скор­бе­ли о том, что их ли­ша­ют ве­ли­ко­го со­кро­ви­ща, но не мог­ли про­ти­вить­ся цар­ско­му ука­зу. Ко­гда же им­пе­ра­тор­ские по­слан­цы при­сту­пи­ли к гро­бу свя­ти­те­ля Иоан­на, они не смог­ли взять его мо­щи. То­гда им­пе­ра­тор в рас­ка­я­нии на­пи­сал по­сла­ние свя­ти­те­лю, про­ся у него про­ще­ния за се­бя и за свою мать Ев­док­сию. По­сла­ние это про­чли у гро­ба свя­ти­те­ля Иоан­на, по­ло­жи­ли на него и со­вер­ши­ли все­нощ­ное бде­ние. За­тем при­сту­пи­ли к гроб­ни­це, лег­ко под­ня­ли мо­щи и внес­ли на ко­рабль (гроб­ни­ца свя­ти­те­ля Иоан­на оста­лась в Ко­ма­нах, близ Пи­цун­ды). То­гда же со­вер­ши­лось ис­це­ле­ние убо­го­го че­ло­ве­ка, при­ло­жив­ше­го­ся к по­кро­ву от гро­ба свя­то­го. По при­бы­тии мо­щей свя­ти­те­ля Иоан­на в Кон­стан­ти­но­поль, 27 ян­ва­ря 438 го­да, весь го­род во гла­ве с пат­ри­ар­хом Про­к­лом, им­пе­ра­то­ром Фе­о­до­си­ем, со всем его син­кли­том и мно­же­ством на­ро­да вы­шел на­встре­чу. Мно­го­чис­лен­ные кли­ри­ки со све­ча­ми, ка­ди­ла­ми и хо­руг­вя­ми взя­ли се­реб­ря­ную ра­ку и с пес­но­пе­ни­я­ми внес­ли ее в цер­ковь свя­той му­че­ни­цы Ири­ны. Ко­гда пат­ри­арх Про­кл от­крыл гроб, те­ло свя­ти­те­ля Иоан­на ока­за­лось нетлен­ным, от него ис­хо­ди­ло бла­го­уха­ние. При­пав ко гро­бу, им­пе­ра­тор Фе­о­до­сий II со сле­за­ми про­сил свя­ти­те­ля про­стить его мать. На­род не от­хо­дил от ра­ки весь день и всю ночь. На­ут­ро мо­щи свя­то­го бы­ли от­не­се­ны в со­бор­ную цер­ковь Свя­тых Апо­сто­лов. Ко­гда ра­ка бы­ла по­став­ле­на на пат­ри­ар­шем пре­сто­ле, весь на­род еди­ны­ми уста­ми вос­клик­нул: «При­ми пре­стол свой, от­че!» – и пат­ри­арх Про­кл со мно­ги­ми сто­яв­ши­ми у ра­ки уви­де­ли, как свя­ти­тель Иоанн от­крыл уста свои и про­из­нес «Мир всем!»

В IX ве­ке Иосиф Пес­но­пи­сец, Кос­ма Ве­сти­тор и дру­гие на­пи­са­ли пес­но­пе­ния в честь пе­ре­не­се­ния мо­щей свя­ти­те­ля Иоан­на Зла­то­уста, ко­то­рые и по­ныне по­ют­ся Цер­ко­вью в вос­по­ми­на­ние это­го со­бы­тия.

Видео:Акафист молитва Иоанну ЗлатоустуСкачать

Акафист святителю Иоанну, архиепископу Константина града, Златоустому

Конда́к 1.

Возбра́нный вождю́ Це́ркве Христо́вы, златослове́сный учи́телю Иоа́нне! От ю́ности доброде́тельми украси́вся, до́бре потруди́лся еси́, и за и́мя Христо́во гоне́ние претерпе́в, во изгна́нии житие́ сконча́л еси́: сего́ ра́ди на небесе́х сугу́бо просла́влен еси́, му́дрый чи́на Церко́внаго устрои́телю. Те́мже и мы́ умиле́нне чти́м тя́, зову́ще:

Ра́дуйся, святи́телю вели́кий Иоа́нне Златоу́сте.

И́кос 1.

А́нгельский о́браз нося́, во пло́ти а́ки безпло́тен пожи́л еси́, Иоа́нне; во спасе́ние бо бра́тий мно́гия труды́ подъе́мля, де́лы до́брыми Отца́ Небе́снаго просла́вил еси́. Те́мже ти́ глаго́лем:

Ра́дуйся, Це́ркве Правосла́вныя украше́ние; ра́дуйся, роди́телей имени́тых ча́до благослове́нное.

Ра́дуйся, еще́ во о́трочестве от ма́тере твоея́ любо́вию ко сло́ву Бо́жию напое́нный; ра́дуйся, от ю́ности ра́зум и́гу Христо́ву покори́вый.

Ра́дуйся, Бо́гови усе́рдно послужи́вый; ра́дуйся, вселе́нныя учи́телю.

Ра́дуйся, христиа́н все́х време́н в моли́твах наста́вниче; ра́дуйся, жития́ и́ноческаго в Царегра́де обнови́телю.

Ра́дуйся, го́тфов и ски́фов просвети́телю; ра́дуйся, богоукрепле́нный пра́вды ревни́телю.

Ра́дуйся, вше́дый в ра́дость Го́спода твоего́; ра́дуйся, усе́рдный о на́с предста́телю.

Ра́дуйся, святи́телю вели́кий Иоа́нне Златоу́сте.

Конда́к 2.

Ви́дя Христо́с роди́телей твои́х Секу́нда и Анфу́сы житие́ чи́стое, благоволи́ я́ просла́вити, и тя́, Иоа́нне, и́ма во утеше́ние дарова́; да ве́рнии, доброде́тели твоя́ помина́юще, превозно́сят чету́ пра́ведную, тя́ израсти́вшую, и, то́й ревну́юще, пою́т Бо́гови: Аллилу́иа.

И́кос 2.

Ра́зум уче́нием умудри́вый, се́рдцем же во благоче́стии от мла́дости воспита́нный, ра́дость и утеше́ние бы́л еси́, Иоа́нне, ма́тери твое́й, егда́ супру́га своего́ и дще́ре лиши́ся. Те́мже прино́сим тебе́ хвалы́ сицевы́я:

Ра́дуйся, отроко́м звездо́ благонра́вия; ра́дуйся, а́нгела храни́теля увеселе́ние.

Ра́дуйся, я́ко того́ николи́же опеча́лил еси́; ра́дуйся, при́сных люби́миче.

Ра́дуйся, во уче́нии преспева́вый и те́м мудрецы́ ми́ра сего́ удиви́вый; ра́дуйся, я́ко, еще́ учени́к сы́й, Анфи́мия богоху́льника посрами́л и вразуми́л еси́.

Ра́дуйся, угнете́нных сле́зы го́рькия в суде́х узре́вый; ра́дуйся, от творя́щих беззако́ния уклони́выйся.

Ра́дуйся, пути́ незло́бия спаси́тельнаго взыска́вый; ра́дуйся, по успе́нии ма́тере в пусты́ню заключи́выйся.

Ра́дуйся, та́мо за роди́тели преста́вльшияся Бо́гови усе́рдно моли́выйся; ра́дуйся, я́ко ти́и дне́сь, со Влады́чицею и святы́ми лику́юще, от земноро́дных велича́ются и хва́лятся.

Ра́дуйся, святи́телю вели́кий Иоа́нне Златоу́сте.

Конда́к 3.

Си́лы, во е́же сло́вом и де́лом Христу́ рабо́тати, стяжа́л еси́, Иоа́нне, а́ки тезоиме́нный ти́ Предте́ча, в пусты́ни. Та́мо бо, посто́м стра́сти плотски́я умертви́в, моли́твою ду́х окрили́л еси́ и́, я́ко во́ин, проти́ву кня́зя вла́сти возду́шныя во вся́ ору́жия Бо́жия обле́клся еси́, со упова́нием поя́ Бо́гу кре́пкому: Аллилу́иа.

И́кос 3.

Име́я власяни́цу и по́яс усме́н о чре́слех, Крести́теля Христо́ва ревни́телю, бы́лием пита́лся еси́, Иоа́нне, в пусты́ни, из нея́же, я́ко му́ж си́лы испо́лнь, изше́л еси́. Те́мже вопие́м ти́:

Ра́дуйся, воздержа́нием Илии́ Проро́ку уподо́бивыйся; ра́дуйся, нищеты́ Христо́вы подража́телю.

Ра́дуйся, целому́дрием неможе́ние телесе́ укрепи́вый; ра́дуйся, богомы́слием уны́ние отгна́вый.

Ра́дуйся, па́мятию всеве́дения Бо́жия се́рдце непоро́чно соблюды́й; ра́дуйся, бде́нием ко́зни бесо́вския посрами́вый.

Ра́дуйся, искуше́ния са́м победи́вый и ины́я последи́ тому́жде научи́вый; ра́дуйся, в де́лании духо́внем подвиза́ющихся му́дрый укрепи́телю.

Ра́дуйся, дру́га твоего́ Фео́дора от паде́ния грехо́внаго удержа́вый; ра́дуйся, дру́га твоего́ епи́скопа Васи́лия во служе́нии утверди́вый.

Ра́дуйся, от ми́ра изгна́нным приста́нища ти́хаго указа́телю; ра́дуйся, и́ноческаго жития́ защи́тниче.

Ра́дуйся, святи́телю вели́кий Иоа́нне Златоу́сте.

Конда́к 4.

Бу́рю искуше́ний но́вую победи́л еси́, Иоа́нне, в пеще́ре еди́н всели́вся; боле́зни же ра́ди из пусты́ни изше́д во Антиохи́ю, от свята́го Меле́тия во диа́кона поста́влен бы́л еси́ и попече́нию о неиму́щих ре́вностно преда́лся еси́. Е́же ви́дяще, ве́рнии ра́достно поя́ху Бо́гови: Аллилу́иа.

И́кос 4.

Слы́шав от ве́рных о тебе́ ре́чи хвале́бныя, святы́й Флавиа́н по достоя́нию благода́ть свяще́нства низведе́ на тя́, Иоа́нне. Те́мже лю́дие антиохи́йстии веселя́хуся и, труды́ твоя́ пра́ведно чту́ще, та́ко тя́ велича́ху:

Ра́дуйся, о себе́ попече́ние вся́кое отверги́й; ра́дуйся, убо́гим покро́ве.

Ра́дуйся, те́плое си́рым прибе́жище; ра́дуйся, скорбе́й утоли́телю.

Ра́дуйся, о людски́х неве́жествиих печа́льниче; ра́дуйся, де́вственнаго жития́ сладкогла́сный ублажа́телю.

Ра́дуйся, мно́ги иуде́и просвети́вый; ра́дуйся, иска́вшия спасе́ния пра́вым уче́нием оглаша́вый.

Ра́дуйся, житие́м твои́м сего́ уче́ния не посрами́вый; ра́дуйся, благоче́стия свети́льниче.

Ра́дуйся, апо́столом единонра́вниче; ра́дуйся, я́ко пра́ведно даде́ся ти́ жре́бий па́стырскаго о душа́х попече́ния.

Ра́дуйся, святи́телю вели́кий Иоа́нне Златоу́сте.

Конда́к 5.

Богото́чною кро́вию от ве́чныя сме́рти искупле́нныя соблюда́я, егда́ са́н свяще́нства прия́л еси́, Иоа́нне, де́ло благове́стника трезвя́ся до́бре сотвори́л еси́, облича́я, запреща́я, умоля́я со вся́ким долготерпе́нием и уче́нием и поя́ Бо́гу: Аллилу́иа.

И́кос 5.

Ви́дя нестрое́ния во гра́де, скорбя́ же о се́м, поко́я не позна́л еси́, Иоа́нне, неве́рныя бо благове́стием оглаша́л еси́, ве́рныя же та́инствы церко́вными освяща́я и та́йнам ве́ры уча́, досто́йно стяжа́л еси́ и́мя Злата́я уста́, слы́шав от все́х сицева́я:

Ра́дуйся, па́стырю до́брый; ра́дуйся, святы́м креще́нием мно́га ча́да Це́ркви Христо́ве породи́вый.

Ра́дуйся, пома́занием ми́ра печа́ть да́ра Ду́ха Свята́го те́м дарова́вый; ра́дуйся, святе́йшия Трапе́зы предстоя́телю умиле́нный.

Ра́дуйся, пи́щею нетле́ния ча́да твоя́ пита́вый; ра́дуйся, покая́нием серде́ц очисти́телю.

Ра́дуйся, супру́жеств о Го́споде сочета́телю; ра́дуйся, еле́а пома́занием цели́телю.

Ра́дуйся, сло́ва Бо́жия нело́жный истолкова́телю; ра́дуйся, ересе́й мо́щный обличи́телю.

Ра́дуйся, глубо́кий кла́дязю и́стиннаго богосло́вия; ра́дуйся, я́ко притяжа́л еси́ па́ствы сердца́, любве́ к тебе́ испо́лненная.

Ра́дуйся, святи́телю вели́кий Иоа́нне Златоу́сте.

Конда́к 6.

Пропове́дник покая́ния наипа́че яви́лся еси́, Иоа́нне, егда́ лю́дие антиохи́йстии, царя́ подо́бие низве́ргше, гне́ву того́ досто́йно подпадо́ша. Бо́жиим бо милосе́рдием утеша́я, ко исправле́нию жития́ словесы́ твои́ми вле́кл еси́ вся́, во е́же се́рдцем чи́стым пе́ти Бо́гу: Аллилу́иа.

И́кос 6.

Возсия́ Антиохи́я ра́достию, егда́ по словеси́ твоему́ беззако́ния своя́ опла́кавши, царе́во проще́ние получи́. Оба́че ско́рбию омрачи́ся вско́ре, с тобо́ю разлуча́ема: во архиепи́скопа бо Царюгра́ду при́зван бы́л еси́, Иоа́нне. Те́мже тебе́ вопие́м:

Ра́дуйся, а́ки Иса́ия, скорбьми́ гра́да оте́ческаго поболе́вый; ра́дуйся, а́ки Иереми́я, злонра́вие людско́е опла́кавый.

Ра́дуйся, а́ки Иезеки́иль, беззако́нники ко обраще́нию призыва́вый; ра́дуйся, мо́лние, горды́ню низложи́вшая.

Ра́дуйся, гро́ме, беззако́нно жи́вшия устраши́вый; ра́дуйся, корыстолю́бия обличи́телю.

Ра́дуйся, па́губу тщесла́вия показа́вый; ра́дуйся, сту́днаго е́ллинскаго многобо́жия посрами́телю.

Ра́дуйся, смяте́нных серде́ц умири́телю; ра́дуйся, споспе́шниче епи́скопу Флавиа́ну, ста́рцу пра́ведному.

Ра́дуйся, со пустынножи́тели ца́рския приста́вники на ми́лость преклони́вый; ра́дуйся, Ио́не, Ниневи́ю спа́сшему, ра́вный.

Ра́дуйся, святи́телю вели́кий Иоа́нне Златоу́сте.

Конда́к 7.

Хотя́ це́рковь Царегра́дскую, а́ки неве́сту Христо́ву, досто́йно украси́ти, во благоле́пие вся́ приве́л еси́, Иоа́нне. Всено́щными бо бде́нии от сбо́рищ ариа́нских ве́рныя отврати́л еси́ и чи́н Боже́ственныя Литурги́и му́дре устро́ил еси́, я́ко благово́нное ми́ро, источи́в моли́твы, и́миже назида́ющеся, о тебе́ Бо́гови пое́м: Аллилу́иа.

И́кос 7.

Но́вое зна́мение ми́лости Бо́жия бы́сть о тебе́, святи́телю: моли́твами бо твои́ми ве́рнии все́х време́н, Бо́гови бесе́дующе, во спасе́ние умудря́ются. Приими́ у́бо от на́с сицевы́я хвалы́:

Ра́дуйся, а́ки Дави́д, словесы́ моли́твенными Це́рковь Бо́жию обогати́вый; ра́дуйся, а́ки бра́т Бо́жий Иа́ков, чи́н Боже́ственныя Литурги́и написа́вый.

Ра́дуйся, в то́мже Вели́кому Васи́лию подража́вый; ра́дуйся, Ду́ха Свята́го прия́телище.

Ра́дуйся, тобо́ю бо Ду́х Святы́й написа́ словеса́ спаси́тельная; ра́дуйся, я́ко моли́твами твои́ми, от сна́ воста́вше, Отца́ благодари́м.

Ра́дуйся, я́ко твои́ми словесы́, ко сну́ гряду́ще, от Ду́ха Свята́го прегреше́ний оставле́ния про́сим; ра́дуйся, я́ко усты́ твои́ми Сы́на Бо́жия умоля́ем, да не в су́д прича́стие Боже́ственных Та́ин прии́мем.

Ра́дуйся, ра́бе Бо́жий, уничиже́нныя на ве́черю Христо́ву глаша́яй; ра́дуйся, пропове́дниче Распя́таго на кресте́ за мирски́й живо́т и спасе́ние.

Ра́дуйся, я́ко в сло́во твое́, а́ки в ри́зы позлаще́ны, та́йны ве́ры оде́яшася; ра́дуйся, песнотво́рче и вити́я ди́вный.

Ра́дуйся, святи́телю вели́кий Иоа́нне Златоу́сте.

Конда́к 8.

Стра́нник во юдо́ли земне́й бы́в, смире́ния, воздержа́ния и чистоты́ о́браз показа́л еси́, Иоа́нне, житие́м во ца́рствующем гра́де: та́мо бо оби́тели и́ноческия обнови́л и созда́л еси́ и уста́вы жития́ мона́шескаго да́л еси́ де́вам непоро́чным; от ни́хже, а́ки фимиа́м благово́нный, вознесе́ся Бо́гови пе́снь вели́кая: Аллилу́иа.

И́кос 8.

Все́ю душе́ю Христо́ви рабо́тая, челове́ком угожда́ти не восхоте́л еси́, Иоа́нне. Имени́тым бо ве́чери устроя́ти преста́в, убо́гим трапе́зы умно́жил еси́, странноприи́мницы же и безме́здныя враче́бницы неду́жным созда́в, научи́л еси́ пе́ти тебе́:

Ра́дуйся, Никола́я, святи́теля Мирлики́йскаго, соревнова́телю; ра́дуйся, стяжа́вый смире́нием высо́кая.

Ра́дуйся, приобреты́й нището́ю бога́тая; ра́дуйся, си́ми доброде́тельми и́ноком о́браз бы́вый.

Ра́дуйся, гла́дных пита́телю; ра́дуйся, а́ки Авраа́м, стра́нныя приима́вый.

Ра́дуйся, безприю́тных сиро́т прия́телище; ра́дуйся, безпомо́щных ста́рцев и ста́риц попечи́телю.

Ра́дуйся, избы́тки своя́ неиму́щим расточи́вый; ра́дуйся, я́ко коему́ждо в го́рестех, а́ки а́нгел уте́шитель, явля́лся еси́.

Ра́дуйся, ру́ки бога́тых на благодея́ния отверза́вый; ра́дуйся, я́ко о глубине́ милосе́рдия твоего́ Ма́ти Бо́жия возра́довася.

Ра́дуйся, святи́телю вели́кий Иоа́нне Златоу́сте.

Конда́к 9.

Вся́к язы́к спасти́ хотя́, пропове́дники Ева́нгелия ко ски́фом, пра́отцем на́шим, посла́л еси́, Иоа́нне, из Константи́на гра́да, в не́мже хра́м во и́мя Апо́стола Па́вла созда́л еси́ го́тфом, да и ти́и, е́ресь а́риеву отве́ргше, правосла́вными усты́ пою́т Бо́гови: Аллилу́иа.

И́кос 9.

Вити́и правосла́вия к неве́рным посла́в, к це́рквам ве́рных, во Аси́и су́щим, са́м подви́глся еси́, Иоа́нне, и ты́я посеща́я, неради́выя облича́я, усе́рдныя же похваля́я, вся́ смотри́тельне устро́ил еси́. Те́мже тя́ сла́вим:

Ра́дуйся, правосла́вия свети́ло; ра́дуйся, па́стырю до́брый, о заблу́ждших овца́х попеки́йся.

Ра́дуйся, я́ко в земли́ ски́фстей дне́сь и́мя твое́ прославля́ется; ра́дуйся, я́ко во и́мя твое́ це́ркви Бо́жия зде́ воздвиза́ются.

Ра́дуйся, служе́ния апо́стольскаго прича́стниче; ра́дуйся, по словеси́ Апо́стола Петра́ ста́до Бо́жие пасы́й.

Ра́дуйся, не ну́ждею, но во́лею и по Бо́зе сие́ посеща́вый; ра́дуйся, мздои́мства тве́рдый искорени́телю.

Ра́дуйся, пра́вил церко́вных нелицеприя́тный блюсти́телю; ра́дуйся, лени́выя рабы́ пра́ведно изгна́вый.

Ра́дуйся, я́ко во благо́е труди́вшиися от тебе́ похвали́шася и укрепи́шася; ра́дуйся, Це́ркве испы́танный упра́вителю.

Ра́дуйся, святи́телю вели́кий Иоа́нне Златоу́сте.

Конда́к 10.

Спасе́нию па́ствы твоея́ служи́ти не преста́л еси́, Иоа́нне, от Аси́и в Царьгра́д возврати́вся. Егда́ же цари́цы и имени́тых злонра́вное житие́ облича́ти безбоя́зненне нача́л еси́, ско́рби мно́ги прия́л еси́; тобо́ю бо облича́емии, не могу́ще а́бие я́ве загради́ти пра́ведная уста́ твоя́, та́йно ко́вы де́яху, во е́же погуби́ти тя́, чи́сте Бо́гови взыва́юща: Аллилу́иа.

И́кос 10.

Стена́ неви́нно гони́мым и́ноком яви́лся еси́, Иоа́нне: сего́ ра́ди я́ве обнажи́ся зло́ба ве́лия, ю́же врази́ на тя́ име́яху. Льсти́вый бо Фео́фил со цари́цею нечести́во на собо́рищи оболга́ и низложи́ тя́, не помяну́в трудо́в твои́х во бла́го оте́чествия. Мы́ же сия́ благода́рне воспомина́ем, глаго́люще:

Ра́дуйся, ди́вную любо́вь ко оте́честву земно́му показа́вый; ра́дуйся, Царягра́да от ва́рварскаго наше́ствия свободи́телю.

Ра́дуйся, Гаи́ны, гро́знаго вождя́ го́тфскаго, укроти́телю; ра́дуйся, ми́лостей дре́вних, Це́ркви царьми́ дарова́нных, охрани́телю.

Ра́дуйся, Евтро́пию вла́стному убе́жище церко́вное отъя́ти не попуска́вый; ра́дуйся, последи́ в се́м убе́жищи того́жде Евтро́пия гони́ма спасы́й.

Ра́дуйся, огражде́ния ра́ди нитри́йских и́ноков непра́вды собо́рища беззако́ннаго кро́тце претерпе́вый; ра́дуйся, я́ко сло́во Писа́ния «любы́ долготерпи́т», на тебе́ оправда́ся.

Ра́дуйся, ополча́тися за тя́ при́сным воспрети́вый; ра́дуйся, меча́ проти́ву враго́в не подъе́мый.

Ра́дуйся, власте́м повину́выйся и сего́ ра́ди во́лею в ру́ки во́инов но́щию преда́выйся; ра́дуйся, из оте́чествия пра́вды ра́ди изгна́нный.

Ра́дуйся, святи́телю вели́кий Иоа́нне Златоу́сте.

Конда́к 11.

Пе́нием ра́достным измени́ся вско́ре пла́чь па́ствы твоея́, до́блий страда́льче: во изгна́ние бо влеко́му ти́, внеза́пу гро́м возгреме́, мо́лния возблиста́ и, ве́тром шумя́щим, земля́ поколеба́ся. Я́же ви́дящи и трепе́щущи, цари́ца раска́яся и че́стне тя́ возврати́, смире́нно вопию́щи Бо́гу: Аллилу́иа.

И́кос 11.

Све́тлую правосла́вия свещу́, сугу́бо цари́ца возненави́де тя́ вско́ре, егда́ обличи́л еси́ ю́, подо́бие свое́ бли́з хра́ма поста́вльшую: сего́ ра́ди, втори́цею осужде́нный, в Куку́зе, ве́си да́льней и ма́лей, заточе́н бы́л еси́, Иоа́нне. Приими́ у́бо от на́с сицевы́я хвалы́:

Ра́дуйся, по словеси́ Иереми́ину от ю́ности яре́м Бо́жий подъе́мый; ра́дуйся, по глаго́лу Христо́ву, ру́ку де́лания на ра́ло духо́вное возложи́вый.

Ра́дуйся, до конца́ вспя́ть не отврати́выйся; ра́дуйся, проти́ву цари́цы злонра́вныя возгреме́вый.

Ра́дуйся, то́ю, а́ки Крести́тель Иродиа́дою, возненави́денный; ра́дуйся, от уби́йц незри́мо а́нгелом спасе́нный.

Ра́дуйся, в дому́ твое́м любо́вию па́ствы твоея́ храни́мый; ра́дуйся, клевре́тми непра́ведных суде́й уничиже́нный.

Ра́дуйся, в заточе́ние со смире́нием безро́потно ше́дый; ра́дуйся, ве́рными опла́канный.

Ра́дуйся, за Го́спода распя́таго изъязвле́нный и зауше́нный; ра́дуйся, я́ко му́ченицы со Предте́чею на небесе́х о терпе́нии твое́м ликова́ху.

Ра́дуйся, святи́телю вели́кий Иоа́нне Златоу́сте.

Конда́к 12.

Благода́ть Бо́жия и во изгна́нии соблюда́ше тя́, Иоа́нне, та́мо бо, а́ки Па́вел святы́й во у́зах, финики́яном и пе́рсом Ева́нгелие возвеща́л еси́, посла́ньми ве́рныя утеша́я. И та́ко упа́сл еси́ Це́рковь да́же до дне́, во́ньже злата́я уста́ твоя́ изреко́ша словеса́ после́дняя: Сла́ва Бо́гу за вся́! Душа́ же твоя́ на небеса́ пренесена́ бы́сть святы́ми А́нгелы, побе́дне вопию́щими: Аллилу́иа.

И́кос 12.

Пою́ще ра́достно, ве́рнии пренесо́ша святы́я мо́щи твоя́, Иоа́нне, в Царьгра́д, отню́дуже сла́ва твоя́ про́йде до после́дних земли́ и обы́де всю́ вселе́нную, уча́щи все́х пе́ти тебе́ си́це:

Ра́дуйся, стра́нниче, во оте́чествие небе́сное вше́дый; ра́дуйся, все́х церкве́й моли́твами напу́тствованный.

Ра́дуйся, на пути́ в Пифиу́нт да́льний в Кома́нех тече́ние сконча́вый; ра́дуйся, я́ко кончи́ну ти́ предрече́ священному́ченик Васили́ск.

Ра́дуйся, от сего́ услы́шавый: Бра́те, зау́тра ку́пно обря́щемся; ра́дуйся, Святы́х Та́ин прия́тием к восхожде́нию в ра́й укрепи́выйся.

Ра́дуйся, я́ко душа́ твоя́ от многотру́днаго телесе́ ти́хо разлучи́ся; ра́дуйся, я́ко тле́ние не прикосну́ся косте́м твои́м.

Ра́дуйся, я́ко на си́х во хра́мех Же́ртва Безкро́вная дне́сь возно́сится; ра́дуйся, небе́сных высо́т обита́телю, све́том невече́рним осия́нный.

Ра́дуйся, я́ко со святы́ми Васи́лием Вели́ким и Григо́рием Богосло́вом я́влься, восхваля́ти тя́ ку́пно со о́неми вся́ научи́л еси́; ра́дуйся, сла́во Це́ркве вселе́нския.

Ра́дуйся, святи́телю вели́кий Иоа́нне Златоу́сте.

Конда́к 13.

О святи́телю вели́кий Иоа́нне Златоу́сте! При́зри с небе́сных высо́т на ны́, до́лу пове́рженныя, и прие́м сие́ от любве́ на́шея приноси́мое ти́ хвале́ние, умоли́ Го́спода Бо́га, да излие́т на ны́ благода́ть Свою́, немощна́я врачу́ющую, су́щия во правосла́вии укрепи́т, отпа́дшия же от Це́ркве па́ки в ло́но тоя́ приведе́т, благоутро́бием Свои́м оскудева́ющая восполня́я, и все́х сподо́бит с тобо́ю и все́ми святы́ми пе́ти Ему́ во ве́ки: Аллилу́иа.

Этот конда́к читается трижды, затем и́кос 1-й и конда́к 1-й.

Моли́тва.

О святи́телю вели́кий Иоа́нне Златоу́сте! Мно́гая и разли́чная дарова́ния от Го́спода прия́л еси́ и́, я́ко ра́б благи́й и ве́рный, вся́ да́нныя тебе́ тала́нты до́бре умно́жил еси́: сего́ ра́ди вои́стинну вселе́нский учи́тель бы́л еси́, я́ко вся́к во́зраст и вся́ко зва́ние от тебе́ поуча́ется. Ты́ еси́ отроко́м – послуша́ния о́браз, ю́ным – целому́дрия свети́ло, муже́м – трудолю́бия наста́вник, ста́рым – незло́бия учи́тель, и́ноком – воздержа́ния пра́вило, моля́щимся – во́ждь от Бо́га вдохнове́нный, му́дрости и́щущим – ума́ просвети́тель, вити́ям доброглаго́ливым – сло́ва жива́го исто́чник неисчерпа́емый, благотворя́щим – милосе́рдия звезда́, нача́льствующим – правле́ния му́драго о́браз, пра́вды ревни́телем – дерзнове́ния вдохнови́тель, пра́вды ра́ди гони́мым – терпе́ния наста́вник: все́м вся́ бы́л еси́, да вся́ко не́кия спасе́ши. Над все́ми же си́ми стяжа́л еси́ любо́вь, я́же е́сть соу́з соверше́нства, и то́ю, я́ко си́лою Боже́ственною, вся́ дарова́ния во еди́нем лице́ твое́м во еди́но совокупи́л еси́ и ту́южде любо́вь, разделе́нная примиря́ющую, в толкова́нии слове́с апо́стольских все́м ве́рным пропове́дал еси́. Мы́ же гре́шнии, по еди́ному ки́йждо свое́ дарова́ние иму́ще, едине́ния ду́ха в сою́зе ми́ра не и́мамы, быва́ем тщесла́вни, дру́г дру́га раздража́юще, дру́г дру́гу зави́дяще; сего́ ра́ди дарова́ния на́ша разделе́нная не в ми́р и спасе́ние, но во вражду́ и осужде́ние на́м явля́ются. Те́мже к тебе́, святи́телю Бо́жий, припа́даем, раздо́ром обурева́еми, и в сокруше́нии се́рдца про́сим: моли́твами твои́ми отжени́ от серде́ц на́ших вся́ку го́рдость и за́висть, на́с разделя́ющия, да во мно́зех у́дех еди́но те́ло церко́вное бу́дем, да по словеси́ твоему́ моли́твенному возлю́бим дру́г дру́га и единомы́слием испове́мы Отца́ и Сы́на и Свята́го Ду́ха, Тро́ицу Единосу́щную и Неразде́льную, ны́не и при́сно и во ве́ки веко́в. Ами́нь.

Видео:Акафист святителю Иоанну Златоустому, Акафист и молитва Иоанну ЗлатоустуСкачать

Православные молитвы ☦

Видео:Акафист святителю Иоанну Златоусту (с текстом)Скачать

Акафист святителю Иоанну Златоусту

(об укреплении веры, о вразумлении от бесов, о материальном благополучии, от детской немоты)

Оглавление:

Видео:26 ноября. Акафист святителю Иоанну ЗлатоустуСкачать

Кондак 1

Возбранный вождю Церкве Христовы, златословесный учителю Иоанне! От юности добродетельми украсився, добре потрудился еси, и за имя Христово гонение претерпев, во изгнании житие скончал еси: сего ради на небесех сугубо прославлен еси, мудрый чина Церковнаго устроителю. Темже и мы умиленне чтим тя, зовуще:

Радуйся, святителю великий Иоанне Златоусте.

Видео:Акафист святителю Иоанну ЗлатоустуСкачать

Икос 1

Ангельский образ нося, во плоти аки безплотен пожил еси, Иоанне; во спасение бо братий многия труды подъемля, делы добрыми Отца Небеснаго прославил еси. Темже ти глаголем:

Радуйся, Церкве Православныя украшение; радуйся, родителей именитых чадо благословенное.

Радуйся, еще во отрочестве от матере твоея любовию ко слову Божию напоенный; радуйся, от юности разум игу Христову покоривый.

Радуйся, Богови усердно послуживый; радуйся, вселенныя учителю.

Радуйся, христиан всех времен в молитвах наставниче; радуйся, жития иноческаго в Цареграде обновителю.

Радуйся, готфов и скифов просветителю; радуйся, богоукрепленный правды ревнителю.

Радуйся, вшедый в радость Господа твоего; радуйся, усердный о нас предстателю.

Радуйся, святителю великий Иоанне Златоусте.

Видео:Молитва святителю Иоанну ЗлатоустуСкачать

Кондак 2

Видя Христос родителей твоих Секунда и Анфусы житие чистое, благоволи я прославити, и тя, Иоанне, има во утешение дарова; да вернии, добродетели твоя поминающе, превозносят чету праведную, тя израстившую, и, той ревнующе, поют Богови: Аллилуиа.

Видео:Иоанна Златоуста. #АкафистСкачать

Икос 2

Разум учением умудривый, сердцем же во благочестии от младости воспитанный, радость и утешение был еси, Иоанне, матери твоей, егда супруга своего и дщере лишися. Темже приносим тебе хвалы сицевыя:

Радуйся, отроком звездо благонравия; радуйся, ангела хранителя увеселение.

Радуйся, яко того николиже опечалил еси; радуйся, присных любимиче.

Радуйся, во учении преспевавый и тем мудрецы мира сего удививый; радуйся, яко, еще ученик сый, Анфимия богохульника посрамил и вразумил еси.

Радуйся, угнетенных слезы горькия в судех узревый; радуйся, от творящих беззакония уклонивыйся.

Радуйся, пути незлобия спасительнаго взыскавый; радуйся, по успении матере в пустыню заключивыйся.

Радуйся, тамо за родители преставльшияся Богови усердно моливыйся; радуйся, яко тии днесь, со Владычицею и святыми ликующе, от земнородных величаются и хвалятся.

Радуйся, святителю великий Иоанне Златоусте.

Видео:24 молитвы Иоанна Златоуста на каждый часСкачать

Кондак 3

Силы, во еже словом и делом Христу работати, стяжал еси, Иоанне, аки тезоименный ти Предтеча, в пустыни. Тамо бо, постом страсти плотския умертвив, молитвою дух окрилил еси и, яко воин, противу князя власти воздушныя во вся оружия Божия облеклся еси, со упованием поя Богу крепкому: Аллилуиа.

Видео:Молитва Иоанна Златоуста перед выходом из домаСкачать

Икос З

Имея власяницу и пояс усмен о чреслех, Крестителя Христова ревнителю, былием питался еси, Иоанне, в пустыни, из неяже, яко муж силы исполнь, изшел еси. Темже вопием ти:

Радуйся, воздержанием Илии Пророку уподобивыйся; радуйся, нищеты Христовы подражателю.

Радуйся, целомудрием неможение телесе укрепивый; радуйся, богомыслием уныние отгнавый.

Радуйся, памятию всеведения Божия сердце непорочно соблюдый; радуйся, бдением козни бесовския посрамивый.

Радуйся, искушения сам победивый и иныя последи томужде научивый; радуйся, в делании духовнем подвизающихся мудрый укрепителю.

Радуйся, друга твоего Феодора от падения греховнаго удержавый; радуйся, друга твоего епископа Василия во служении утвердивый.

Радуйся, от мира изгнанным пристанища тихаго указателю; радуйся, иноческаго жития защитниче.

Радуйся, святителю великий Иоанне Златоусте.

Видео:Молитва Иоанну Златоусту о помощиСкачать

Кондак 4

Бурю искушений новую победил еси, Иоанне, в пещере един вселився; болезни же ради из пустыни изшед во Антиохию, от святаго Мелетия во диакона поставлен был еси и попечению о неимущих ревностно предался еси. Еже видяще, вернии радостно пояху Богови: Аллилуиа.

Видео:Молитва Иоанну Златоусту (аудио молитва с текстом и иконами)Скачать

Икос 4

Слышав от верных о тебе речи хвалебныя, святый Флавиан по достоянию благодать священства низведе на тя, Иоанне. Темже людие антиохийстии веселяхуся и, труды твоя праведно чтуще, тако тя величаху:

Радуйся, о себе попечение всякое отвергий; радуйся, убогим покрове.

Радуйся, теплое сирым прибежище; радуйся, скорбей утолителю.

Радуйся, о людских невежествиих печальниче; радуйся, девственнаго жития сладкогласный ублажателю.

Радуйся, многи иудеи просветивый; радуйся, искавшия спасения правым учением оглашавый.

Радуйся, житием твоим сего учения не посрамивый; радуйся, благочестия светильниче.

Радуйся, апостолом единонравниче; радуйся, яко праведно дадеся ти жребий пастырскаго о душах попечения.

Радуйся, святителю великий Иоанне Златоусте.

Видео:Акафист Пророку Предтече и Крестителю Господню Иоанну.Скачать

Кондак 5

Боготочною кровию от вечныя смерти искупленныя соблюдая, егда сан священства приял еси, Иоанне, дело благовестника трезвяся добре сотворил еси, обличая, запрещая, умоляя со всяким долготерпением и учением и поя Богу: Аллилуиа.

Видео:Молитва Иоанну Златоусту аудио молитва с текстом и иконамиСкачать

Икос 5

Видя нестроения во граде, скорбя же о сем, покоя не познал еси, Иоанне, неверныя бо благовестием оглашал еси, верныя же таинствы церковными освящая и тайнам веры уча, достойно стяжал еси имя Златая уста, слышав от всех сицевая:

Радуйся, пастырю добрый; радуйся, святым крещением многа чада Церкви Христове породивый.

Радуйся, помазанием мира печать дара Духа Святаго тем даровавый; радуйся, святейшия Трапезы предстоятелю умиленный.

Радуйся, пищею нетления чада твоя питавый; радуйся, покаянием сердец очистителю.

Радуйся, супружеств о Господе сочетателю; радуйся, елеа помазанием целителю.

Радуйся, слова Божия неложный истолкователю; радуйся, ересей мощный обличителю.

Радуйся, глубокий кладязю истиннаго богословия; радуйся, яко притяжал еси паствы сердца, любве к тебе исполненная.

Радуйся, святителю великий Иоанне Златоусте.

Видео:Молитва Иоанну Златоусту - О вразумленииСкачать

Кондак 6

Проповедник покаяния наипаче явился еси, Иоанне, егда людие антиохийстии, царя подобие низвергше, гневу того достойно подпадоша. Божиим бо милосердием утешая, ко исправлению жития словесы твоими влекл еси вся, во еже сердцем чистым пети Богу: Аллилуиа.

Видео:Акафист святителю Иоанну, архиепископу Шанхайскому и Сан Францисскому, чудотворцу.Скачать

Икос 6

Возсия Антиохия радостию, егда по словеси твоему беззакония своя оплакавши, царево прощение получи. Обаче скорбию омрачися вскоре, с тобою разлучаема: во архиепископа бо Царюграду призван был еси, Иоанне. Темже тебе вопием:

Радуйся, аки Исаия, скорбьми града отеческаго поболевый; радуйся, аки Иеремия, злонравие людское оплакавый.

Радуйся, аки Иезекииль, беззаконники ко обращению призывавый; радуйся, молние, гордыню низложившая.

Радуйся, громе, беззаконно жившия устрашивый; радуйся, корыстолюбия обличителю.

Радуйся, пагубу тщеславия показавый; радуйся, студнаго еллинскаго многобожия посрамителю.

Радуйся, смятенных сердец умирителю; радуйся, споспешниче епископу Флавиану, старцу праведному.

Радуйся, со пустынножители царския приставники на милость преклонивый; радуйся, Ионе, Ниневию спасшему, равный.

Радуйся, святителю великий Иоанне Златоусте.

Видео:Тропарь Иоанну Златоусту (аудио молитва с текстом и иконами)Скачать

Кондак 7

Хотя церковь Цареградскую, аки невесту Христову, достойно украсити, во благолепие вся привел еси, Иоанне. Всенощными бо бдении от сборищ арианских верныя отвратил еси и чин Божественныя Литургии мудре устроил еси, яко благовонное миро, источив молитвы, имиже назидающеся, о тебе Богови поем: Аллилуиа.

Видео:Кондак Иоанну Златоусту аудио молитва с текстом и иконамиСкачать

Икос 7

Новое знамение милости Божия бысть о тебе, святителю: молитвами бо твоими вернии всех времен, Богови беседующе, во спасение умудряются. Приими убо от нас сицевыя хвалы:

Радуйся, аки Давид, словесы молитвенными Церковь Божию обогативый; радуйся, аки брат Божий Иаков, чин Божественныя Литургии написавый.

Радуйся, в томже Великому Василию подражавый; радуйся, Духа Святаго приятелище.

Радуйся, тобою бо Дух Святый написа словеса спасительная; радуйся, яко молитвами твоими, от сна воставше, Отца благодарим.

Радуйся, яко твоими словесы, ко сну грядуще, от Духа Святаго прегрешений оставления просим; радуйся, яко усты твоими Сына Божия умоляем, да не в суд причастие Божественных Таин приимем.

Радуйся, рабе Божий, уничиженныя на вечерю Христову глашаяй; радуйся, проповедниче Распятаго на кресте за мирский живот и спасение.

Радуйся, яко в слово твое, аки в ризы позлащены, тайны веры одеяшася; радуйся, песнотворче и вития дивный.

Радуйся, святителю великий Иоанне Златоусте.

Видео:Акафист святителю Иоанну, архиепископу Константина града, Златоустому.Скачать

Кондак 8

Странник во юдоли земней быв, смирения, воздержания и чистоты образ показал еси, Иоанне, житием во царствующем граде: тамо бо обители иноческия обновил и создал еси и уставы жития монашескаго дал еси девам непорочным; от нихже, аки фимиам благовонный, вознесеся Богови песнь великая: Аллилуиа.

Видео:Акафист молитва Иоанну Воину мученикуСкачать

Икос 8

Всею душею Христови работая, человеком угождати не восхотел еси, Иоанне. Именитым бо вечери устрояти престав, убогим трапезы умножил еси, странноприимницы же и безмездныя врачебницы недужным создав, научил еси пети тебе:

Радуйся, Николая, святителя Мирликийскаго, соревнователю; радуйся, стяжавый смирением высокая.

Радуйся, приобретый нищетою богатая; радуйся, сими добродетельми иноком образ бывый.

Радуйся, гладных питателю; радуйся, аки Авраам, странныя приимавый.

Радуйся, безприютных сирот приятелище; радуйся, безпомощных старцев и стариц попечителю.

Радуйся, избытки своя неимущим расточивый; радуйся, яко коемуждо в горестех, аки ангел утешитель, являлся еси.

Радуйся, руки богатых на благодеяния отверзавый; радуйся, яко о глубине милосердия твоего Мати Божия возрадовася.

Радуйся, святителю великий Иоанне Златоусте.

Видео:Акафист Пророку, Предтече и Крестителю Господню Иоанну (с текстом)Скачать

Кондак 9

Всяк язык спасти хотя, проповедники Евангелия ко скифом, праотцем нашим, послал еси, Иоанне, из Константина града, в немже храм во имя Апостола Павла создал еси готфом, да и тии, ересь ариеву отвергше, православными усты поют Богови: Аллилуиа.

Икос 9

Витии православия к неверным послав, к церквам верных, во Асии сущим, сам подвиглся еси, Иоанне, и тыя посещая, нерадивыя обличая, усердныя же похваляя, вся смотрительне устроил еси. Темже тя славим:

Радуйся, православия светило; радуйся, пастырю добрый, о заблуждших овцах попекийся.

Радуйся, яко в земли скифстей днесь имя твое прославляется; радуйся, яко во имя твое церкви Божия зде воздвизаются.

Радуйся, служения апостольскаго причастниче; радуйся, по словеси Апостола Петра стадо Божие пасый.

Радуйся, не нуждею, но волею и по Бозе сие посещавый; радуйся, мздоимства твердый искоренителю.

Радуйся, правил церковных нелицеприятный блюстителю; радуйся, ленйвыя рабы праведно изгнавый.

Радуйся, яко во благое трудившиися от тебе похвалишися и укрепишася; радуйся, Церкве испытанный управителю.

Радуйся, святителю великий Иоанне Златоусте.

Кондак 10

Спасению паствы твоея служити не престал еси, Иоанне, от Асии в Царьград возвратився. Егдаже царицы и именитых злонравное житие обличати безбоязненне начал еси, скорби многи приял еси; тобою бо обличаемии, не могуще абие яве заградити праведная уста твоя, тайно ковы деяху, во еже погубити тя, чисте Богови взывающа: Аллилуиа.

Икос 10

Стена невинно гонимым иноком явился еси, Иоанне: сего ради яве обнажися злоба велия, юже врази на тя имеяху. Льстивый бо Феофил со царицею нечестиво на соборищи оболга и низложи тя, не помянув трудов твоих во благо отечествия. Мы же сия благодарне воспоминаем, глаголюще:

Радуйся, дивную любовь ко отечеству земному показавый; радуйся, Царяграда от варварскаго нашествия свободителю.

Радуйся, Гаины, грознаго вождя готфскаго, укротителю; радуйся, милостей древних, Церкви царьми дарованных, охранителю.

Радуйся, Евтропию властному убежище церковное отъяти не попускавый; радуйся, последи в сем убежищи тогожде Евтропия гонима спасый.

Радуйся, ограждения ради нитрийских иноков неправды соборища беззаконнаго кротце претерпевый; радуйся, яко слово Писания «любы долго терпит», на тебе оправдася.

Радуйся, ополчатися за тя присным воспретивый; радуйся, меча противу врагов не подъемый.

Радуйся, властем повинувыйся и сего ради волею в руки воинов нощию предавыйся; радуйся, из отечествия правды ради изгнанный.

Радуйся, святителю великий Иоанне Златоусте.

Кондак 11

Пением радостным изменися вскоре плачь паствы твоея, доблий страдальче: во изгнание бо влекому ти, внезапу гром возгреме, молния возблиста и, ветром шумящим, земля поколебася. Яже видящи и трепещущи, царица раскаяся и честне тя возврати, смиренно вопиющи Богу: Аллилуиа.

Икос 11

Светлую православия свещу, сугубо царица возненавиде тя вскоре, егда обличил еси ю, подобие свое близ храма поставльшую: сего ради, вторицею осужденный, в Кукузе, веси дальней и малей, заточен был еси, Иоанне. Приими убо от нас сицевыя хвалы:

Радуйся, по словеси Иеремиину от юности ярем Божий подъемый; радуйся, по глаголу Христову, руку делания на рало духовное возложивый.

Радуйся, до конца вспять не отвративыйся; радуйся, противу царицы злонравныя возгремевый.

Радуйся, тою, аки Креститель Иродиадою, возненавиденный; радуйся, от убийц незримо ангелом спасенный.

Радуйся, в дому твоем любовию паствы твоея хранимый; радуйся, клевретами неправедных судей уничиженный.

Радуйся, в заточение со смирением безропотно шедый; радуйся, верными оплаканный.

Радуйся, за Господа распятаго изъязвленный и заушенный; радуйся, яко мученицы со Предтечею на небесех о терпении твоем ликоваху.

Радуйся, святителю великий Иоанне Златоусте.

Кондак 12

Благодать Божия и во изгнании соблюдаше тя, Иоанне, тамо бо, аки Павел святый во узах, финикияном и персом Евангелие возвещал еси, посланьми верныя утешая. И тако упасл еси Церковь даже до дне, воньже златая уста твоя изрекоша словеса последняя: Слава Богу за вся! Душа же твоя на небеса пренесена бысть святыми ангелы, победне вопиющими: Аллилуиа.

Икос 12

Поюще радостно, вернии пренесоша святыя мощи твоя, Иоанне, в Царьград, отнюдуже слава твоя пройде до последних земли и обыде всю вселенную, учащи всех пети тебе сице:

Радуйся, странниче, во отечествие небесное вшедый; радуйся, всех церквей молитвами напутствованный.

Радуйся, на пути в Пифиунт дальний в Команех течение скончавый; радуйся, яко кончину ти предрече священномученик Василиск.

Радуйся, от сего услышавый: Брате, заутра купно обрящемся; радуйся, Святых Таин приятием к восхождению в рай укрепивыйся.

Радуйся, яко душа твоя от многотруднаго телесе тихо разлучися; радуйся, яко тление не прикоснуся костем твоим.

Радуйся, яко на сих во храмех Жертва Безкровная днесь возносится; радуйся, небесных высот обитателю, светом невечерним осиянный.

Радуйся, яко со святыми Василием Великим и Григорием Богословом явлься, восхваляти тя купно со онеми вся научил еси; радуйся, славо Церкве вселенския.

Радуйся, святителю великий Иоанне Златоусте.

Кондак 13

О святителю великий Иоанне Златоусте! Призри с небесных высот на ны, долу поверженныя, и прием сие от любве нашея приносимое ти хваление, умоли Господа Бога, да излиет на ны благодать Свою, немощная врачующую, сущия во православии укрепит, отпадшия же от Церкве паки в лоно тоя приведет, благоутробием Своим оскудевающая восполняя, и всех сподобит с тобою и всеми святыми пети Ему во веки: Аллилуиа.

(Этот кондак читается трижды, затем икос 1-й и кондак 1-й)

Икос 1

Ангельский образ нося, во плоти аки безплотен пожил еси, Иоанне; во спасение бо братий многия труды подъемля, делы добрыми Отца Небеснаго прославил еси. Темже ти глаголем:

Радуйся, Церкве Православныя украшение; радуйся, родителей именитых чадо благословенное.

Радуйся, еще во отрочестве от матере твоея любовию ко слову Божию напоенный; радуйся, от юности разум игу Христову покоривый.

Радуйся, Богови усердно послуживый; радуйся, вселенныя учителю.

Радуйся, христиан всех времен в молитвах наставниче; радуйся, жития иноческаго в Цареграде обновителю.

Радуйся, готфов и скифов просветителю; радуйся, богоукрепленный правды ревнителю.

Радуйся, вшедый в радость Господа твоего; радуйся, усердный о нас предстателю.

Радуйся, святителю великий Иоанне Златоусте.

Кондак 1

Возбранный вождю Церкве Христовы, златословесный учителю Иоанне! От юности добродетельми украсився, добре потрудился еси, и за имя Христово гонение претерпев, во изгнании житие скончал еси: сего ради на небесех сугубо прославлен еси, мудрый чина Церковнаго устроителю. Темже и мы умиленне чтим тя, зовуще:

Радуйся, святителю великий Иоанне Златоусте.

(После акафиста читается молитва)

Молитва святителю Иоанну Златоустому

«О святителю великий Иоанне Златоусте! Многая и различная дарования от Господа приял еси и, яко раб благий и верный, вся данныя тебе таланты добре умножил еси: сего ради воистину вселенский учитель был еси, яко всяк возраст и всяко звание от тебе поучается. Ты еси отроком — послушания образ, юным — целомудрия светило, мужем — трудолюбия наставник, старым — незлобия учитель, иноком — воздержания правило, молящимся — вождь от Бога вдохновенный, мудрости ищущим — ума просветитель, витиям доброглаголивым — слова живаго источник неисчерпаемый, благотворящим — милосердия звезда, начальствующим — правления мудраго образ, правды ревнителем — дерзновения вдохновитель, правды ради гонимым — терпения наставник: всем вся был еси, да всяко некия спасеши. Над всеми же сими стяжал еси любовь, яже есть соуз совершенства, и тою, яко силою Божественною, вся дарования во единем лице твоем во едино совокупил еси и туюжде любовь, разделенная примиряющую, в толковании словес апостольских всем верным проповедал еси. Мы же грешнии, по единому кийждо свое дарование имуще, единения духа в союзе мира не имамы, бываем тщеславни, друг друга раздражающе, друг другу завидяще; сего ради дарования наша разделенная не в мир и спасение, но во вражду и осуждение нам являются. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку гордость и зависть, нас разделяющия, да во мнозех удех едино тело церковное будем, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно и во веки веков. Аминь.»

Тропарь, глас 8

Уст твоих, якоже светлость огня, возсиявши благодать, вселенную просвети; не сребролюбия мирови сокровища сниска, высоту нам смиренномудрия показа, но твоими совесы наказуя, отче Иоанне Златоусте, моли Слова Христа Бога спастися душам нашим.

Кондак, глас 6

От Небес приял еси Божественную благодать, и твоими устнами вся учиши покланятися в Троице Единому Богу, Иоанне Златоусте, всеблаженне преподобне, достойно хвалим тя: еси бо наставник, яко божественная являя.

Величание святителя Иоанна Златоуста

Величаем тя, святителю отче Иоанне, и чтим святую память твою: ты бо молиши за нас Христа Бога нашего.